વર્લ્ડ કપ ભલે ગમે તે હોય, ટાઈટલ જીતવું અને ચેમ્પિયન બનવું હંમેશા ખાસ હોય છે. મેન્સ ક્રિકેટ હોય, વુમન્સ ક્રિકેટ હોય કે અંડર-19 હોય, દરેક ટીમ વર્લ્ડ કપ જીતવાનું સપનું જુએ છે. વર્લ્ડ ચેમ્પિયન કહેવાની અનુભૂતિ ખાસ હોય છે, અને તેની સાથે મળતા ઈનામ પણ તેને આકર્ષક બનાવે છે. ખાસ કરીને જ્યારે દરેક વર્લ્ડ કપ સાથે ઈનામની રકમમાં નોંધપાત્ર વધારો થાય છે. ICC એ મહિલા ટી-20 વર્લ્ડ કપ 2026 માટે કંઈક આવું જ કર્યું છે, અને અગાઉની ઈનામી રકમમાં ₹7.5 કરોડનો વધારો કર્યો છે.
2026નો મહિલા ટી20 વર્લ્ડ કપ જૂન-જુલાઈમાં ઈંગ્લેન્ડ અને વેલ્સમાં યોજાવાનો છે. આ વર્ષે, કુલ 12 ટીમો આ ટુર્નામેન્ટમાં ભાગ લેશે, જે વર્લ્ડ કપના ઈતિહાસમાં સૌથી વધુ છે. આ જોતાં, ઈનામની રકમમાં વધારો પહેલાથી જ અનિવાર્ય હતો. જોકે, જય શાહના નેતૃત્વ હેઠળના ICC એ આ વખતે 10 ટકાનો વધારો જાહેર કર્યો છે, જેનાથી ફક્ત બે નવી ટીમોને જ નહીં પરંતુ ચેમ્પિયન ટીમને પણ વધુ પૈસા મળશે. વધુમાં, દરેક ટીમને એક ચોક્કસ રકમ તો મળશે જ. ICC એ સોમવારે આ વર્લ્ડ કપ માટે ઈનામી રકમની જાહેરાત કરી. રિપોર્ટ અનુસાર, સમગ્ર ટુર્નામેન્ટ માટે કુલ ઈનામી રકમ 8,764,615 છે, જે પાછલા વર્લ્ડ કપના 7,958,077 કરતા લગભગ 806,000 વધુ છે.
આનો અર્થ એ થયો કે ઈનામી રકમ લગભગ ₹81.8 કરોડ છે, જે પાછલા વર્લ્ડ કપ કરતા ₹7.5 કરોડ વધારે છે. હવે, પ્રશ્ન એ છે કે વિજેતા ટીમને કેટલા પૈસા મળશે? પહેલીવાર ODI વર્લ્ડ કપ જીતનાર ભારતીય મહિલા ક્રિકેટ ટીમ આ ટુર્નામેન્ટમાં ખિતાબની દાવેદાર તરીકે પ્રવેશ કરશે. જો કેપ્ટન હરમનપ્રીત કૌર અહીં ફરીથી ટીમને વિજય અપાવવામાં સફળ થાય છે, તો ટીમ ઈન્ડિયાને આશરે 22 કરોડ રૂૂપિયાની ઈનામી રકમ મળશે. હા, આ વખતે ચેમ્પિયન ટીમને 23,40,000 એટલે કે આશરે 21.87 કરોડ રૂૂપિયાની ઈનામી રકમ મળશે. ગયા વર્ષે ખિતાબ વિજેતા ન્યુઝીલેન્ડને આશરે 20 કરોડ રૂૂપિયા મળ્યા હતા.
રનર-અપ ટીમને પણ મોટી રકમ મળશે. 2026 વર્લ્ડ કપમાં રનર-અપ ટીમને 117 મિલિયન (આશરે ₹10.9 કરોડ) મળશે. સેમિફાઈનલમાં હારેલી ટીમને 675,000 (₹6.30 કરોડ) મળશે. વધુમાં, ગ્રુપ સ્ટેજમાં દરેક મેચ જીતવા પર ₹29 લાખનું ઈનામ અલગથી આપવામાં આવશે.
