મધ્ય પૂર્વના અખાતી દેશોમાં વધતી સુરક્ષા ચિંતાઓને પગલે ફ્લાઇટ સેવાઓ મોટા પાયે ખોરવાઈ છે, જેના કારણે સાઉદી અરેબિયામાં ઉમરાહ કરવા ગયેલા ગુજરાતીઓ સ્વદેશ પરત ફરવા માટે ભારે સંઘર્ષ કરી રહ્યા છે. જેદ્દાહ એરપોર્ટ પર સેંકડો ફ્લાઇટ્સ રદ કરવામાં આવી હોવાના અહેવાલ છે, જ્યારે રિયાધના કિંગ ખાલિદ ઇન્ટરનેશનલ એરપોર્ટ પર પણ કામગીરી સ્થગિત કરવામાં આવી છે. આ પરિસ્થિતિને કારણે ભારત અને અન્ય દેશોના યાત્રાળુઓ સહિત અનેક મુસાફરો ત્યાં જ અટવાઈ ગયા છે અને સામાન્ય કામગીરી ક્યારે શરૂૂ થશે તે અંગે કોઈ સ્પષ્ટતા નથી.
અમેરિકા, ઇઝરાયેલ અને ઈરાન વચ્ચે ચાલી રહેલા વ્યાપક સંઘર્ષની વચ્ચે રિયાધ ઇન્ટરનેશનલ એરપોર્ટ પર હુથીઓ દ્વારા કથિત હુમલાઓના અહેવાલો બાદ આ વિક્ષેપ ઉભો થયો છે. ઈરાન સમર્થિત જૂથે કથિત રીતે આ ક્ષેત્રની એરસ્પેસમાં કાર્યરત હવાઈ સેવાઓને નિશાન બનાવવાની ધમકી પણ આપી છે, જેનાથી ઉડ્ડયન સુરક્ષા અંગેની ચિંતાઓ વધી ગઈ છે. જેદ્દાહથી અમદાવાદની ડાયરેક્ટ ફ્લાઇટ્સ રદ થતાં હોટલમાં રોકાયેલા અનેક મુસાફરો ફસાઈ ગયા છે. એરલાઇન્સ તેમની નીતિઓ અનુસાર રિફંડ અથવા વૈકલ્પિક ફ્લાઇટ્સ પર રિબુકિંગની ઓફર કરી રહી છે, પરંતુ સેવાઓ ફરી શરૂૂ કરવા માટે હજુ સુધી કોઈ ચોક્કસ સમયમર્યાદા જાહેર કરવામાં આવી નથી.
ઉમરાહ પૂર્ણ કરીને પરત ફરવા માટે જેદ્દાહ પહોંચેલા કેટલાક યાત્રાળુઓએ ફ્લાઇટ રદ થવાને કારણે તેમના હોટેલ રોકાણને લંબાવવાની ફરજ પડી છે. હોટેલ બુકિંગની મુદત પૂરી થતાં તેમને વધારાનું બિલ ચૂકવવું પડી રહ્યું છે. આ અણધાર્યો ખર્ચ ખાસ કરીને વૃદ્ધો, મહિલાઓ અને બાળકો સાથે મુસાફરી કરતા પરિવારો માટે ખૂબ જ બોજારૂૂપ સાબિત થઈ રહ્યો છે.
આ વિક્ષેપ માત્ર અખાતી દેશો પૂરતો સીમિત નથી, પરંતુ તે દુબઈ, અબુ ધાબી અને દોહા જેવા મોટા આંતરરાષ્ટ્રીય ટ્રાન્ઝિટ હબ દ્વારા યુએસ અને યુરોપની મુસાફરી કરતા મુસાફરોને પણ અસર કરી શકે છે. ફ્લાઇટ્સ રદ થવા અને રૂૂટમાં ફેરફારને કારણે કનેક્ટિંગ ફ્લાઇટ્સ ચૂકી જવાના કિસ્સાઓ બની શકે છે અને મુસાફરીમાં વધુ વિલંબ થઈ શકે છે, જે આંતરરાષ્ટ્રીય પ્રવાસીઓ માટે અનિશ્ચિતતામાં વધારો કરી રહ્યો છે.
એડવાન્સ લઇ ટૂર બૂક કરનારા ઓપરેટરોની હાલત કફોડી
બીજી તરફ, હજારો ઉમરાહ યાત્રીઓ માટે ટિકિટ બુક કરાવનાર અને હોટલ, ટ્રાન્સપોર્ટ તથા અન્ય સેવાઓ માટે એડવાન્સ પેમેન્ટ કરનાર ટુર ઓપરેટરો પણ રિફંડ અને રિશેડ્યુલિંગને લઈને ભારે અનિશ્ચિતતાનો સામનો કરી રહ્યા છે. ફ્લાઇટ્સ ક્યારે ફરી શરૂૂ થશે તેની કોઈ જ સ્પષ્ટતા ન હોવાથી, ઓપરેટરો નવી મુસાફરીની તારીખો ઓફર કરવી કે હાલના બુકિંગમાં ફેરફાર કરવો તે નક્કી કરવામાં મુશ્કેલી અનુભવી રહ્યા છે. અગાઉથી ચૂકવણી કરનારા મુસાફરો પણ તેમના નાણાં પાછા મેળવવા અંગે અત્યંત ચિંતિત છે.