સંસદમાં કૂતરાને લાવવા માટે સંભવિત વિશેષાધિકાર પ્રસ્તાવનો સામનો કરી રહેલા કોંગ્રેસના સાંસદ રેણુકા ચૌધરીએ પત્રકારોના પ્રશ્નોના જવાબ અસામાન્ય રીતે આપ્યા – કૂતરાની ભસવાની નકલ કરીને. ભૂ, ભૌ…ઔર ક્યા બોલું? (હું બીજું શું કહું), ચૌધરીએ બુધવારે કહ્યું, સંસદમાં પોતાની સાથે એક રખડતા કુરકુરિયું લાવ્યાના બે દિવસ પછી તેમણે આજે આવો પ્રતિભાવ આપ્યો હતો. પ્રશ્ન વારંવાર પુછવામાં આવતા તેમણે ઉમેર્યું, આપણે જોઈશું કે ક્યારે તે (વિશેષાધિકાર પ્રસ્તાવ) લાવવામાં આવશે. હું મુન્હતોડ (યોગ્ય) જવાબ આપીશ.
પૂર્વ કેન્દ્રીય મંત્રીએ એમ પણ દલીલ કરી હતી કે ચર્ચા કરવા માટે ઘણા વધુ મહત્વપૂર્ણ મુદ્દાઓ છે, લોકો પ્રદૂષણને કારણે મરી રહ્યા છે અને કોઈને ચિંતા નથી. બીએલઓ આત્મહત્યા કરી રહ્યા છે, તેમના પરિવારોનો નાશ થઈ રહ્યો છે, અને કોઈને પરવા નથી. શ્રમ કાયદાઓ આપણા પર લાદવામાં આવી રહ્યા છે, સંચાર સાથી એપ્લિકેશન આપણા પર લાદવામાં આવી રહી છે – પરંતુ રેણુકા ચૌધરીના કૂતરાએ બધાને હેરાન કર્યા છે. હું શું કહી શકું? હું પ્રાણીઓની સંભાળ રાખવાનું ચાલુ રાખીશ,સ્ત્રસ્ત્ર તેણીએ ટિપ્પણી કરી.
ચૌધરીએ પુનરોચ્ચાર કર્યો કે સાંસદને કૂતરો – અથવા કોઈપણ પ્રાણી – સંસદમાં લાવવાથી અટકાવવાનો કોઈ નિયમ નથી. સંસદીય પ્રધાન કિરણ રિજિજુ પર પ્રહાર કરતા તેમણે જણાવ્યું હતું કે ચારિત્ર્યનું પ્રમાણ પત્ર આપતા પહેલા તેમણે તેમના પક્ષ પર ધ્યાન આપવું જોઇએ. તેમણે પુર્વ પી.એમ. વાજપેયીનો ઉલ્લેખ કરી તેમણે કહ્યું કે તેઓ પણ એક વખત સંસદમાં બળદગાડામાં આવ્યા હતા.
ભૂતપૂર્વ કેન્દ્રીય મંત્રી શિયાળુ સત્રના શરૂૂઆતના દિવસે સંસદમાં કુરકુરિયું લાવ્યા હતા. તેણીએ દાવો કર્યો હતો કે તેણીએ તે સવારે રોડ અકસ્માતના સ્થળની નજીક તેને જોયું હતું અને તેની સલામતી માટે ડર અનુભવતા હતા. સરકાર અને શાસક ભાજપ પર પ્રહાર કરતા, તેણીએ ઉમેર્યું હતું કે ખરા કૂતરાઓ સંસદમાં બેઠા છે.
