મધ્ય પ્રદેશના કાન્હા ટાઇગર રિઝર્વમાં છેલ્લા બે મહિનામાં કેનાઇન ડિસ્ટેમ્પર વાયરસ (CDV)ના કારણે અનેક વાઘોના મોત થયા છે. સિંહો પછી હવે વાઘો પણ આ મારક વાયરસનો શિકાર બની રહ્યા છે, જે વન્યપ્રાણી સંરક્ષણ માટે મોટી ચિંતાનું કારણ બન્યું છે.કાન્હાના સરહી અને મુક્કી રેન્જમાં એક વાઘીણ અને તેના ચાર બચ્ચાઓ સહિત કુલ છ વાઘોના મોત થયા છે. આ વાયરસ મુખ્યત્વે કૂતરાઓમાંથી વન્યપ્રાણીઓમાં ફેલાય છે. પોસ્ટમોર્ટમ અહેવાલોમાં ફેફસાંમાં ગંભીર ચેપ અને ન્યુમોનિયાના લક્ષણો જોવા મળ્યા છે.
કેનાઇન ડિસ્ટેમ્પર વાયરસ અત્યંત સંક્રામક છે. તે વન્યપ્રાણીઓમાં શ્વસનતંત્ર અને તંત્રિકા તંત્રને અસર કરે છે. ગિરમાં આસપાસના સિંહોમાં પણ આ વાયરસથી મોત નીપજ્યા હતા. હવે તે વાઘો માટે પણ મોટો ખતરો બની ગયો છે. મધ્ય પ્રદેશ સરકાર અને વન વિભાગે વાઘોની સુરક્ષા માટે વિશેષ ટીમો બનાવી છે. રિઝર્વની આસપાસના ગામડાઓમાં કૂતરાઓનું રસીકરણ અભિયાન શરૂૂ કરવામાં આવ્યું છે. સેનેટાઇઝેશન અને મોનિટરિંગ વધારવામાં આવ્યું છે.
વન્યપ્રાણી વિશેષજ્ઞોનું કહેવું છે કે વાઘોના આવા મોતથી ટાઇગર પોપ્યુલેશન પર અસર પડી શકે છે. રાષ્ટ્રીય વાઘ સંરક્ષણ અધિકારી (NTCA)એ પણ તમામ ટાઇગર રિઝર્વમાં સતર્કતા વધારવા સૂચના આપી છે. આ ઘટનાએ વન્યપ્રાણીઓ અને સ્થાનિક કૂતરાઓ વચ્ચેના સંપર્કને નિયંત્રિત કરવાની જરૂૂરિયાત તરફ ધ્યાન ખેંચ્યું છે. વન વિભાગે લોકોને જાગૃતિ અભિયાન ચલાવવાની અપીલ કરી છે.