નેટફ્લિક્સે તેના ખૂબ જ અપેક્ષિત કોર્ટરૂૂમ ડ્રામા ’ઇક્કા’ નું શક્તિશાળી ટ્રેલર રિલીઝ કર્યું છે. સિદ્ધાર્થ પી. મલ્હોત્રા દ્વારા દિગ્દર્શિત આ ફિલ્મમાં સની દેઓલ અને અક્ષય ખન્ના 27 વર્ષ પછી ફરી સ્ક્રીન શેર કરતા જોવા મળશે. ટ્રેલરમાં કોર્ટરૂૂમ ડ્રામા, ભાવનાત્મક ક્ષણો અને સસ્પેન્સનું શાનદાર મિશ્રણ રજૂ કરવામાં આવ્યું છે. આ ફિલ્મ 10 જુલાઈથી નેટફ્લિક્સ પર સ્ટ્રીમ થવાની તૈયારીમાં છે.
ટ્રેલરની શરૂૂઆત પ્રખ્યાત વકીલ અર્જુન મેહરા (સની દેઓલ) તેના જૂના હરીફ, શૌર્યમન ગૌર (અક્ષય ખન્ના) નું પ્રતિનિધિત્વ કરવા માટે સંમત થાય છે, જેના પર એક યુવતીની હત્યાનો આરોપ છે. કોર્ટરૂૂમની બહાર બંને વચ્ચે એક આઘાતજનક સોદો “જિંદગીના બદલામાં જિંદગી” થાય છે. દરમિયાન અભિનેત્રી તિલોત્તમા શોમ પીડિતા વતી ન્યાય માટે લડતી જોવા મળે છે.
ટ્રેલરમાં એક અદભુત ક્ષણ સની દેઓલનો શક્તિશાળી સંવાદ છે. “આપણે જીતવા માટે કોર્ટમાં લડતા નથી. આપણે જે સાચું છે તેના માટે લડીએ છીએ.” જેમ જેમ કેસ આગળ વધે છે વાર્તામાં અનેક અણધાર્યા વળાંક આવે છે જે દર્શકોની ઉત્સુકતામાં વધારો કરે છે. સની દેઓલ અને અક્ષય ખન્નાના કાસ્ટિંગ વિશે બોલતા સિદ્ધાર્થે જણાવ્યું કે તે ’દામિની’ પછી સની દેઓલને ફરીથી વકીલની ભૂમિકામાં જોવા માંગે છે. શૌર્યમન ગૌરની ભૂમિકાની વાત કરીએ તો અક્ષય ખન્ના એકમાત્ર નામ હતું. તેમણે ખુલાસો કર્યો કે સ્ક્રિપ્ટ સાંભળ્યાના માત્ર બે કલાકમાં જ અક્ષય ફિલ્મ માટે સંમત થઈ ગયો. નોંધનીય છે કે સની દેઓલ અને અક્ષય ખન્ના 27 વર્ષ પછી સાથે જોવા મળશે. બંનેએ અગાઉ ફિલ્મ ’બોર્ડર’માં સાથે કામ કર્યું હતું. આ ફિલ્મમાં તિલોતમા શોમ, દિયા મિર્ઝા, શિશિર શર્મા, આકાંશા રંજન કપૂર અને સંજીદા શેખ પણ મુખ્ય ભૂમિકામાં જોવા મળશે. ’ઇક્કા’નું નિર્માણ અલ્કેમી ફિલ્મ્સ દ્વારા કરવામાં આવ્યું છે.
