દાંપત્ય જીવનમાં દર વર્ષે વિવાદો સતત વધી રહ્યાં છે, ત્રણ વર્ષમાં હેલ્પલાઈનના કોલ પાંચ ગણા વધી ગયા
ગુજરાતમાં મહિલાઓની સુરક્ષા માટેની અભયમ 181 મહિલા હેલ્પલાઇન પર લગ્નેતર સંબંધો સંબંધિત કોલમાં નોંધપાત્ર વધારો જોવા મળ્યો છે. વર્ષ 2016માં આ કેટેગરીમાં માત્ર 2,190 કોલ આવ્યા હતા, જે 2025માં વધીને 10,428 થઈ ગયા છે એટલે કે પાંચ ગણો વધારો. આ આંકડા હેલ્પલાઇનના 12 વર્ષ પૂર્ણ થવાના અવસરે (8 માર્ચ, આંતરરાષ્ટ્રીય મહિલા દિવસ) સામે આવ્યા છે.
એક તાજા કિસ્સામાં, પશ્ચિમી શહેરી વિસ્તારની એક મહિલાએ ફેબ્રુઆરીમાં 181 પર કોલ કર્યો હતો. તેણીએ કબૂલ્યું કે સોશિયલ મીડિયા પર મળેલા બોયફ્રેન્ડને મળવા માટે તેણીએ પાંચ વર્ષના પતિને છોડી દીધો હતો. બે મહિના પછી ખબર પડી કે લગ્નનું વચન ખોખું હતું. આત્મહત્યાના વિચાર સુધી પહોંચેલી આ મહિલાને કાઉન્સેલિંગ દ્વારા સમજાવવામાં આવી અને તે પોતાના પતિ સાથે સમાધાન કરવાના પ્રયાસ કરી રહી છે, એમ કાઉન્સેલરે જણાવ્યું.
ઊખછઈંના વરિષ્ઠ અધિકારીએ જણાવ્યું કે, 2015માં આ કેટેગરીમાં માત્ર 812 કોલ આવ્યા હતા, જે 2016માં એક જ વર્ષમાં 2,000થી વધુ થઈ ગયા. 2023થી આ કેટેગરી કુલ કોલના આશરે 5% છે અને વર્ષે 10,000થી વધુ કોલ આવે છે. આ કોલ માત્ર મોટા શહેરોમાંથી જ નહીં, રાજ્યના અન્ય વિસ્તારોમાંથી પણ આવે છે. આ વધારાને જાગૃતિમાં વધારો અને સેવાઓના વિસ્તારને કારણે જોવામાં આવે છે.
અભયમ હેલ્પલાઇન માર્ચ 2014માં શરૂૂ થઈ હતી અને 12 વર્ષમાં 18 લાખથી વધુ કોલ મળ્યા છે. 2023માં સૌથી વધુ 2.18 લાખ કોલ આવ્યા હતા, જ્યારે 2025માં તે થોડું ઘટીને 1.98 લાખ (દર કલાકે 22 કોલ) થયા. ઘરેલુ હિંસાના કોલ 2016માં 32% (36,000) હતા, જે 2025માં 46% (90,000) થયા. કોવિડ વર્ષોમાં તે 48-49% સુધી પહોંચ્યા હતા.
અન્ય કેટેગરીમાં પણ વધારો જોવા મળ્યો છે: હેરાનગતિ, ત્રાસ અને દુર્વ્યવહાર 5%થી 15%, કાનૂની મુદ્દા 2%થી 4%. તાજેતરના વર્ષોમાં સાસ-સસરા તથા બાળકો સાથેના વ્યક્તિગત વિવાદોમાં વધારો થયો છે, જેમાં અતિશય સ્ક્રીન ટાઇમ અને લાઇફસ્ટાઇલ સંબંધિત મુદ્દાઓ મુખ્ય છે.
