એપલના કેટલાક કર્મચારીઓ સિરીના રેકોર્ડિંગ સાંભળતા હોવાનો પણ દાવો
એપલ કંપની સામેનો કેસ ચર્ચાનો વિષય બન્યો છે. ઘણા લોકો કહે છે કે તેમના એપલ ડિવાઇસે તેમની પરવાનગી વિના તેમની ખાનગી વાતચીત રેકોર્ડ કરી છે. લોપેઝ વિરુદ્ધ એપલનો આ કેસ 2021 માં અમેરિકાના કેલિફોર્નિયાની એક કોર્ટમાં દાખલ કરવામાં આવ્યો હતો. ફરિયાદ કરનારાઓએ જણાવ્યું હતું કે વપરાશકર્તાઓને ખબર પણ ન પડે તે રીતે એપલ ડિવાઇસ પર સિરી આપમેળે શરૂૂ થઈ જતી હતી અને તેમની ખાનગી વાતચીત રેકોર્ડ થઈ જતી હતી.
કાનૂની નોટિસ અનુસાર, યુએસએ ટુડે અહેવાલ આપે છે કે જો તમે 17 સપ્ટેમ્બર, 2014 અને 31 ડિસેમ્બર, 2024 ની વચ્ચે સિરી સાથે એપલ ડિવાઇસ ખરીદ્યું હોય અને તમને ક્યારેય એવું લાગ્યું હોય કે સિરીએ તમારી સંમતિ વિના તમારી ખાનગી વાતચીતો સક્રિય કરી છે અને સાંભળી છે, તો તમારે આ નોટિસ વાંચવી જોઈએ કારણ કે તે તમારા કાનૂની અધિકારોને અસર કરી શકે છે કેસમાં એવું પણ કહેવામાં આવ્યું છે કે સંમતિ વિના રેકોર્ડ કરેલી વાતચીત જાહેરાતો બતાવનારાઓ સાથે શેર કરી શકાય છે. આ જ કારણ છે કે તમને વિચિત્ર જાહેરાતો દેખાય છે.
કેટલાક લોકોએ કહ્યું કે તેઓએ જે બાબતો વિશે વાત કરી હતી તેની જાહેરાતો જોઈ, ભલે તેઓએ ક્યારેય સિરી સાથે વાત પણ કરી ન હતી. કેટલાક અન્ય લોકોએ કહ્યું કે હે સિરી જેવો કોઈ આદેશ ન આપતા હોવા છતાં પણ તેમના ઉપકરણો તેમને સાંભળી રહ્યા હોય તેવું લાગતું હતું.આ કિસ્સામા 2019 ના ધ ગાર્ડિયન નામના સમાચારનો પણ ઉલ્લેખ કરવામાં આવ્યો છે. તે સમાચારમાં એવું બહાર આવ્યું હતું કે એપલના કેટલાક કર્મચારીઓ સિરીના રેકોર્ડિંગ સાંભળતા હતા અને તેમાં તેમને લોકોની ખૂબ જ અંગત માહિતી પણ સાંભળવા મળતી હતી. તે સમયે, એપલે સ્વીકાર્યું કે આવું થાય છે, પરંતુ કહ્યું કે ગુણવત્તા ચકાસણી માટે રેકોર્ડિંગ્સનો ફક્ત થોડો ભાગ જ શેર કરવામાં આવે છે.
ભારતમાં એપલ વપરાશકર્તાઓ આ સમાધાનનો દાવો કરી શકતા નથી. આ ફક્ત અમેરિકામાં રહેતા લોકો માટે છે. લોપેઝ વિરુદ્ધ એપલ કેસ યુએસ કોર્ટમાં દાખલ કરવામાં આવ્યો હતો અને મોટાભાગના આવા કેસ ફક્ત એવા લોકોને લાગુ પડે છે .
