ગુજરાતી સિનેમા પણ ઝડપી ગતિએ પ્રગતિ કરી રહ્યું છે. ઢોલિવૂડ ફિલ્મોમાં પણ જુદા અનોખી વાર્તાઓને લઈને એક્સપેરિમેન્ટ કરવામાં આવી રહ્યા છે. તાજેતરમાં એવી જ એક ફિલ્મ હવે દર્શકોનું મનોરંજન કરવાની સાથે સાયબર ક્રાઇમ જેવા ગંભીર મુદ્દે પ્રકાશ પણ પાડશે. એક આકર્ષક સાયબર-થ્રિલર ફિલ્મ શસ્ત્ર 18 એપ્રિલે સિલ્વર સ્ક્રીન પર આવવાની તૈયારીમાં છે.ફર્સ્ટ ટાઈમ નિર્માતા દિત જે પટેલ દ્વારા કલ્પના અને નિર્માણ કરાયેલી આ ગુજરાતી ફિલ્મ, સાયબર ગુના અને ન્યાયની દુનિયામાં ઊંડાણપૂર્વકની વાર્તા સાથે દર્શકોની નજરને પડદા પરથી હટવા નથી દેશે.
આ ફિલ્મ પ્રશાંત નામના પાત્રની આસપાસ ફરે છે, જે એક સમર્પિત સાયબર અધિકારી છે, જે કેસ સોલ્વ કરતી વખતે સાયબર ગુનેગારોના જાળામાં આવે છે.
ન્યાય સુનિશ્ચિત કરવા માટે કટિબદ્ધ, તે એક બિનપરંપરાગત પદ્ધતિનો ઉપયોગ કરે છે, પોતાના પ્રથમ નિર્માણ અને સર્જનાત્મક દ્રષ્ટિકોણ વિશે વાત કરતા, દિત જે પટેલે કહ્યું, સાયબર ક્રાઈમ એ આપણે જે ડિજિટલ યુગમાં જીવીએ છીએ તેની એક કડવી વાસ્તવિકતા છે.ચેતન ધાનાણી, પૂજા જોષી, દીપ વૈદ્ય, હેમિન ત્રિવેદી, પ્રિયલ ભટ્ટ અને શ્રેય મરાડિયા જેવા પ્રતિભાશાળી કલાકારો સાથે, શસ્ત્ર આકર્ષક પ્રદર્શનનું વચન આપે છે જે ફિલ્મની આકર્ષક વાર્તાને ઉન્નત બનાવે છે. ફિલ્મના દિગ્દર્શક કર્તવ્ય શાહે કહ્યું, સાયબર દુનિયા રસપ્રદ અને ખતરનાક બન્ને છે, અને શસ્ત્ર સાથે અમે આ દ્વૈતતાને રોમાંચક રીતે આગળ લાવવાનો પ્રયાસ કર્યો છે.
