ભારત અને અફઘાનિસ્તાન વચ્ચે 3 મેચોની ટી20 આંતરરાષ્ટ્રીય શ્રેણી માટે ઉત્સુકતા ચરમસીમા પર છે. આ શ્રેણીની પ્રથમ મેચ 13 સપ્ટેમ્બરે દિલ્હીના અરુણ જેટલી સ્ટેડિયમ ખાતે રમાશે. આ શ્રેણી માટે ક્રિકેટ ચાહકોએ ખાસ ધ્યાન રાખવું પડશે કે આ વખતે લાઈવ મેચ જોવા માટેના પ્લેટફોર્મ બદલાયા છે.
આ શ્રેણીની તમામ ત્રણ ટી20 મેચો દિલ્હીના પ્રતિષ્ઠિત અરુણ જેટલી સ્ટેડિયમમાં યોજાશે. પ્રથમ મેચ 13 સપ્ટેમ્બરે, બીજી મેચ 15 સપ્ટેમ્બરે અને ત્રીજી તથા આખરી મેચ 17 સપ્ટેમ્બરે રમાવાની છે. આ સ્પર્ધાનું આયોજન અફઘાનિસ્તાન ક્રિકેટ બોર્ડ (અઈઇ) દ્વારા કરવામાં આવી રહ્યું છે. ભારતે પોતાના તટસ્થ મેદાન તરીકે દિલ્હીનું સ્ટેડિયમ ઉપલબ્ધ કરાવ્યું હોવાથી તમામ મેચો અહીં જ રમાશે. આગામી એશિયન ગેમ્સ પહેલાં બંને ટીમો માટે પોતાની ખામીઓ સુધારીને પોતાની તાકાત ચકાસવાની આ ઉત્તમ તક છે.
આ શ્રેણીનું ટીવી પર સીધું પ્રસારણ સોની સ્પોર્ટ્સ નેટવર્કની અલગ-અલગ ચેનલો પર અલગ-અલગ ભાષાઓની કોમેન્ટ્રી સાથે કરવામાં આવશે. મોબાઈલ/ડિજિટલ લાઈવ સ્ટ્રીમિંગ: મોબાઈલ, ટેબ્લેટ કે સ્માર્ટ ટીવીમાં લાઈવ મેચ જોવા માટે ફેનકોડ એપ અથવા વેબસાઈટનો ઉપયોગ કરવો પડશે.
ભારતીય ટીમ: શ્રેયસ ઐયર (કેપ્ટન), તિલક વર્મા (વાઈસ-કેપ્ટન), અભિષેક શર્મા, વૈભવ સૂર્યવંશી, સંજુ સેમસન (વિકેટકીપર), ઈશાન કિશન (વિકેટકીપર), શિવમ દુબે, નીતીશ કુમાર રેડ્ડી, અક્ષર પટેલ, વોશિંગ્ટન સુંદર, વરુણ ચક્રવર્તી, રવિ બિશ્નોઈ, જસપ્રીત બુમરાહ, અર્શદીપ સિંહ અને યશ ઠાકુર (હર્ષિત રાણાના સ્થાને).
અફઘાનિસ્તાન ટીમ: ઈબ્રાહિમ ઝદરાન (કેપ્ટન), રહેમાનુલ્લા ગુરબાઝ (વિકેટકીપર), સેદિકુલ્લાહ અટલ, દરવિશ રસૂલી, અઝમતુલ્લા ઉમરઝાઈ, ગુલબદ્દીન નાયબ, નૂર રહેમાન, મોહમ્મદ નબી, રશીદ ખાન, નાંગ્યાલ ખરોતી, મુજીબ ઉર રહેમાન, નૂર અહમદ, ફઝલહક ફારૂૂકી, નવીન-ઉલ-હક અને અબ્દુલ્લા અહમદઝાઈ.
