ફિલિપાઈન્સના મધ્ય ભાગમાં એક સ્કૂલમાં સોમવારે સવારે ગોળીબારની ઘટનામાં ત્રણ વ્યક્તિઓના મોત થયા છે, જ્યારે પાંચ અન્ય ઘાયલ થયા છે. પોલીસે એક આરોપીને તાત્કાલિક ધરપકડ કરી લીધો છે, જ્યારે બીજા આરોપીની તલાશ ચાલુ છે.
આ ઘટના સવારે લગભગ 9 વાગ્યે તકલોબાન સિટીના બરાંગે સાન જોસે વિસ્તારમાં આવેલી એક સ્કૂલમાં બની હતી. પોલીસે જણાવ્યું કે ઘટનાસ્થળે પહોંચતાં જ આઠ વ્યક્તિઓને ગોળીબારમાં ઘાયલ અવસ્થામાં જોવા મળી હતી. તેમાંથી ત્રણના મોત થયા છે, જ્યારે પાંચને હોસ્પિટલમાં સારવાર માટે ખસેડવામાં આવ્યા છે. મૃતકો અને ઘાયલોની ઓળખ હજુ જાહેર કરવામાં આવી નથી, કારણ કે તેમના પરિવારજનોને હજુ સુધી જાણ કરવામાં આવી નથી.
સ્થાનિક મીડિયા અનુસાર, પોલીસે એક આરોપીને ધરપકડ કરી છે જે અને બરાંગે સાન જોસેનો જ રહેવાસી છે. બીજા આરોપીની શોધમાં પોલીસે મોટા પાયે તલાશ અભિયાન શરૂૂ કર્યું છે. તકલોબાન સિટી પોલીસે સંપૂર્ણ તપાસ શરૂૂ કરી છે અને હુમલાના કારણો તેમજ ઘટનાક્રમની વિગતો શોધી રહી છે. આ ઘટનાએ સ્થાનિક વિસ્તારમાં આતંકનું વાતાવરણ સર્જ્યું છે. અધિકારીઓએ આ ઘટનાને ગંભીરતાથી લઈને તપાસને વેગ આપ્યો છે.
