ઇન્ડિયન ઇન્સ્ટિટ્યૂટ ઓફ મેનેજમેન્ટ (IIM) અમદાવાદે 2025 ના MBA (પોસ્ટ ગ્રેજ્યુએટ પ્રોગ્રામ ઇન મેનેજમેન્ટ-PGP) વર્ગ માટે અંતિમ પ્લેસમેન્ટ પ્રક્રિયા પૂર્ણ કરી છે. સંસ્થાએ માહિતી આપી હતી કે ત્રણ ક્લસ્ટરોમાં ફાઇનલ પ્લેસમેન્ટમાં બહુવિધ ક્ષેત્રોની કંપનીઓએ ભાગ લીધો હતો. આ સાથે, બધા વિદ્યાર્થીઓને સ્થાન આપવામાં આવ્યું છે.
IIM અમદાવાદ ખાતે પ્લેસમેન્ટ પ્રક્રિયા લેટરલ પ્લેસમેન્ટ પ્રક્રિયાઓથી શરૂૂ કરવામાં આવી હતી. આમાં, પૂર્વ અનુભવ ધરાવતા વિદ્યાર્થીઓનો ઇન્ટરવ્યુ લેવામાં આવ્યો હતો અને તેમને મિડ લેવલ અને સિનિયર લેવલ મેનેજમેન્ટ હોદ્દાઓ પર નોકરીઓ ઓફર કરવામાં આવી હતી. આ પ્લેસમેન્ટ પ્રક્રિયામાં ટેકનોલોજી, બેંકિંગ, ફાઇનાન્સ, ક્ધસલ્ટિંગ અને એનાલિટિક્સ જેવા વિવિધ ક્ષેત્રોની કંપનીઓએ ભાગ લીધો હતો.
આ પ્લેસમેન્ટમાં બોસ્ટન ક્ધસલ્ટિંગ ગ્રુપે સૌથી વધુ 35 નોકરીની ઓફર આપી હતી. જયારે એક્સેન્ચર સ્ટ્રેટેજીએ 30, ઇન્વેસ્ટમેન્ટ બેંકોમાં, ગોલ્ડમેન સેક્સે સૌથી વધુ 9 અને એવેન્ડસ કેપિટલ 7 નોકરીઓ ઓફર કરી છે તો જનરલ મેનેજમેન્ટ ક્ષેત્રમાં, ટાટા એડમિનિસ્ટ્રેટિવ સર્વિસીસે પાંચ અને ૠખછ ગ્રુપે 4 નોકરીની ઓફર આપી.
અંતિમ પ્લેસમેન્ટ પ્રક્રિયામાં, કંપનીઓને તેમના મુખ્ય વ્યવસાય અને ઉદ્યોગ પ્રોફાઇલના આધારે જૂથોમાં વિભાજિત કરવામાં આવી હતી. આ પછી, આ જૂથોને વિવિધ ક્લસ્ટરોમાં કેમ્પસમાં આમંત્રિત કરવામાં આવ્યા. સંસ્થાના વિદ્યાર્થીઓને નોકરીની ઓફર હાથમાં હોવા છતાં, તેમની પસંદગીની કંપનીમાં તેમના સ્વપ્નની અરજી કરવાની તક આપવામાં આવી હતી. વિદ્યાર્થીઓને તેઓ જે નોકરીઓમાં કામ કરવા માંગે છે તેની સાથે જોડાવાની તક આપવા માટે આ કરવામાં આવ્યું હતું.
