આમિર ખાન પ્રોડક્શન્સ (ભારત), માઈન્ડ બ્લોઈંગ ફિલ્મ્સ (ઓસ્ટ્રેલિયા) અને કબીર ખાન ફિલ્મ્સે ‘સિલક્યારા 41’ની જાહેરાત કરી છે. આ ફિલ્મ ઉત્તરાખંડમાં સિલ્ક્યારા ટનલ રેસ્ક્યુ મિશનથી પ્રેરિત છે અને આ ઓપરેશનમાં આંતરરાષ્ટ્રીય ખ્યાતિપ્રાપ્ત ટનલિંગ નિષ્ણાત અને ઑસ્ટ્રેલિયાના સ્થાનિક હીરો આર્નોલ્ડ ડિક્સ દ્વારા મહત્વપૂર્ણ ભૂમિકા ભજવવામાં આવી છે.
આ ફિલ્મ પ્રખ્યાત ઓસ્ટ્રેલિયન પટકથા લેખક એન્ડ્રુ અનાસ્તાસિયોસ (‘ધ વોટર ડિવાઈનર’) દ્વારા લખવામાં આવી છે અને તેનું નિર્દેશન એવોર્ડ વિજેતા ભારતીય ફિલ્મ નિર્માતા કબીર ખાન દ્વારા કરવામાં આવ્યું છે. આ ફિલ્મ ભારત અને ઓસ્ટ્રેલિયા વચ્ચેના વિશેષ સહયોગનું ઉદાહરણ છે, જે બંને દેશોની સર્જનાત્મક શક્તિ, વાર્તા કહેવાની પરંપરા અને ઉત્પાદન કુશળતાને એકસાથે લાવશે.
આમિર ખાન પ્રોડક્શનના ફાઉન્ડર અને પ્રોડ્યુસર આમિર ખાને કહ્યું, માઈન્ડ બ્લોઈંગ ફિલ્મ્સ અને ખાન પ્રોડક્શન્સ વચ્ચેના આ ખાસ સહયોગની જાહેરાત કરતાં અમને ખૂબ જ આનંદ થાય છે. સિલ્ક્યારા ટનલ રેસ્ક્યૂની વાર્તાએ મને ખૂબ જ પ્રભાવિત કર્યો. તે હિંમત, જુસ્સો, શાણપણ અને માનવતાની વાર્તા છે કે અમે એવા સંજોગોમાં ખાસ કરીને મુશ્કેલ પરિસ્થિતિનો સામનો કરી રહ્યા છીએ.
