બોલિવૂડના ભાઈજાન સલમાન ખાનના ઘરે દર વર્ષની જેમ આ વર્ષે પણ ગણપતિ બાપ્પાનું ભવ્ય આગમન થયું હતું. સલમાન ખાનની બહેન અર્પિતા ખાને બાપ્પાનું સ્વાગત કર્યું અને પરિવાર સાથે ગણેશોત્સવની ઉજવણી કરી હતી. ગણપતિ વિસર્જન દરમિયાન સલમાન ખાન સહિત પરિવારના સભ્યો અને મિત્રો પણ ઉત્સાહમાં જોવા મળ્યા હતા. વિસર્જન પહેલાં યોજાયેલી આરતીનો એક વીડિયો હાલ ચર્ચામાં આવ્યો છે. આરતી દરમિયાન સલમાન ખાને અજાણતા આરતી કરવાની રીતમાં એક ભૂલ કરી હતી. ત્યારે તેમની બહેન અર્પિતાએ વચ્ચે જ સલમાનને રોકીને યોગ્ય રીતે આરતી કરવાની રીત સમજાવી હતી.અર્પિતાની વાત સાંભળીને સલમાને ફરી બાપ્પાની યોગ્ય રીતે આરતી કરી હતી. ખાસ વાત એ છે કે બાદમાં ત્યાં હાજર યુલિયા વંતૂરે પણ આવી જ ભૂલ કરી હતી. ત્યારે અર્પિતા તેમને પણ આરતી કરવાની સાચી રીત સમજાવતી જોવા મળી હતી. આ સમગ્ર ઘટનાનો વીડિયો સોશિયલ મીડિયા પર વાયરલ થયો છે અને સલમાન ખાનના ચાહકોમાં પણ તેની ચર્ચા જોવા મળી રહી છે.
#WATCH | Actor Salman Khan participated in 'aarti' at his brother and actor Sohail Khan's house after Ganpati Visarjan.
(Source: Salman Khan's PR team) pic.twitter.com/xWemo7VKIA
— ANI (@ANI) September 16, 2026
સોશિયલ મીડિયા પર હાલમાં વીડિયો વાયરલ થઈ રહ્યો છે જેમાં સલમાન ખાનનો આખો પરિવાર સાથે મળીને આરતી કરતો જોવા મળે છે. જેવો સલમાન ખાને પૂજાની થાળી હાથમાં લીધી, તેમણે તેને ખોટી દિશામાં આરતી ફેરવવાનું શરૂ કર્યું. તેમની બહેન અર્પિતાએ થોડીવાર જોયું અને પછી તેમને રોક્યા; સલમાને તરત જ તેમની સલાહ માની અને પોતાની ભૂલ સુધારી લીધી. ત્યારબાદ તેમણે ખૂબ જ સુંદર રીતે પ્રતિક્રિયા આપી અને યોગ્ય રીતે આરતી કરી. આ ક્ષણે સલમાનને જોઈને ત્યાં હાજર સૌ કોઈના ચહેરા પર સ્મિત આવી ગયું.
સલમાન ખાનની મિત્ર યુલિયા વંતુર એક રોમાનિયન મોડેલ અને અભિનેત્રી છે, જે વર્ષોથી ભારતમાં રહે છે અને દરેક તહેવાર ઉજવે છે. તેઓ વારંવાર ખાન પરિવાર સાથે તહેવારોમાં ભાગ લેતા જોવા મળે છે. જોકે, તેઓ પૂજા-વિધિની ઝીણી બાબતોથી બહુ પરિચિત નથી. પરિણામે, ગણપતિ વિસર્જન દરમિયાન, સલમાનની જેમ જ તેમણે પણ ખોટી દિશામાં આરતી કરી. ત્યાં હાજર એક વ્યક્તિ અને અર્પિતાએ તેમને સાચી રીત સમજાવી, ત્યારબાદ તેમણે યોગ્ય રીતે આરતી કરી. આ વીડિયો હવે ઈન્ટરનેટ પર વાયરલ થઈ રહ્યો છે. હંમેશની જેમ આ વર્ષે પણ ખાન પરિવારે ખૂબ જ ઉત્સાહ સાથે બાપ્પાને વિદાય આપી.
