લાલ કિલ્લા પરિસરમાં બળજબરીથી ઘૂસવાનો પ્રયાસ કરી રહેલા 5 બાંગ્લાદેશી નાગરિકોની દિલ્હી પોલીકરી છે. તે બધા ગેરકાયદેસર ઇમિગ્રન્ટ્સ છે. પોલીસે માહિતી આપી છે કે તે બધા લગભગ 20-25 વર્ષના છે અને તેઓ દિલ્હીમાં મજૂરી કામ કરે છે. પોલીસે તેમની પાસેથી કેટલાક બાંગ્લાદેશી દસ્તાવેજો જપ્ત કર્યા છે. પોલીસ આ લોકોની પૂછપરછ કરી રહી છે.
લાલ કિલ્લામાં સુરક્ષામાં બેદરકારીનો મામલો પ્રકાશમાં આવ્યો
તમને જણાવી દઈએ કે શનિવારે, એક ખાસ ઓપરેશન હેઠળ, દિલ્હી પોલીસના સ્પેશિયલ સેલની એક ટીમ લાલ કિલ્લામાં ડમી બોમ્બ સાથે પ્રવેશી હતી. આ સુરક્ષા વ્યવસ્થાની સઘન તપાસ પ્રક્રિયા હતી, જે સુરક્ષા તૈયારીઓની વાસ્તવિકતા ચકાસવાના ઉદ્દેશ્યથી હાથ ધરવામાં આવી હતી.
લાલ કિલ્લા પરિસરમાં ડમી બોમ્બ સાથે સ્પેશિયલ સેલની ટીમનો પ્રવેશ દર્શાવે છે કે હાલના સુરક્ષા વર્તુળમાં ઘણા સ્તરે ભૂલ થઈ હતી. આ બેદરકારીને અત્યંત ગંભીર ગણીને, ડેપ્યુટી કમિશનરે તાત્કાલિક કાર્યવાહી કરી અને ફરજ પર તૈનાત સાત પોલીસકર્મીઓને સસ્પેન્ડ કર્યા.
