નિફટીએ ફરી 24700ની સપાટી વટાવી

શેરબજાર આજે લાલ નિશાન પર ખુલ્યુ હતુ. પરંતુ બપોર બાદ તેજીની વાપસી થતા ભારે વધારો જોવા મળ્યો હતો. ગઇકાલે 81289ના લેવલ બંધ થયેલુ સેન્સેકસ આજે 77 પોઇન્ટ ઘટીને 81212 પર ખુલ્યો હતો અને 10.4પ વાગ્યા આસપાસ 1207 પોઇન્ટ તુટીને 80082 સુધી પહોંચી ગયો હતો. પરંતુ આઇટી અને એફએમસીજી શેરોમાં ભારે લેવાલી નિકળતા ફરીથી સેન્સેકસ ગ્રીન ઝોનમાં પહોંચી ગયો હતો. બપોરે 3 કલાકે સેન્સેકસમાં ભારે લેવાલીથી દિવસના તળીયેથી 2036 અંક ઉછળીને 81212ના લેવલ સુધી પહોંચી ગયો હતો.

નિફટીએ આજે ફરી 24700ની સપાટી વટાવી દીધી છે. ગઇકાલે 24548ના લેવલ પર બંધ થયેલ નિફટી આજે પ0 પોઇન્ટ ઘટીને 24498 પોઇન્ટ પર ખુલી હતી. થોડીવારમાં 368 પોઇન્ટ ઘટીને 24180ના તળીયે પહોંચી ગઇ હતી. પરંતુ બપોરે 3 વાગ્યે નિફટી 223 પોઇન્ટ વધીને 24770 પર ટ્રેડ થતી જોવા મળી હતી.

હૈદરાબાદના સંધ્યા થિયેટર કેસમાં સાઉથના સુપરસ્ટાર અને ‘પુષ્પા 2’ એક્ટર અલ્લુ અર્જુન વિરુદ્ધ મોટી કાર્યવાહી કરવામાં આવી છે. પોલીસે તેની ધરપકડ કરી છે. 4 ડિસેમ્બરે ફિલ્મની સ્ક્રીનિંગ દરમિયાન થિયેટરમાં નાસભાગ મચી ગઈ હતી, જેમાં 35 વર્ષની એક મહિલાનું મોત થયું હતું અને અનેક લોકો ઘાયલ થયા હતા. પોલીસે આ ઘટના માટે અલ્લુ અર્જુન અને થિયેટર મેનેજમેન્ટ સામે કેસ નોંધ્યો હતો.

આ મહિને સાઉથ ઈન્ડિયન સ્ટાર અલ્લુ અર્જુનની પુષ્પા-2 ફિલ્મના ચોથી ડિસેમ્બરે યોજાયેલા સ્ક્રીનિંગમાં હૈદરાબાદમાં સંધ્યા થિયેટરમાં ભારે ભીડ ઉમટી પડી હતી. એ વખતે ચાહકો અલ્લુ અર્જુનની એક ઝલક જોવા ઉમટી પડતાં નાસભાગ થઈ હતી. આ દરમિયાન એક 35 વર્ષીય મહિલાનું મોત થયું હતું, જ્યારે તેનો નવ વર્ષનો પુત્ર બેભાન થઈ ગયો હતો. આ મામલે અલ્લુ અર્જુન વિરુદ્ધ પણ કેસ નોંધાયો છે. આ મામલે મહિલાના પરિવારે ફરિયાદ કરતા અલ્લુ અર્જુન, તેની સુરક્ષા ટીમ, થિયેટર મેનેજમેન્ટ વિરુદ્ધ ભારતીય ન્યાય સંહિતાની કલમ 105, 118 (1) હેઠળ ફરિયાદ નોંધવામાં આવી હતી.

અકસ્માત બાદથી પીડિત પરિવારને મદદ કરી રહ્યો છે. તેમણે આ અકસ્માત અંગે દુઃખ પણ વ્યક્ત કર્યું હતું અને પીડિત પરિવારને આર્થિક મદદ અને સારવારનું વચન આપ્યું હતું. અલ્લુ અર્જુને પરિવારને 25 લાખ રૂપિયાનું વળતર આપવાની જાહેરાત કરી હતી.

હૈદરાબાદના સંધ્યા થિયેટરમાં નાસભાગમાં 35 વર્ષીય મહિલાનું મોત થયું હતું જ્યારે તેનો પુત્ર ઘાયલ થયો હતો. ઘટના બાદ બંનેને વિદ્યા નગરની દુર્ગાભાઈ દેશમુખ હોસ્પિટલમાં દાખલ કરવામાં આવ્યા હતા. ડોક્ટરોએ મહિલાને મૃત જાહેર કરી હતી.

ખાનગી ક્ષેત્રની કંપનીઓ ઘણો નફો કમાય છે, પરંતુ જ્યારે તેમના કર્મચારીઓને લાભ આપવાની વાત આવે છે, ત્યારે તેઓ કંજૂસ બની જાય છે. તાજેતરના એક અહેવાલમાં એવું કહેવામાં આવ્યું છે કે ખાનગી ક્ષેત્રે છેલ્લા 4 વર્ષમાં 4 ગણો નફો કમાયો છે, પરંતુ કર્મચારીઓના પગારમાં તે મુજબ વધારો કરવામાં આવ્યો નથી.
FICCI અને Quess Corp દ્વારા સરકાર માટે તૈયાર કરાયેલા રિપોર્ટમાં જણાવાયું છે કે એન્જિનિયરિંગ, મેન્યુફેક્ચરિંગ અને ઈન્ફ્રાસ્ટ્રક્ચર સહિત છ ક્ષેત્રોમાં વાર્ષિક વેતન વૃદ્ધિ 2019 અને 2023 વચ્ચે 0.8 ટકા રહી હતી, જ્યારે FMCG કંપનીઓમાં આ આંકડો 5.4 ટકા હતો.

રિપોર્ટમાં વધુમાં કહેવામાં આવ્યું છે કે કર્મચારીઓ માટે સ્થિતિ વધુ ખરાબ બની છે કારણ કે તેમના મૂળભૂત પગારમાં કાં તો નજીવા વધારો કરવામાં આવ્યો અથવા તો વધતી મોંઘવારીના પ્રમાણમાં તેમના પગારમાં વધારો કરવામાં આવ્યો ન હતો. આ પાંચ વર્ષમાં, 2019 થી 2023 સુધી, છૂટક મોંઘવારી દરમાં 4.8%, 6.2%, 5.5%, 6.7% અને 5.4% નો વધારો થયો છે, જ્યારે કર્મચારીઓના પગારમાં તે મુજબ વધારો થયો નથી.
આ કારણે તેને આર્થિક મોરચે તમામ પ્રકારની સમસ્યાઓનો સામનો કરવો પડ્યો હતો.

ભારતના મુખ્ય આર્થિક સલાહકાર વી અનંત નાગેશ્વરને પણ અનેક પ્રસંગોએ આ ચિંતા વ્યક્ત કરી છે. તાજેતરમાં તેમણે કહ્યું હતું કે કંપનીઓ વધુ નફો કમાઈ રહી છે, પરંતુ તેમના કર્મચારીઓને ઓછો પગાર આપી રહી છે. આ સ્થિતિ અર્થતંત્ર માટે નુકસાનકારક સાબિત થઈ શકે છે. તેમણે વધુમાં કહ્યું હતું કે કંપનીઓની આવકનો વાજબી હિસ્સો કર્મચારીઓના પગાર તરીકે જવો જોઈએ. જો આમ નહીં થાય, તો અર્થતંત્રમાં કંપનીઓના ઉત્પાદનો ખરીદવા માટે પૂરતી માંગ રહેશે નહીં.

આ રિપોર્ટ પર સરકારમાં ચર્ચા શરૂૂ થઈ ગઈ છે. એવું કહેવામાં આવી રહ્યું છે કે આવકના નબળા સ્તરને કારણે શહેરી વિસ્તારોમાં વપરાશમાં ઘટાડો થયો છે. કોરોના રોગચાળા પછી, માંગ અને વપરાશ બંનેમાં વધારો થયો હતો, પરંતુ પગાર વધારાની ધીમી ગતિએ આર્થિક સુધારાને અસર કરી હતી. અહેવાલ જણાવે છે કે 2019 થી 2023 સુધીના પગાર માટે ચક્રવૃદ્ધિ વાર્ષિક વૃદ્ધિ દર ઊખઙઈં (એન્જિનિયરિંગ, મેન્યુફેક્ચરિંગ, પ્રોસેસ અને ઇન્ફ્રા) ક્ષેત્રમાં 0.8% સૌથી નીચો હતો.

ક્યાં, કેટલો વધારો?
આ સમયગાળા દરમિયાન એફએમસીજી સેક્ટરમાં સૌથી વધુ 5.4 ટકા વેતન વધારો જોવા મળ્યો હતો. તેવી જ રીતે, BFI એટલે કે બેંકિંગ-ફાઇનાન્સ સર્વિસ સેક્ટરમાં કામ કરતા ખાનગી ક્ષેત્રના કર્મચારીઓના પગારમાં માત્ર 2.8%નો વધારો થયો છે. રિટેલમાં 3.7 ટકા, ITમાં 4 ટકા અને લોજિસ્ટિક્સમાં 4.2 ટકાનો પગાર વધારો થયો હતો. 2023માં સરેરાશ પગાર FMCG સેક્ટરમાં સૌથી ઓછો રૂૂ. 19,023 હતો અને ITમાં સૌથી વધુ રૂૂ. 49,076 હતો.