રાજકોટના માધાપરમાં આવેલી રઘુવીર ઈન્ડસ્ટ્રીની 18,745 ચોરસ મીટર જમીનનું ખાલસા કરવાનો મહત્વનો હુકમ આસી.કલેકટર દ્વારા કરવામાં આવ્યો છે. આ જમીનની અંદાજિત કિંમત 100 કરોડ રૂૂપિયા આસપાસ છે. આ નિર્ણય સાથે જ ઔદ્યોગિક વિસ્તારમાં જમીનના વિવાદ અને કરજ વસૂલાતના મુદ્દાઓનું એક મહત્વનું પ્રકરણ આગળ વધ્યું છે.
રઘુવીર ઈન્ડસ્ટ્રીએ વર્ષ 1990ના દાયકામાં માધાપરમાં ઔદ્યોગિક હેતુ માટે જમીન લીધી હતી. ત્યારબાદ વિવિધ કારણોસર ઉત્પાદન અટકી ગયું અને કંપની પર બેંકોનું કરજ વધી ગયું. વર્ષોથી આ જમીન પર સરકારી અને બેંકી વસૂલાતની પ્રક્રિયા ચાલતી હતી.
આસીટન્ટ કલેક્ટરે આ વર્ષે જમીન ખાલસા કરવાની પ્રક્રિયા શરૂૂ કરી હતી. આ અંગેની સૂચના અને નોટિસો યોગ્ય રીતે જારી કરવામાં આવી હતી. છેલ્લે આખરી નિર્ણય લેતા કલેક્ટરે 18,745 ચો.મી. જમીનનું ખાલસા કરવાનો હુકમ કર્યો છે.આ જમીન પર વર્ષ 2008, 2009, 2013 વગેરે વર્ષોમાં વિવિધ નોટિસો અને કાર્યવાહીઓ થઈ ચૂકી છે. હવે આ જમીનનું ઓક્શન અથવા ખાલસા પ્રક્રિયા દ્વારા વેચાણ થશે અને તેની આવકમાંથી બાકી કરજ અને સરકારી બાકીની વસૂલાત કરવામાં આવશે.
આસીટન્ટ કલેક્ટરે જણાવ્યું કે જમીન ખાલસા કરવા માટે તમામ કાનૂની પ્રક્રિયાઓ અનુસરવામાં આવી છે. આ પગલું રાજ્ય સરકારની ઔદ્યોગિક જમીનના યોગ્ય વપરાશ અને બેંક વસૂલાતની દિશામાં મહત્વનું છે. જે ખરીદદાર આ જમીન ખરીદશે તેને ઔદ્યોગિક ઉપયોગ માટે જમીન ફાળવવામાં આવશે. આ નિર્ણયથી સ્થાનિક ઔદ્યોગિક વર્તુળોમાં ચર્ચાઓ ચાલી રહી છે. કેટલાક વેપારીઓ અને ઉદ્યોગપતિઓ આ જમીનને નવા ઉદ્યોગો સ્થાપવા માટે તક તરીકે જોઈ રહ્યા છે.
