રિસામણે બેઠેલી પત્ની પુત્રીને મળવા નહીં દઇ માવતર સાથે મળી ધમકી આપતા પગલું ભર્યાની સ્યૂસાઇડ નોટ મળી: મહિલા સહિત ચાર વિરુદ્ધ ફરિયાદ

મુળ ઉપલેટાના ઢાંક ગામના વતની અને હાલ રાજકોટમા કાલાવડ રોડ પર ઇસ્કોન મંદિર પાછળ આવેલી પરિવાર હા. સોસાયટીમા રહેતા યુવાને વડવાજડી ગામે માવતરે રીસામણે બેઠેલી પત્ની, સસરા અને બે સાળાના ત્રાસ અને ધમકીથી કંટાળી ગળેફાંસો ખાઇ આપઘાત કરી લીધો હતો. રીસામણે બેઠેલી પત્ની પોતાના માવતર સાથે મળી પુત્રીને મળવા નહી દઇ જાનથી મારી નાખવાની ધમકી આપી મરવા મજબુર કર્યો હોવાની મૃતક યુવાન પાસેથી સ્યુસાઇડ નોટ મળી આવી છે. યુવકના મોતથી પરિવારમા અરેરાટી સાથે કરૂણ કલ્પાંત સર્જાયો છે.

આ બનાવ અંગે પોલીસમાથી જાણવા મળતી વિગત મુજબ રાજકોટમા કાલાવડ રોડ પર આવેલા ઇસ્કોન મંદિર પાછળ પરિવાર હા. સોસાયટીમા રહેતા મહેશ રામજીભાઇ વિંજુડા નામનો ર9 વર્ષનો યુવાન પોતાના ઘરે હતો ત્યારે પંખામા દોરડુ બાંધી ગળેફાંસો ખાઇ લીધો હતો. આ ઘટના અંગે 108 ની ટીમને જાણ કરતા 108 ની ટીમ ઘટના સ્થળે દોડી ગઇ હતી. જયા 108 ના ઇએમટીએ જોઇ તપાસી મહેશ વિંજુડાને નિષ્પ્રાણ જાહેર કરતા પરિવારમા અરેરાટી સાથે કરૂણ કલ્પાંત સર્જાયો હતો. આ ઘટના અંગે જાણ થતા યુનિવર્સીટી પોલીસ મથકનો સ્ટાફ તાત્કાલીક ઘટના સ્થળે દોડી ગયો હતો. પોલીસે જરૂરી કાર્યવાહી કરી યુવકના મૃતદેહને પોસ્ટમોર્ટમ અર્થે રાજકોટ સિવિલ હોસ્પિટલ ખાતે ખસેડયો હતો.

આ અંગે મૃતક મહેશ વિંજુડાના નાના ભાઇ પિયુષ ઉર્ફે પોલો વિંજુડાની પ્રાથમીક પુછપરછમા મૃતક મહેશ વિંજુડા બે ભાઇ અને એક બહેનમા મોટો હતો અને તેને સંતાનમા 1 ત્રણ વર્ષની પુત્રી છે. પત્ની હેતલબેન સાથે અણબનાવ બનતા રાજકોટ નજીક આવેલા વડવાજડી ગામે હેતલબેન માવતરે પુત્રી સાથે રીસામણે ચાલી ગઇ હતી. હેતલબેને પતિ મહેશ વિંજુડા વિરૂધ્ધ ખાધા ખોરાકીની કોર્ટમા ફરીયાદ દાખલ કરી છે અને મહેશ વિંજુડા ખાધા ખોરાકી પણ ચુકવતો હતો. મહેશ વિંજુડા રીસામણે બેઠેલી પત્ની પાસે રહેલી પુત્રી માન્વીતાને મળવા ગયો હતો ત્યારે પત્ની હેતલબેન વિંજુડા, સસરા કરશનભાઇ બાટા, સાળા કમલેશ બાટા અને વિમલ બાટાએ ઝઘડો કરી માર માર્યો હતો અને ફરી વખત મહેશ વિંજુડા પુત્રીને મળવા ગયો હતો ત્યારે પત્ની, સસરા અને બંને સાળાએ ઝઘડો કરી તને જીવવા નહીં દઇએ તેવી જાનથી મારી નાખવાની ધમકી આપી હતી.

જેના કારણે આપઘાત કર્યો હોવાની યુનિવર્સીટી પોલીસ મથકમા ફરીયાદ નોંધાવી છે. મૃતક યુવાન પાસેથી મળે આવેલી બે પાનાની સ્યુસાઇડ નોટમા પણ મૃતક મહેશ વિંજુડાએ પત્ની હેતલબેન, સસરા કરશનભાઇ, સાળા કમલેશ અને વિમાલ તેની પુત્રીને મળવા દેતા નથી અને જાનથી મારી નાખવાની ધમકી આપી મરવા મજબુર કર્યો હોવાનો ઉલ્લેખ કર્યો છે. પોલીસે મૃતકના ભાઇએ નોંધાવેલી ફરીયાદ અને સ્યુસાઇડ નોટના આધારે તપાસનો દોર લંબાવ્યો છે.

ડિરેક્ટોરેટ ઓફ રેવન્યુ ઈન્ટેલિજન્સ એ અમદાવાદના સરદાર વલ્લભભાઈ પટેલ ઈન્ટરનેશનલ એરપોર્ટ પર અલગ-અલગ કેસમાં બે ડ્રગ સ્મગલરની ધરપકડ કરી હતી અને 15 કરોડની કિંમતનો હાઈડ્રોપોનિક કેનાબીસ નામના ડ્રગ્સનો જથ્થો જપ્ત કયોર્ર્ હતો.

પ્રથમ કિસ્સામાં, ડીઆર આઈએ જણાવ્યું હતું કે એક ફરમિંહલર આધારે, અધિકારીઓએ બેંગકોકથી અમદાવાદના આંતરરાષ્ટ્રીય એરપોર્ટ પર એક ભારતીય નાગરિકને અટકાવ્યો હતો. પેસેન્જરના ચેક-ઇન સામાનની તલાશી લેવા પર, નાસ્તાના અનાજના 10 પેકેટ ધરાવતી ચાર કાપડની થેલીઓ મળી આવી હતી.
ડીઆરઆઈના નિવેદન મુજબ આ પેકેટોની અંદરથી એક લીલોતરી, ગઠ્ઠોવાળો પદાર્થ મળી આવ્યો હતો. અધિકારીઓએ બાદમાં સામગ્રીનું પરીક્ષણ કર્યું હતું, જેના પછી પુષ્ટિ થઈ હતી કે પદાર્થ કેનાબીસ હતો, જેને સામાન્ય રીતે મારિજુઆના તરીકે ઓળખવામાં આવે છે, આ ડ્રગ્સનું વજન 9.2 કિલો છે અને આંતરરાષ્ટ્રીય બજારમાં તેની કિંમત રૂૂ. 9 કરોડથી વધુ છે

અન્ય એક કિસ્સામાં, ઉછઈં એ અમદાવાદ ઇન્ટરનેશનલ એરપોર્ટ પર કસ્ટમ્સ વિભાગ સાથેના સંયુક્ત ઓપરેશનમાં, થાઇલેન્ડના નાગરિકને અટકાવ્યો હતો અને તેના સામાનમાંથી રૂૂ. 6 કરોડની કિંમતનું 6 કિલો ડ્રગ્સ જપ્ત કર્યું હતું. ત્યારબાદ આ વ્યક્તિની પણ ધરપકડ કરવામાં આવી હતી. બંને આરોપીઓની એનડીપીએસ એક્ટની જોગવાઈ હેઠળ ધરપકડ કરવામાં આવી છે.

અમદાવાદ ટ્રાફિક પોલીસે પ્રજાજનોમાં ટ્રાફિક નિયમોની જાગૃતિ આવે અને લોકો નિયમોનું પાલન કરે તે માટે શોર્ટ ફિલ્મ મેકિંગ સ્પર્ધાનું આયોજન કર્યું હતું. જેમાં કુલ 707 રજિસ્ટ્રેશન આવ્યા હતા અને 458 લોકોએ શોર્ટ ફિલ્મો બનાવી હતી. જેના સ્ક્રીનિંગ બાદ પાંચ એક્સપર્ટની કમિટી બનાવીને 53 ફિલ્મોમાંથી 15 શ્રેષ્ઠ ફિલ્મ પસંદ કરાઈ હતી.

જેમાં હેલ્મેટ વગર, રોંગસાઇડ, ત્રણ સવારીમાં ભયજનક વાહન ચલાવવું તથા ચાલુ વાહને સીટબેલ્ટ વગર વધુ સ્પીડે વાહન ચલાવવા જેવા વિષયો પર બનેલી ફિલ્મ પસંદ કરાઇ હતી. જે ફિલ્મ બનાવનારા વિજેતાઓને અમદાવાદ પોલીસે ગૃહ રાજ્યમંત્રી હર્ષ સંઘવીની ઉપસ્થિતિમાં રોકડ ઇનામ આપ્યા છે. સાથે જ શ્રેષ્ઠ 50 કૃતિને પ્રશંસાપત્ર એનાયત કરાયા હતા.

આ કાર્યક્રમ અન્વયે ગૃહરાજ્યમંત્રી હર્ષ સંઘવીએ પોલીસ કમિશનરને કડક હાથે કામ કરવા પણ સૂચના આપી હતી. સાથે જ બેજવાબદારીપૂર્વક વાહન ચલાવે તેની સામે ઝડપથી ચાર્જશીટ કરીને સજા અપાવી શકાય અને તેનાથી આ પ્રકારના બનાવો ઘટે તેવી કામગીરી કરવા સૂચના આપી હતી. સાથે જ ટ્રાફિક પોલીસને સંબોધતા કહ્યું કે રોંગસાઇડ, સિગ્નલ ભંગ કરનારના બે ત્રણ કિસ્સા એવા પકડવા જોઈએ જેને જેલહવાલે કરી શકાય. આ લોકોના હાથમાં સ્લેટ પકડાવતા અન્ય વાહનચાલકો સીધા દોર થઈ જાય તેવી કામગીરી કરવા સૂચના આપી હતી.