સીતારામન બજેટમાં આ વખતે બધાંને કરશે રાજીના રેડ

એકસાઇઝ ડ્યૂટી ઘટાડી પેટ્રોલ-ડીઝલ સસ્તા કરશે, ખેડૂતોને વધુ રકમ આપશે: સરકારી ખર્ચ વધારી રોજગારી વધારશે

દેશનું સામાન્ય બજેટ આવતીકાલે રજૂ થવા જઈ રહ્યું છે. કેન્દ્રીય નાણામંત્રી નિર્મલા સીતારમણ દ્વારા રજૂ થનાર આ બજેટ સાથે ઘણા મહત્વપૂર્ણ ફેરફારો પણ થવાના છે. દર વખતની જેમ આ વખતે પણ સામાન્ય લોકોને બજેટ પાસેથી ઘણી અપેક્ષાઓ છે અને આ વખતે સરકાર બજેટમાં મોંઘવારી અને ટેક્સ મોરચે લોકોને ઘણી મોટી રાહતો જાહેર કરી શકે છે. આમાં સૌથી મોટી ભેટ ટેક્સ મુક્તિના રૂૂપમાં મળે તેવી શક્યતા છે.

આ હેઠળ સરકાર નવા શાસનમાં 10 લાખ રૂૂપિયા સુધીની વાર્ષિક આવકને ટેક્સ ફ્રી કરી શકે છે. 30 ટકાના બદલે 25 ટકાના નવા ટેક્સ સ્લેબમાં રૂૂ. 15 લાખથી રૂૂ. 20 લાખની વચ્ચે આવક લાવવાની જાહેરાત થવાની પણ શક્યતા છે. આ સિવાય નવી વ્યવસ્થા હેઠળ મૂળભૂત મુક્તિ મર્યાદા વધારીને 5 લાખ રૂૂપિયા કરવામાં આવી શકે છે. આ ઘોષણાઓ વધુને વધુ લોકોને નવી કર વ્યવસ્થા અપનાવવા માટે પ્રેરિત કરશે. આ પછી મોંઘવારીનો બોજ ઘટાડવા માટે CIIની ભલામણને સ્વીકારીને સરકાર એક્સાઇઝ ડ્યુટીમાં ઘટાડો કરી શકે છે, જેનાથી પેટ્રોલ અને ડીઝલના ભાવમાં ઘટાડો થઈ શકે છે. હાલમાં પેટ્રોલ પર 19.90 રૂૂપિયા અને ડીઝલ પર 15.80 રૂૂપિયાની એક્સાઈઝ ડ્યુટી લાદવામાં આવે છે.

આ બજેટમાં PM કિસાન સન્માન નિધિની રકમમાં વધારાની પણ જાહેરાત કરવામાં આવે તેવી આશા છે. વાસ્તવમાં સંસદની સ્થાયી સમિતિએ કિસાન સન્માન નિધિને વાર્ષિક રૂૂ. 6,000 થી વધારીને રૂૂ. 12,000 કરવાની ભલામણ કરી છે. આ યોજના હેઠળ, હાલમાં લગભગ 9.5 કરોડ ખેડૂતોને 3 હપ્તામાં 2,000 રૂૂપિયા ટ્રાન્સફર કરવામાં આવે છે.
આ પછી રોજગાર સંબંધિત જાહેરાતો આવે છે, જેના હેઠળ એવો અંદાજ છે કે સરકાર CIIની ભલામણોના આધારે સંકલિત રાષ્ટ્રીય રોજગાર નીતિ લાવી શકે છે, જેમાં રોજગાર પ્રદાન કરતા તમામ મંત્રાલયોની યોજનાઓ એક પ્લેટફોર્મ લાવવાની યોજના છે. ગ્રામીણ વિસ્તારોના સ્નાતકો માટે પણ ઇન્ટર્નશિપની જાહેરાત કરવામાં આવી શકે છે, જેના હેઠળ તેઓ સરકારી કચેરીઓમાં કામ કરવા માટે ઇન્ટર્નશિપનો વિકલ્પ મેળવી શકે છે.

ઘર ખરીદવું સસ્તું બનશે
હેલ્થ સેક્ટરનું બજેટ વધારવાની યોજના પણ આ વખતે લાગુ થઈ શકે છે. આ અંતર્ગત ગયા વર્ષના આશરે 91 હજાર કરોડ રૂૂપિયાના સ્વાસ્થ્ય બજેટની સરખામણીમાં આ વખતે 10 ટકા વધુ નાણાં ફાળવવામાં આવી શકે છે. સાથે જ મેડિકલ કોલેજોમાં સીટો વધારવાની પણ જાહેરાત કરવામાં આવી શકે છે. આ સિવાય કેટલાક મેડિકલ ઈક્વિપમેન્ટ પરની ઈમ્પોર્ટ ડ્યૂટી પણ ઘટાડી શકાય છે. સસ્તા મકાનો ખરીદવાની કિંમત મર્યાદા વધારવા માટે પણ મોટી જાહેરાત કરવામાં આવી શકે છે. આ અંતર્ગત મેટ્રો શહેરો માટે એફોર્ડેબલ હાઉસિંગની મર્યાદા 45 લાખ રૂૂપિયાથી વધારીને 70 લાખ રૂૂપિયા અને અન્ય શહેરો માટે આ મર્યાદા વધારીને 50 લાખ રૂૂપિયા કરવામાં આવી શકે છે. હોમ લોનના વ્યાજ પર ટેક્સ છૂટ પણ 2 લાખ રૂૂપિયાથી વધારીને 5 લાખ રૂૂપિયા કરવામાં આવી શકે છે.