પીએમ મોદીએ કહ્યું, “મિત્રો, આજે મને તમારી સાથે વાત કરવાનું મન થાય છે. દેશ અને દુનિયાએ જંતર-મંતર પર જે બન્યું તે જોયું છે. કેટલાક તોફાની બાળકોએ અભદ્ર અને અપશબ્દોનો ઉપયોગ કર્યો – જે કોઈપણ સભ્ય સમાજને અયોગ્ય શબ્દો હતા. આવી ભાષાનો ઉપયોગ કરવામાં આવ્યો. મને અને મારી સ્વર્ગસ્થ માતાને પણ અપશબ્દો કહેવામં આવ્યા હતા.
તે ખરેખર ભયાનક હતું. જોકે, હું એ હકીકત પર ચર્ચા કરવા માંગુ છું કે ભૂલો બાળપણમાં થાય છે, અને બાળપણ પણ તે ભૂલોને સુધારવાની તક આપે છે – તે બાળપણનો સાર છે. તેથી, હું સમાજમાં ફેલાયેલા આક્રોશને સંપૂર્ણપણે સમજું છું.
સાંસ્કૃતિક આઘાતની લાગણી છે: આપણી દીકરીઓ આવી ભાષાનો ઉપયોગ કેવી રીતે કરી શકે?”
પ્રધાનમંત્રીએ વધુમાં ઉમેર્યું, “આ બાળકોને ભેટવાનો અને તેમને સાચા માર્ગ પર માર્ગદર્શન આપવાનો સમય છે. આ ગેરમાર્ગે દોરાયેલા બાળકો છે, અને તેમને રસ્તો બતાવવાની આપણી ફરજ છે. તેમને સજા કરવાથી, કોર્ટ કાર્યવાહીમાં ઘસડવાથી, અથવા સમાજમાં તેમને હેરાન કરવાથી પરિસ્થિતિ બદલાશે નહીં; હું તેમને માફ કરવા માંગુ છું. મને આશા છે કે સમાજ મારી આ ભાવના સ્વીકારશે, કારણ કે મારા હૃદયમાં એક જ વિચાર છે: ક્યારેક, આપણી જીભ આપણા દાંત વચ્ચે ફસાઈ જાય છે અને લોહી નીકળે છે, છતાં આપણે આપણા દાંત તોડી શકતા નથી – કારણ કે દાંત અને જીભ બંને આપણા છે.
મોદીએ કહ્યું, “આ બાળકો પણ આપણા છે, અને તેમને માર્ગદર્શન આપવાનું આપણું કામ છે. ગેરમાર્ગે દોરાયેલાઓને સાચો રસ્તો બતાવવો મુશ્કેલ છે, પરંતુ મુશ્કેલ કાર્યો હાથ ધરવા જ જોઈએ. તેથી, હું આ બાળકોને કહું છું: ચાલો, દેશ માટે સાથે મળીને આગળ વધીએ.” “કંઈક નવું શીખો. તમારી ભૂલોમાંથી પણ શીખો. તમારા સપનાઓને અનુસરો. દેશ ખૂબ પ્રગતિ કરી રહ્યો છે અને વધુ પ્રગતિ માટે તૈયાર છે; તે ચોક્કસ છે કે તમે પણ આગળ વધશો. તે મારું સ્વપ્ન છે. હું તમારા માટે જીવું છું.” હું તમારા ઉજ્જવળ ભવિષ્ય માટે મારી જાતને સમર્પિત કરું છું. ચાલો આપણે સાથે મળીને દેશને આગળ લઈ જઈએ. ખુબ ખુબ આભાર મિત્રો. “બસ તમારી ભૂલોમાંથી શીખો અને આગળ વધતા રહો.”
નોંધનીય છે કે પીએમ મોદીના આ વીડિયો સંદેશને જંતર-મંતર પર વિરોધ પ્રદર્શન દરમિયાન ઉપયોગમાં લેવામાં આવેલી અપશબ્દોના સંદર્ભમાં જોવામાં આવી રહ્યો છે. આ ઘટનાના સંદર્ભમાં રૂૂચિકા નામની 15 વર્ષીય મહિલા વિરુદ્ધ નોઈડામાં ’ઝીરો એફઆઈઆર’ નોંધવામાં આવી હતી, જેનાથી સોશિયલ મીડિયા પર ચર્ચા શરૂૂ થઈ ગઈ હતી.
જો કે રૂચિકાસિંહ નામની બાળકી સામે નોંધાયેલી એફઆઇઆર મામલે કોક્રોચ જનતા પાર્ટીના સ્થાપક અભિજીત દીપકેએ સવાલ ઉઠાવી દલીલ કરી હતી કે અપમાનજનક ભાષા ગુનો નથી. દેશમાં શું બે કાયદા છે એવો સવાલ કરી તેમણે જણાવ્યું હતું કે અપમાનજનક ભાષાનો ઉપયોગ કરતા ભાજપના નેતાઓ અને આટી સેલના સભ્યો સામે કોઇ કાર્યવાહી થતી નથી.
મોદીના વીડિયો પછી 15 વર્ષની રૂચિકાએ હાથ જોડી રાષ્ટ્રની માફી માગી
જંતર-મંતર પર ’કોકરોચ જનતા પાર્ટી’ દ્વારા કરવામાં આવેલા વિરોધ પ્રદર્શન દરમિયાન વડા પ્રધાન નરેન્દ્ર મોદી પર અપશબ્દો બોલનાર એક છોકરીએ જાહેરમાં માફી માંગી છે. પીએમના વિડિઓના થોડા કલાકો પછી, રુચિકાસિંહ નામની છોકરીનો માફી માંગતો વિડિઓ સોશિયલ મીડિયા પર સામે આવ્યો. વિડિઓમાં, તે હાથ જોડીને માફી માંગતી જોવા મળે છે. તેણી સમજાવે છે કે જે દિવસે તેણી જંતર-મંતરની મુલાકાત લીધી હતી, તે દિવસે વિવિધ જૂથોના લોકો વડા પ્રધાન પર અપશબ્દો બોલી રહ્યા હતા; આથી તે ઉશ્કેરાઇ અને પીએમ સામે અપશબ્દો બોલી રુચિકાએ માફી માટે વિનંતી કરી, વચન આપ્યું કે આ તેની પહેલી અને છેલ્લી ભૂલ હશે. રુચિકાનો માફી પત્ર સામે આવે તે પહેલાં, તેની માતાનું નિવેદન પણ મીડિયામાં આવ્યું હતું. રુચિકાની માતાએ જણાવ્યું હતું કે તેઓએ પોલીસ અધિકારીઓને માફી પત્ર સુપરત કરી દીધો છે અને જે બન્યું તેના પર ખૂબ જ દિલગીરી વ્યક્ત કરી છે.
