ઉત્તર પ્રદેશના બિજનૌરથી એક ભયાનક માર્ગ અકસ્માતની ઘટના સામે આવી છે. મળતી માહિતી અનુસાર કાર અને ટેમ્પો વચ્ચે થયેલી અથડામણમાં 7 લોકોના મોત થયા છે. આ અકસ્માત ઓવરટેકિંગ દરમિયાન થયો હતો જેમાં કારે ટેમ્પોને જોરદાર ટક્કર મારી હતી. મૃત્યુ પામેલા છ લોકો એક જ પરિવારના હતા.
મળતી માહિતી અનુસાર બિજનૌર રોડ અકસ્માતમાં 7 લોકોના મોત થયા છે જેમાં ક્રેટા કારે ઓટોને જોરદાર ટક્કર મારી હતી. ઓટોમાં 7 લોકો સવાર હતા અને તમામના અકસ્માતમાં મોત થયા હતા. ક્રેટા કારે અન્ય વાહનને ઓવરટેક કરતી વખતે ટેમ્પોને જોરદાર ટક્કર મારી હતી.
માહિતી વિગતો અનુસાર જ સ્થાનિક પોલીસ ઘટનાસ્થળે પહોંચી ગઈ હતી. ટેમ્પોમાં મુસાફરી કરી રહેલા લોકો મુરાદાબાદ રેલવે સ્ટેશનથી ધામપુર આવી રહ્યા હતા. સૂત્રોના જણાવ્યા અનુસાર મૃતકોમાંથી છ એક જ પરિવારના હતા. ઝારખંડમાં લગ્ન કરીને આખો પરિવાર ઘરે પરત ફરી રહ્યો હતો. મૃતકોમાં 4 પુરુષ, 2 મહિલા અને 1 છોકરીનો સમાવેશ થાય છે.
મળતી માહિતી મુજબ, માર્ગ અકસ્માતમાં મૃતક તમામ ઝારખંડમાં લગ્નમાંથી ઘરે પરત ફરી રહ્યા હતા. મૃતકોમાં ખુર્શીદ, તેનો પુત્ર વિશાલ, પુત્રવધૂ ખુશી ઉપરાંત મુમતાઝ, પત્ની રૂબી અને પુત્રી બુશરાનો સમાવેશ થાય છે. આ પરિવાર ઝારખંડથી દુલ્હન સાથે પરત ફરી રહ્યો હતો. આ અકસ્માતમાં નવ પરિણીત યુગલ સહિત કુલ 7 લોકોના મોત થયા હતા.
