તાજેતરના પ્લેન અકસ્માતો બાદ મુસાફરો ગભરાટમાં છે. લોકોના મનમાં ડર વસી ગયો છે. દરમિયાન હવે એક ચોંકાવનારા સમાચાર સામે આવ્યા છે.એરક્રાફ્ટનું ઈમરજન્સી લેન્ડિંગ થયું, તેની પાછળનું કારણ આશ્ચર્યજનક છે. કહેવામાં આવી રહ્યું છે કે એક છોકરીની ઉધરસને કારણે ફ્લાઈટમાં હંગામો થયો અને પછી પ્લેનને ઇટાલીના બારીમાં લેન્ડ કરવું પડયું હતું.
તુર્કીથી લંડન જઇ રહેલી ફ્લાઈટ દરમિયાન બે મુસાફરો વચ્ચે બોલાચાલી થઈ હતી. એવું કહેવામાં આવ્યું હતું કે 16 વર્ષની એક છોકરી ઉધરસ ખાતી 10 વર્ષની છોકરી પર એટલી ગુસ્સે થઈ ગઈ કે તેણે હંગામો મચાવ્યો. જ્યારે ક્રૂ મેમ્બર્સ યુવતી પાસે પહોંચ્યા અને તેને શાંત કરવાનો પ્રયાસ કર્યો તો તે વધુ ઉશ્કેરાઈ ગઈ. યુવતીએ ક્રૂ મેમ્બર્સને છરી બતાવીને ધમકી આપી હતી. જ્યારે ક્રૂ મેમ્બરે યુવતીને લડાઈ રોકવા માટે આગળ લઈ જવાનો પ્રયાસ કર્યો તો તેણે તેને છરી બતાવી ધમકી આપી. યુવતી પર આરોપ છે કે તેણે યુવતીને માત્ર ધમકાવી જ નહીં પરંતુ તેની પાછળ ટોયલેટ સુધી પણ ગઈ અને બાદમાં બાળકીની માતા સાથે દુર્વ્યવહાર કરવા લાગી.પરિસ્થિતિ ત્યારે બગડી જ્યારે યુવતીએ પ્લેનના દરવાજાનું હેન્ડલ તોડી નાખ્યું અને યાત્રીઓ પર પગરખાં ફેંકી દીધા. આ ઘટનાએ ઘણા મુસાફરોને પરેશાન કર્યા, જેમાંથી કેટલાક તણાવને કારણે બીમાર પડ્યા. પાયલોટે વિમાનમાં સવાર તમામ લોકોની સુરક્ષા માટે બારી એરપોર્ટ પર ઈમરજન્સી લેન્ડિંગ કરવાનો નિર્ણય લીધો હતો.
પ્લેન આવે તે પહેલા જ પોલીસ, ફાયર બ્રિગેડ અને મેન્ટેનન્સના લોકો એરપોર્ટ પર પહોંચી ગયા હતા. આ પછી યુવતીની ધરપકડ કરવામાં આવી હતી અને મુસાફરોના નિવેદન લેવામાં આવ્યા હતા. દરમિયાન, એરલાઇન ઇઝીજેટે તેના મુસાફરોની માફી માંગી અને કહ્યું કે આવી ઘટનાઓ અને મુસાફરોની સુરક્ષાને ખૂબ ગંભીરતાથી લેવામાં આવે છે.
