દિવાળી પહેલાં અમૂલે ઘી અને માખણના ભાવમાં વધારો કર્યો છે. 1 કિલો ઘીના કાર્ટનની કિંમતમાં 50 રૂૂપિયાનો વધારો થતાં હવે તે 680 રૂૂપિયાનું થયું છે, જ્યારે 500 ગ્રામ માખણના પેકની કિંમતમાં 15 રૂૂપિયાનો વધારો થયો છે. બજારોમાં અમૂલ ગાયના ઘીની વધતી માંગ અને તેની અછત વચ્ચે આ ભાવ વધારો કરવામાં આવ્યો છે.
ગુજરાત અને પડોશી રાજ્ય રાજસ્થાનમાં ભેળસેળયુક્ત ઉત્પાદનો સામે લેવાયેલા પગલાં બાદ બ્રાન્ડેડ ઘીની માંગમાં વધારો થયો છે, જેના પરિણામે આ ભાવ વધારો જોવા મળ્યો છે. ભાવમાં થયેલા આ વધારાને કારણે ગ્રાહકોને સપ્ટેમ્બર 2025માં મળેલો GST ઘટાડાનો લાભ પણ ઘણો અંશે ઘટી ગયો છે; તે સમયે ડેરી ઉત્પાદનો પરનો ટેક્સ 12% થી ઘટાડીને 5% કરવામાં આવ્યો હતો.
સુધારેલી MRP (મહત્તમ છૂટક કિંમત) મુજબ, 1 કિલો અમૂલ ઘીના કાર્ટનની કિંમત 630 રૂૂપિયાથી વધીને 680 રૂૂપિયા થઈ ગઈ છે. શુદ્ધ ઘીના 500 ગ્રામના પાઉચની કિંમત હવે 345 રૂૂપિયા થઈ છે, જે અગાઉ 325 રૂૂપિયા હતી. માખણના ભાવમાં પણ વિવિધ પેક સાઈઝ મુજબ વધારો કરવામાં આવ્યો છે. 100 ગ્રામના પેકની કિંમત હવે 63 રૂૂપિયાથી વધીને 66 રૂૂપિયા થઈ ગઈ છે, જ્યારે 500 ગ્રામના પેકની કિંમત 310 રૂૂપિયાથી વધીને 325 રૂૂપિયા થઈ છે.
સપ્ટેમ્બર 2025માં મળેલી GST રાહતનો લાભ, કિંમતોમાં થયેલા તાજેતરના ફેરફારને કારણે આંશિક રીતે સરભર થઈ ગયો છે. કિંમતોમાં આ તાજેતરનો વધારો એવા સમયે થયો છે જ્યારે સપ્ટેમ્બર 2025માં GST દરોમાં ઘટાડો થયા બાદ અમૂલે 700 જેટલા ડેરી ઉત્પાદનોના ભાવ ઘટાડ્યા હતા.
ગાયના ઘીના સ્ટોકની ભારે અછત
ઊંચા ભાવો ઉપરાંત, ગ્રાહકોને અમૂલ ડેરીના કેટલાક ઉત્પાદનો મેળવવામાં પણ મુશ્કેલીઓનો સામનો કરવો પડી રહ્યો છે. વડોદરા અને અમદાવાદના છૂટક વિક્રેતાઓએ જણાવ્યું હતું કે ગણેશ ઉત્સવ બાદ માંગમાં થયેલા તીવ્ર વધારાને કારણે ઘીનો સ્ટોક, ખાસ કરીને ગાયના ઘીનો સ્ટોક, ઘટી ગયો છે. અહેવાલ મુજબ, મંગળવારે અમદાવાદના સેટેલાઇટ વિસ્તારમાં આવેલા ડી-માર્ટ(D-Mart)ં આઉટલેટમાં અમૂલ ઘી કે માખણનો કોઈ સ્ટોક નહોતો. પુરવઠાને લગતી આ સમસ્યાઓ માત્ર ગુજરાત પૂરતી સીમિત નથી. જુલાઈ અને સપ્ટેમ્બર મહિનામાં પુણે અને કોલકાતામાં પણ આવી જ સમસ્યાઓ જોવા મળી હતી, જ્યારે જમ્મુ અને કાશ્મીરથી પણ ફરિયાદો સામે આવી છે. પુરવઠાને લગતી આ વ્યાપક સમસ્યાઓ પાછળના ચોક્કસ કારણો હજુ સ્પષ્ટ નથી. અમૂલ ઉત્પાદનોનું માર્કેટિંગ કરતી સંસ્થા ’ગુજરાત કો-ઓપરેટિવ મિલ્ક માર્કેટિંગ ફેડરેશન’ (GCMMF) એ આ અંગે ટિપ્પણી મેળવવાના પ્રયાસોનો કોઈ જવાબ આપ્યો નથી.
