ભાઇજાનની શૂટિંગ સાઇટ પર ઘૂસી આવ્યો શખ્સ: બિશ્ર્નોઇના નામે ખુલ્લી ધમકી આપી

બોલિવૂડ સુપરસ્ટાર સલમાન ખાન વિશે ચોંકાવનારા સમાચાર સામે આવ્યા છે. કહેવામાં આવી રહ્યું છે કે સલમાનની શૂટિંગ સાઇટમાં એક વ્યક્તિ ગેરકાયદેસર રીતે પ્રવેશ્યો હતો. શંકા જતાં તેની પૂછપરછ કરવામાં આવી તો વ્યક્તિએ કહ્યું, શું હું બિશ્નોઈને કહું?થ શંકાસ્પદ વ્યક્તિને પૂછપરછ માટે શિવાજી પાર્ક પોલીસ સ્ટેશન લઈ જવામાં આવ્યો છે.

મળતી માહિતી મુજબ, આ ઘટના મુંબઈના ઝોન-5માં બની હતી. શંકાસ્પદ વ્યક્તિએ કથિત રીતે લોરેન્સ બિશ્નોઈના નામનો પણ ઉપયોગ કર્યો હતો. પોલીસ તેની પૂછપરછ કરી રહી છે. પ્રારંભિક માહિતીમાં જાણવા મળ્યું છે કે જ્યારે આ અજાણ્યો વ્યક્તિ પ્રવેશ્યો ત્યારે સલમાન ખાન શૂટિંગ સ્થળે હાજર હતો. જ્યારે તેણે કથિત રીતે લોરેન્સ બિશ્નોઈનું નામ લીધું ત્યારે ક્રૂના કેટલાક લોકોએ તેને જોયો હતો. હાલ પોલીસ તેની પૂછપરછ કરી રહી છે.

ઉલ્લેખનીય છે કે બોલિવૂડના દબંગ સલમાન ખાનને ગેંગસ્ટર લોરેન્સ બિશ્નોઈના નામે ઘણી વખત ધમકી આપવામાં આવી છે. તાજેતરમાં જ અભિનેતા પાસેથી 5 કરોડ રૂૂપિયાની ખંડણી પણ માંગવામાં આવી હતી. થોડા દિવસો પહેલા બાંદ્રામાં અભિનેતાના ઘરની બહાર ફાયરિંગ થયું હતું. જેમાં લોરેન્સ ગેંગનું નામ પણ સામે આવ્યું હતું. તાજેતરમાં જ સલમાન ખાનના નજીકના બાબા સિદ્દીકીની પણ ગોળી મારીને હત્યા કરવામાં આવી હતી. જેમાં લોરેન્સ ગેંગનું નામ પણ સામે આવ્યું હતું.

છેલ્લા કેટલાક મહિનામાં અભિનેતાને મળી રહેલી ધમકીઓની સંખ્યામાં વધારો થયો છે. તાજેતરમાં જ સલમાન ખાનને લોરેન્સ બિશ્નોઈના નામે ધમકી આપવામાં આવી હતી. ધમકી આપનાર વ્યક્તિએ પોતાની ઓળખ લોરેન્સના ભાઈ તરીકે આપી હતી. તેણે ધમકી આપી હતી અને રૂૂપિયા 5 કરોડની ખંડણી માંગી હતી. ધમકીમાં કહ્યું કે, જો સલમાન ખાન જીવતો રહેવા માંગતો હોય તો તે અમારા મંદિરમાં જઈને માફી માંગે અથવા 5 કરોડ રૂૂપિયા આપે. જો તેઓ આમ નહીં કરે તો અમે તેમને મારી નાખીશું, અમારી ગેંગ હજુ પણ સક્રિય છે. પોલીસે આ વ્યક્તિની કર્ણાટકથી ધરપકડ કરી હતી.. આરોપીની ઓળખ 35 વર્ષીય ભીખારામ જલારામ બિશ્નોઈ તરીકે થઈ હતી. તે મૂળ રાજસ્થાનના જાલોરનો વતની હતો.. આ સિલસિલો અહીં અટક્યો ન હતો.

આ પહેલા પણ એક વ્યક્તિએ સલમાનને મારી નાખવાની ધમકી આપી હતી અને 2 કરોડ રૂૂપિયાની માંગણી કરી હતી. હવે મામલો એટલો બગડી ગયો છે કે કોઈ અજાણ્યો વ્યક્તિ લોરેન્સનું નામ લઈને સલમાન ખાનને ધમકી આપી રહ્યો છે. તમને જણાવી દઈએ કે, સલમાન અને લોરેન્સ વચ્ચે વિવાદ 1998માં શરૂૂ થયો હતો. કાળા હરણના શિકાર મુદ્દે આ વિવાદ ઉદભવ્યો છે.