માફિયામાંથી રાજકારણી બનેલા અતીક અહેમદના સૌથી નાના પુત્ર અબાન અહેમદના ભયાનક કાર અકસ્માતનો લાઈવ વીડિયો સામે આવ્યો છે.ઝાંસીમાં બનેલી આ ગોઝારી ઘટનામાં અબાન અહેમદ અને તેના એક મિત્રનું ઘટનાસ્થળે જ કરૂણ મોત થયું હતું. અકસ્મત એટલો ભયાનક હતો કે અબાનની કાર પાછળ આવી રહેલી બીજી કારના ડેશકેમ કેમેરામાં સમગ્ર ઘટના કેદ થઈ ગઈ હતી. આ વીડિયો અકસ્માતના લગભગ છ દિવસ પછી સામે આવ્યો છે.
Update : Jhansi,UP 🇮🇳
A video related to the road accident death of Atiq Ahmed’s son Aban Ahmed has surfaced. Recorded from a vehicle behind, it shows a high-speed car hitting the divider and bouncing up. The impact was so severe that the car was badly damaged. https://t.co/JneXrG6vy8 pic.twitter.com/XcAvvMCWaB
— Terror Alerts (@Terroralerts007) August 12, 2026
વીડિયોમાં જોવા મળે છે કે અબાનની કાર રસ્તા પરથી પસાર થઈ રહી હતી અને અચાનક જ કારનો ગંભીર અકસ્માત સર્જાય છે.અકસ્મત બાદ કારનો કચ્ચરઘાણ વળી ગયો હતો અને ઘટનાસ્થળે જ અબાન સહિત બે લોકોના મોત થયા હતા. પોલીસે ઘટનાની તપાસ શરૂ કરી હતી. અને હવે વીડિયો સામે આવતાની સાથે આખો મામલો ફરી એકવાર ચર્ચાનો વિષય બન્યો છે.
વીડિયોમાં રસ્તા પર સામાન્ય ટ્રાફિક પ્રવાહ જોવા મળે છે. અકસ્માતમાં સામેલ કાર ડેશબોર્ડ કેમેરાથી સજ્જ વાહનની આગળ ઝડપથી આગળ વધતી જોવા મળે છે. કાર અચાનક રસ્તા પરથી ઉતરી જાય છે અને તે ડિવાઇડર સાથે અથડાય છે. ટક્કર થતાં કાર તેનું સંતુલન ગુમાવે છે અને રસ્તા પર પલટી જતા પહેલા હવામાં ઉછળતી જોવા મળે છે. આ અકસ્માત એટલી ઝડપથી થયો કે ત્યાં હાજર લોકોને પ્રતિક્રિયા આપવાનો સમય જ ન મળ્યો. ડિવાઇડર સાથે અથડાયા પછી કાર હવામાં ઉછળતી જોઈને લોકો ચોંકી જાય છે.
આ માર્ગ અકસ્માત 6 ઓગસ્ટના રોજ ઝાંસીના પૂંચ પોલીસ સ્ટેશન વિસ્તારમાં આવેલા હાઇવે પર થયો હતો. અતિક અહેમદનો પુત્ર, અબાન અહેમદ, તેના ભાઈ, અલી અહેમદ, જે હાલમાં ત્યાં જેલમાં છે, તેને મળવા માટે પ્રયાગરાજથી ઝાંસી જઈ રહ્યો હતો. આ મુસાફરી દરમિયાન આ અકસ્માત થયો. ટક્કર લાગતાં કારનો આગળનો ભાગ ગંભીર રીતે નુકસાન પામ્યો હતો. ઘટના બાદ, પોલીસ ઘટનાસ્થળે પહોંચી, અને ઘાયલોને હોસ્પિટલમાં લઈ જવામાં આવ્યા. આ અકસ્માતમાં અબાન અહેમદ અને તેના મિત્ર સોનુના મોત થયા, જ્યારે અન્ય ત્રણ ઘાયલ થયા. આ સમગ્ર ઘટના તેમની કાર પાછળ તરત જ આવી રહેલી કાર પર લગાવેલા કેમેરામાં કેદ થઈ ગઈ હતી.
જોકે આ વીડિયો તાત્કાલિક સામે આવ્યો ન હતો, પરંતુ અકસ્માતના લગભગ છ દિવસ પછી તે વાયરલ થઈ રહ્યો છે. ફૂટેજમાં કાર ડિવાઈડર સાથે અથડાઈ, પછી હવામાં ઉછાળીને પલટી ખાતી જોવા મળે છે. પોલીસ જણાવે છે કે આ મામલાની તપાસ ચાલી રહી છે અને અકસ્માતના કારણો અને સંજોગો અંગે વિવિધ પાસાઓની તપાસ કરવામાં આવી રહી છે. વીડિયો સામે આવ્યા બાદ, અધિકારીઓ અકસ્માત સમયે કારની ગતિ અને તે ડિવાઈડર સાથે કેવી રીતે અથડાઈ તેનું પણ મૂલ્યાંકન કરશે.
