ગુજરાતનું બજેટ રજૂ કરતા નાણામંત્રી, ચૂંટણીલક્ષી રાહતો

ગતવર્ષ કરતા બજેટના કદમાં જંગી વધારો, GYAN મોડેલ ઉપર ધ્યાન કેન્દ્રીત, કોમનવેલ્થ આયોજન અંગે જાહેરાતની સંભાવના

ગુજરાતના નાણામંત્રી કનુભાઇ દેસાઇએ આજે વિધાનસભામાં વર્ષ 2026-27નું બજેટ રજુ કર્યું હતું. આ વર્ષે ગત વર્ષ કરતા બજેટના કદમાં અંદાજે 11 ટકા જેવો વધારો કરવામાં આવે અને રૂા.4 લાખ કરોડથી રૂા.4.25 લાખ કરોડ વચ્ચે બજેટ રહેવાનો અંદાજ છે.

નાણામંત્રી કનુભાઈ આ વખતે બજેટમાં લગભગ 11 ટકાનો વધારી શકે છે. જેથી આ વખતનું બજેટ લગભગ ચાર લાખ કરોડની રકમને આંબી શકે છે. જ્યારે બીજી બાજુ થોડા દિવસ પહેલા જ રાજ્યમાં 9 મહાનગરપાલિકાઓ અને 1 નવા જિલ્લા અંગે જાહેરાત કરવામાં આવી હતી જેને લઇને પણ બજેટમાં મહત્ત્વની જાહેરાત કરવામાં આવી શકે છે.

ગયા વર્ષે રાજ્યના નાણામંત્રી કનુ દેસાઈએ વિધાનસભામાં 2025-26નું બજેટ રજૂ કર્યું હતું. રાજ્ય સરકારે જે બજેટ 2025-26 રજૂ કર્યું હતું એ ઐતિહાસિક કુલ 3 લાખ 70 હજાર 250 કરોડનું બજેટ હતું. ત્યારે નાણામંત્રી કનુભાઈ દેસાઈએ તેમનું ચોથું બજેટ રજૂ કર્યું હતું.

ગુજરાતના નાણામંત્રી કનુભાઈ દેસાઈએ ગત વર્ષે 3.72 લાખ કરોડ રૂૂપિયાનું બજેટ રજુ કર્યું હતું. ગુજરાત સરકારના જણાવ્યા અનુસાર, ગયા વર્ષ કરતાં આ નાણાકીય વર્ષમાં રૂૂ. 31,444 કરોડ વધુ ખર્ચવાની યોજના છે. નાણામંત્રી દેસાઈએ બજેટ ભાષણ દરમિયાન જણાવ્યું હતું કે ગત નાણાકીય વર્ષની સરખામણીએ આ વર્ષે સરકારે તેના બજેટમાં 10.44 ટકાનો વધારો કર્યો છે.

ભારત સરકાર સાથે ખભે ખભા મિલાવીને કામ કરવાના તેના પ્રયાસના ભાગરૂૂપે, ગુજરાતે ગરીબો, યુવાનો, અન્ન પ્રદાતાઓ અને મહિલા શક્તિ પર પણ ધ્યાન કેન્દ્રિત કર્યું છે. વિધાનસભામાં બજેટ ભાષણ દરમિયાન નાણામંત્રી દેસાઈએ જણાવ્યું હતું કે ગુજરાત સરકારે જ્ઞાનને કેન્દ્રમાં રાખીને તેનું બજેટ તૈયાર કર્યું છે. તેના સંપૂર્ણ સ્વરૂૂપનું વર્ણન કરતાં, તેમણે કહ્યું કે જી ગરીબોનું પ્રતિનિધિત્વ કરે છે, વાયનો અર્થ યુવાનો છે, જ્યારે એ એ ખેડૂતો અથવા ખોરાક પ્રદાતાઓને સમર્પિત સરકારનું પ્રતિનિધિત્વ કરે છે. એનનો અર્થ સમજાવતા નાણામંત્રી દેસાઈએ જણાવ્યું હતું કે, સરકારે મહિલા શક્તિ માટે પણ યોજનાઓ બનાવી છે.

ગુજરાત સરકારે પનમો લક્ષ્મીથ નામની નવી યોજનાનો પ્રસ્તાવ મૂક્યો છે. આ અંતર્ગત સરકારી, અનુદાનિત અને ખાનગી શાળાઓમાં ધોરણ 9 થી 12 સુધી અભ્યાસ કરતી છોકરીઓને ચાર વર્ષના અભ્યાસ માટે 50,000 રૂૂપિયા આપવામાં આવશે. આ કાર્યક્રમ માટે બજેટમાં 1,250 કરોડ રૂૂપિયાની જોગવાઈ કરવામાં આવી છે. નમો શ્રી યોજના હેઠળ, પછાત અને ગરીબ વર્ગની ગર્ભવતી મહિલાઓને 12,000 રૂૂપિયાની સહાય આપવામાં આવશે. બજેટમાં 750 કરોડની જોગવાઈ કરવામાં આવી છે.

રાજ્ય સરકાર દ્વારા આ વર્ષે ‘”GYAN’ મોડેલ પર કેન્દ્રિત રહી બજેટ રજૂ થવાની શક્યતા વ્યક્ત કરવામાં આવી રહી છે. ગરીબ, યુવા, ખેડૂત અને નારી શક્તિઆ ચાર સ્તંભોને કેન્દ્રમાં રાખી વિકાસયોજનાઓ જાહેર થઈ શકે છે.

સરકાર દ્વારા સામાજિક સુરક્ષા યોજનાઓમાં વધારો, યુવાનો માટે રોજગારમુખી તાલીમ અને સ્ટાર્ટઅપ પ્રોત્સાહન, ખેડૂતો માટે આધુનિક ખેતી સાધનો અને બજાર જોડાણ જેવી પહેલો જાહેર થવાની શક્યતા છે. નારી શક્તિ સશક્તિકરણ માટે સ્વરોજગાર, સ્વસહાય જૂથો અને આરોગ્ય સુરક્ષા યોજનાઓમાં વધારો થવાની ચર્ચા છે.

કૃષિ ક્ષેત્રે ‘બીજથી બજાર સુધી’નો મંત્ર અપનાવી ખેડૂતોને સંપૂર્ણ સપોર્ટ સિસ્ટમ આપવા પર ભાર મુકાઈ શકે છે. સિંચાઈ યોજનાઓની ફાળવણીમાં આશરે 20 ટકાનો વધારો થવાની શક્યતા વ્યક્ત થઈ રહી છે, જેનાથી ખેતીમાં ઉત્પાદનક્ષમતા વધારવાનો સરકારનો પ્રયાસ રહેશે. રિસર્ચ અને ડેવલપમેન્ટ માટે કરોડોની જોગવાઈ પણ બજેટમાં સામેલ થઈ શકે છે.

શિક્ષણ ક્ષેત્રે ડિજિટલ ઈન્ફ્રાસ્ટ્રક્ચર, સ્કૂલ-કોલેજ અપગ્રેડેશન અને સ્કોલરશિપ યોજનાઓમાં વધારો થવાની સંભાવના છે. આરોગ્ય ક્ષેત્રે નવી હોસ્પિટલો, મેડિકલ કોલેજો અને પ્રાથમિક આરોગ્ય કેન્દ્રોના આધુનિકીકરણ માટે વિશેષ ફાળવણી થઈ શકે છે.