વા કેપ્ટન શુભમન ગિલના નેતૃત્વમાં ભારતીય ટીમે ઘરઆંગણે પોતાની પહેલી ટેસ્ટ મેચમાં વેસ્ટ ઈન્ડિઝને એક ઈનિંગ અને 140 રનથી હરાવ્યું. માત્ર ત્રણ દિવસમાં મેચ જીતી લીધા પછી, ટીમ ઈન્ડિયા હવે બીજી ટેસ્ટમાં જીત સાથે શ્રેણી પર કબજો કરવાનો પ્રયાસ કરશે. આ મેચ ટીમ ઈન્ડિયાના મુખ્ય કોચ ગૌતમ ગંભીરના વતન નવી દિલ્હીમાં યોજાશે. તેથી, ગંભીર બીજી ટેસ્ટ પહેલા પોતાના ઘરે આખી ટીમ માટે એક ખાસ પાર્ટીનું આયોજન કરી રહ્યો છે.
ભારત અને વેસ્ટ ઈન્ડિઝ વચ્ચે શ્રેણીની બીજી અને અંતિમ ટેસ્ટ મેચ શુક્રવાર, 10 ઓક્ટોબરના રોજ દિલ્હીના અરુણ જેટલી સ્ટેડિયમ ખાતે શરૂૂ થશે. શુભમન ગિલ માટે આ મેચ મહત્વપૂર્ણ રહેશે, કારણ કે તેની પાસે કેપ્ટન તરીકે તેની પહેલી ટેસ્ટ શ્રેણી જીતવાની તક હશે. જોકે, આ મેચ કોચ ગંભીર માટે પણ ખાસ રહેશે, કારણ કે તે મુખ્ય કોચ તરીકે પહેલીવાર ટીમ ઈન્ડિયાને તેના હોમ ગ્રાઉન્ડ પર લઈ જશે. આવી સ્થિતિમાં, ગિલ અને ગંભીર આ મેચને યાદગાર બનાવવા માંગશે. પરંતુ ભારતીય હેડ કોચે દિલ્હી પ્રવાસને આખી ટીમ માટે વધુ ખાસ બનાવવા માટે પહેલેથી જ તૈયારીઓ કરી લીધી છે.
એક અહેવાલ મુજબ, ગંભીર ટેસ્ટ મેચ પહેલા દિલ્હી સ્થિત પોતાના ઘરે આખી ટીમ માટે ડિનર પાર્ટીનું આયોજન કરશે. ગંભીર નવી દિલ્હીના પોશ વિસ્તાર ઓલ્ડ રાજિન્દરનગર વિસ્તારમાં રહે છે. તેથી, ટેસ્ટ મેચ પહેલા ભારતીય ટીમના સ્ટાર ખેલાડીઓને હેડ કોચની આતિથ્યનો આનંદ માણવાની તક પણ મળશે.
