મોરબીના યુવાનને આર્મીમેનના ખોટા નામો આપી પેઢીના નંબર પર ઇન્ડિયન આર્મી કેંટમાં વેન્ડર સિસ્ટમના નામે બેંક ખાતામાં રૂૂ 12.42 લાખ મેળવી ઠગાઈ કર્યાની પોલીસ ફરિયાદ નોંધાવી છે પોલીસે બે આરોપીઓના નામ અને મોબાઈલ નંબર તેમજ ચાર બેંક ખાતા નંબર ધારકો વિરુદ્ધ ફરિયાદ નોંધી તપાસ ચલાવી છે. મોરબીના લખધીરનગર (નવાગામ) રહેવાસી હર્ષ પ્રફુલભાઈ બરાસરા (ઉ.વ.25) નામના યુવાને કુણાલ ચૌધરી મો.નં. 97134 88231, કુલદિપસિંહ મો.નં. 73899 14732 તથા બેંક CANARA બેન્ક એકાઉન્ટ નં. 110323775636, BANDHAN બેન્ક એકાઉન્ટ નં. 20200150046262, BANDHAN બેન્ક એકાઉન્ટ નં. 20200150312888 અનેBANK OF MAHARASHTRA બેન્ક એકાઉન્ટ નં. 60586244216 ના ધારકો વિરુદ્ધ ફરિયાદ નોંધાવી છે.
તા. 02-08-26 થી તા. 06-08-26 સુધીના સમયમાં આરોપીઓએ કાવતરું રચીને બંને આરોપીઓએ આર્મીમેનના ખોટા નામો ધારણ કરી ફરિયાદી યુવાનને પેઢીના ફોન નંબર ઇન્ડિયા માર્ટ નામની વેબ્સાઈટ પરથી મેળવી ઇન્ડિયન આર્મી કેન્ટમાં વેન્ડર સીસ્ટમના નામે અલગ અલગ બેંક ખાતામાં અલગ અલગ ટ્રાન્જેક્શન કરાવી કુલ રૂૂ 12,42,184 ની ઠગાઈ કરી હતી મોરબી સાયબર ક્રાઈમ પોલીસે ફરિયાદ નોંધી તપાસ ચલાવી છે.
