કાયમી બીમારીથી પીડાતા દર્દીઓને સરકાર તરફથી રાહત
ડોનાલ્ડ ટ્રમ્પે ટેરિફ વધારીને ફાર્મા ક્ષેત્રને નબળું પાડવાનો પ્રયાસ કર્યો હતો, ત્યારે હવે કેન્દ્ર સરકારે 35 આવશ્યક દવાઓના ભાવ ઘટાડીને દર્દીઓને રાહત આપી છે. નેશનલ ફાર્માસ્યુટિકલ પ્રાઇસિંગ ઓથોરિટી (NPPA) એ મુખ્ય ફાર્માસ્યુટિકલ કંપનીઓ દ્વારા વેચાતી 35 આવશ્યક દવાઓના છૂટક ભાવ ઘટાડ્યા છે.હવે આ ઓછી કિંમતના ફોર્મ્યુલામાં કાર્ડિયાક, એન્ટિબાયોટિક, ડાયાબિટીસ વિરોધી અને માનસિક રોગો સહિત અનેક પ્રકારની દવાઓનો સમાવેશ થાય છે.
રસાયણો અને ખાતર મંત્રાલયે NPPA દ્વારા ભાવ નિયમનના આધારે આ આદેશને સૂચિત કર્યો છે. બધી દવાઓ પર લાગુ પડતા ભાવ ઘટાડાથી ગ્રાહકો, ખાસ કરીને ક્રોનિક રોગોથી પીડાતા દર્દીઓને રાહત મળવાની અપેક્ષા છે.
પ્રાઇસ કંટ્રોલ હેઠળ આવરી લેવામાં આવેલા મુખ્ય ફોર્મ્યુલેશનમાં એસક્લોફેનાક, પેરાસીટામોલ અને ટ્રિપ્સિન કાયમોટ્રીપ્સિન, એમોક્સિસિલિન અને પોટેશિયમ ક્લેવ્યુલેનેટના ફિક્સ્ડ ડોઝ સંયોજનો, એટોર્વાસ્ટેટિન સંયોજનો અને એમ્પાગ્લિફ્લોઝિન, સીતાગ્લિપ્ટિન અને મેટફોર્મિન જેવા નવા મૌખિક એન્ટિડાયાબિટીક સંયોજનોનો સમાવેશ થાય છે.
એકમ્સ ડ્રગ્સ એન્ડ ફાર્માસ્યુટિકલ્સ દ્વારા ઉત્પાદિત અને ડો. રેડ્ડીઝ લેબોરેટરીઝ દ્વારા માર્કેટિંગ કરાયેલ એસક્લોફેનાક-પેરાસીટામોલ-ટ્રિપ્સિન કાયમોટ્રીપ્સિન ટેબ્લેટની કિંમત હવે 13 રૂૂપિયા છે, જ્યારે કેડિલા ફાર્માસ્યુટિકલ્સ દ્વારા માર્કેટિંગ કરાયેલ તે જ દવાની કિંમત હવે 15.01 રૂૂપિયા છે.
તેવી જ રીતે, હૃદય રોગ માટે વ્યાપકપણે ઉપયોગમાં લેવાતી એટોર્વાસ્ટેટિન 40 મિલિગ્રામ અને ક્લોપિડોગ્રેલ 75 મિલિગ્રામ ધરાવતી ટેબ્લેટની કિંમત 25.61 રૂૂપિયા નક્કી કરવામાં આવી છે. બાળકોના ઉપયોગ માટે ઓરલ સસ્પેન્શન સેફિક્સાઇમ અને પેરાસીટામોલનું મિશ્રણ પણ શામેલ કરવામાં આવ્યું છે, તેમજ વિટામિન ડી સપ્લિમેન્ટેશન માટે કોલેકેલ્સીફેરોલ ટીપાં અને ડાયક્લોફેનાક ઇન્જેક્શન જેવી મહત્વપૂર્ણ દવાઓ, જેની કિંમત 31.77 રૂૂપિયા પ્રતિ મિલી છે.
