રશ્મિકા મંદાના અને વિજય દેવરકોંડાના લગ્ન ક્યારે થશે? હવે આ પ્રશ્નનો જવાબ મળી ગયો છે. રશ્મિકા મંદાના અને વિજય દેવારકોંડા આ વર્ષે 26 ફેબ્રુઆરીએ લગ્નના બંધનમાં બંધાશે. બંને સ્ટાર્સ છેલ્લા ઘણા મહિનાઓથી આ સમાચારને કારણે ચર્ચામાં છે, અને હવે આખરે લગ્નની તારીખ લગભગ પાક્કી માનવામાં આવી રહી છે.
તાજેતરની માહિતી અનુસાર, રશ્મિકા અને વિજય આ મહિને લગ્ન કરશે. તેઓ 26 ફેબ્રુઆરીએ લગ્ન કરશે. વિજય દેવરકોંડા અને રશ્મિકાના લગ્ન માટે આમંત્રણો પણ મોકલવામાં આવ્યા છે. લગ્ન કાર્ડ પર છપાયેલી માહિતી અનુસાર, રશ્મિકા અને વિજય 26 ફેબ્રુઆરીએ પરિવાર અને નજીકના સંબંધીઓની હાજરીમાં તેમના નવા જીવનની શરૂઆત કરશે. તેમના લગ્ન સમારોહ ઘનિષ્ઠ રહેશે .બંને કલાકારોએ પોતે અત્યાર સુધી આ સંબંધમાં કોઈ સત્તાવાર નિવેદન જાહેર કર્યું નથી, પરંતુ ઇન્વાઇટ કાર્ડ અને ચર્ચાઓને કારણે લાગે છે કે લગ્ન નક્કી જ છે.
ફેબ્રુઆરીમાં લગ્ન પછી, આ દંપતી 4 માર્ચ, 2026 ના રોજ એક ભવ્ય રિસેપ્શન કરશે. રિસેપ્શન પાર્ટી હૈદરાબાદની તાજ કૃષ્ણા હોટેલમાં સાંજે 7 વાગ્યાથી યોજાશે. રશ્મિકા અને વિજયના લગ્નની વિગતો જાહેર થયા પછી ચાહકો ખૂબ જ ખુશ છે. રિપોર્ટ્સ અનુસાર લગ્નની વિધિઓની તૈયારીઓ પહેલેથી જ શરૂ થઈ ચૂકી છે. સોશિયલ મીડિયા પર વાઈરલ થયેલા વીડિયો અને ચર્ચાઓએ પુષ્ટિ કરી છે કે બંને સિતારાઓ આ આયોજનને ખૂબ જ પ્રાઇવેટ રાખવા માંગે છે.
ખૂબ જ ખાસ વાત એ છે કે લગ્ન ઉદયપુરના કોઈ ઐતિહાસિક મહેલ કે દરબાર શૈલીના સ્થળે થવાની અટકળો છે, જેનાથી આ આયોજન વધુ ભવ્ય બનવાની અપેક્ષા રાખવામાં આવી રહી છે. જોકે, કોઈપણ સરકારી કે પારિવારિક સ્ત્રોતે હજુ સુધી લગ્નના સ્થળની સત્તાવાર પુષ્ટિ કરી નથી. રિસેપ્શન પાર્ટી હૈદરાબાદની તાજ કૃષ્ણા હોટેલમાં યોજાશે. કેટલાક મીડિયા રિપોર્ટ્સમાં એ પણ સામે આવ્યું છે કે બોલિવૂડ અને સાઉથ ઇન્ડસ્ટ્રીના ઘણા જાણીતા કલાકારો લગ્નમાં હાજરી આપવાની અપેક્ષા રાખી રહ્યા છે, પરંતુ કપલે હજુ સુધી કોઈને ઔપચારિક આમંત્રણ શેર કર્યું નથી.
રશ્મિકા અને વિજયે “ગીતા ગોવિંદમ” અને “ડિયર કોમરેડ” ફિલ્મોમાં પણ સાથે કામ કર્યું છે. અહીંથી જ તેમની ડેટિંગની અફવાઓ શરૂ થઈ હતી. ઓક્ટોબર 2025માં, અહેવાલો સામે આવ્યા હતા કે તેઓએ ગુપ્ત રીતે સગાઈ કરી લીધી છે. જો કે, બંનેમાંથી કોઈએ સંબંધની અફવાઓ પર પ્રતિક્રિયા આપી ન હતી કે સગાઈ પર ટિપ્પણી કરી ન હતી. પરંતુ હવે સ્પષ્ટ થઈ ગયું છે કે લાંબા સંબંધ પછી આ દંપતી હંમેશા સાથે રહેવાનું છે.
