કયા કહેતે થે ઈસ સરકાર મેં ઈસ્તિફે નહીં હોતે, ઝૂકતી હે દુનિયા ઝૂકાને વાલા ચાહીએ

ધર્મેન્દ્ર પ્રધાનના રાજીનામા બાદ કોકરોચ પાર્ટીના અભિજીત દીપકેનો હુંકાર

અભિજીત દીપકે શિક્ષણ પ્રધાન ધર્મેન્દ્ર પ્રધાનના રાજીનામા પર પોતાની શરૂૂઆતની પ્રતિક્રિયા શેર કરી છે. રાજીનામા પર ટિપ્પણી કરતા દીપકે ટિપ્પણી કરી, ઝુકતી હૈ દુનિયા, ઉકાને વાલા ચાહીએ સીજેપીના સ્થાપકે કહ્યું, “પહેલાં એવું કહેવામાં આવતું હતું કે આ સરકારમાં રાજીનામું નથી પડતા રાજીનામું થયું છે. લોકો પૂછતા હતા કે હું કેટલો સમય વિરોધમાં બેસી રહીશ. 36 દિવસથી, મને દરરોજ પૂછવામાં આવતું હતું કે રાજીનામું થશે કે નહીં. પરંતુ સરકાર ઝુકી કરી ચૂકી છે.

તેઓ કહેતા હતા કે ક્રાંતિ નહીં થાય. પરંતુ ક્રાંતિ થઈ ગઈ છે.” અભિજીત દીપકે અને તેમના સમર્થકોએ દિલ્હીના જંતર મંતર પર ધર્મેન્દ્ર પ્રધાનના રાજીનામાની ઉજવણી શરૂૂ કરી દીધી છે. જંતર મંતરથી બોલતા, અભિજીત દીપકેએ કહ્યું, “જ્યારે હું અમેરિકા ગયો, ત્યારે લોકો વિચારતા હતા કે શું થશે. પરંતુ ધર્મેન્દ્ર પ્રધાને રાજીનામું આપવું પડ્યું.” દીપકે અને તેમના સાથીઓ હાલમાં જંતર-મંતર પર ઉજવણી કરી રહ્યા છે. અગાઉ પ્રધાને તેમના રાજીનામા સાથે એક પત્ર પણ શેર કર્યો હતો. નોંધનીય છે કે કેન્દ્રીય શિક્ષણ મંત્રી ધર્મેન્દ્ર પ્રધાને પીએમ મોદીને પોતાનું રાજીનામું મોકલ્યું છે. તેમના રાજીનામા પત્રમાં તેમણે જણાવ્યું હતું કે રાષ્ટ્ર વિરોધી તત્વો જંતર-મંતર પર અથવા દેશભરમાં પરિસ્થિતિનો લાભ ન લે, રાષ્ટ્રીય એકતા જાળવી રાખે અને ભારતીય વિદ્યાર્થીઓ કાનૂની ગૂંચવણોમાં ન ફસાઈ જાય અને તેમના અભ્યાસ અને કારકિર્દી પર ધ્યાન કેન્દ્રિત કરી શકે તે માટે તેમણે આ પગલું ભર્યું છે.