પાવાગઢમાં ભકતોનું ઘોડાપૂર ઉમટ્યુ, નવ દિવસમાં 17 લાખ લોકોએ કર્યા દર્શન

વિશ્વવિખ્યાત શક્તિપીઠ અને ગુજરાતના પવિત્ર યાત્રાધામ પાવાગઢ ખાતે દિવાળીના તહેવારોની અત્યંત ભક્તિભાવ, હર્ષોલ્લાસ અને ધામધૂમપૂર્વક ઉજવણી કરવામાં આવી છે. નવા વર્ષની શરૂૂઆત જગતજનની મૉં કાલિકાના…

વિશ્વવિખ્યાત શક્તિપીઠ અને ગુજરાતના પવિત્ર યાત્રાધામ પાવાગઢ ખાતે દિવાળીના તહેવારોની અત્યંત ભક્તિભાવ, હર્ષોલ્લાસ અને ધામધૂમપૂર્વક ઉજવણી કરવામાં આવી છે. નવા વર્ષની શરૂૂઆત જગતજનની મૉં કાલિકાના આશીર્વાદ સાથે કરવા માટે ગુજરાત ઉપરાંત દેશના અન્ય રાજ્યોમાંથી પણ લાખોની સંખ્યામાં માઈભક્તોનું ઘોડાપૂર પાવાગઢ ડુંગર પર ઉમટી પડ્યું હતું, અને વાઘબારસથી લઈને લાભ પાંચમ સુધીના નવ દિવસના સમયગાળામાં યાત્રાધામમાં ભક્તોનો અભૂતપૂર્વ ધસારો જોવા મળ્યો હતો.

મંદિર ટ્રસ્ટના સત્તાવાર આંકડા મુજબ, વાઘબારસથી શરૂૂ થયેલા દિવાળી મહોત્સવથી લઈને લાભ પાંચમના રોજ સાંજે 5 વાગ્યા સુધીના નવ દિવસો દરમિયાન આશરે 17 લાખથી વધુ શ્રદ્ધાળુઓએ માતાજીના દર્શન કરીને ધન્યતા અનુભવી હતી. નૂતન વર્ષના મંગલમય પ્રારંભે ભક્તોએ મા કાલિકાના ચરણોમાં શીશ ઝુકાવી સુખ, શાંતિ અને સમૃદ્ધિની પ્રાર્થના કરી હતી, અને સમગ્ર પરિસર ’જય માતાજી’ના નાદથી ગુંજી ઉઠ્યું હતું.
ભારે ભીડ હોવા છતાં, તંત્રની આગોતરી તૈયારીઓ, સુરક્ષા બંદોબસ્ત અને સુચારુ સંચાલનને કારણે સમગ્ર દિવાળી પર્વ કોઈ પણ અનિચ્છનીય ઘટના વિના અત્યંત શાંતિપૂર્ણ અને ભક્તિમય માહોલમાં સંપન્ન થયું હતું. યાત્રિકોએ પણ તંત્ર દ્વારા ઊભી કરાયેલી સુવિધાઓ બદલ સંતોષની લાગણી વ્યક્ત કરી છે, ત્યારે આગામી સમયમાં આવનાર દેવ દિવાળી અને કાર્તિકી પૂર્ણિમાના મેળાને ધ્યાનમાં રાખીને તંત્ર દ્વારા યાત્રિકોની સુવિધા અને સુરક્ષા માટે વધુ સઘન આયોજનો હાથ ધરવામાં આવશે.

Leave a Reply

Your email address will not be published. Required fields are marked *