“એન્ફોર્સમેન્ટ ડિરેક્ટોરેટ (ED) દ્વારા હરિયાણાના પંચકુલા મ્યુનિસિપલ કોર્પોરેશન અને કોટક મહિન્દ્રા બેંક સાથે જોડાયેલા 145 કરોડ રૂૂપિયાના મની લોન્ડરિંગકેસમાં મોટી કાર્યવાહી કરવામાં આવી છે. ઇડીની ચંદીગઢ ઝોનલ ઓફિસે ચંદીગઢ, પંચકુલા, ઝીરકપુર, ડેરા બસ્સી અને રાજપુરા સહિત કુલ 12 સ્થળોએ સર્ચ ઓપરેશન હાથ ધર્યું હતું. તપાસમાં બહાર આવ્યું છે કે આ કૌભાંડ મ્યુનિસિપલ અધિકારીઓ, બેંક કર્મચારીઓ અને ખાનગી વ્યક્તિઓની મિલીભગતથી ચાલતું હતું. કોટક મહિન્દ્રા બેંકના કસ્ટમર રિલેશનશિપ મેનેજર દિલીપ કુમાર રાઘવ અને ડેપ્યુટી વાઈસ પ્રેસિડેન્ટ પુષ્પિંદર સિંઘે પંચકુલા મ્યુનિસિપલ કોર્પોરેશનના નામે બનાવટી દસ્તાવેજોનો ઉપયોગ કરી બે બિનઅધિકૃત ખાતા ખોલ્યા હતા.
સરકારી તિજોરીના અસલી ખાતામાંથી નાણાં નકલી ઓથોરાઈઝેશન લેટર્સ અને ખોટા ઈમેલ આઈડી દ્વારા આ નકલી ખાતાઓમાં ટ્રાન્સફર કરવામાં આવ્યા હતા. કૌભાંડને છુપાવવા માટે આરોપીઓએ મ્યુનિસિપલ કોર્પોરેશનને 145 કરોડ રૂૂપિયાની નકલી ફિક્સ ડિપોઝિટ (FD) રસીદો પણ આપી હતી, જેથી કોઈને શંકા ન જાય.
EDએ પોતાની તપાસ એન્ટી કરપ્શન બ્યુરો (ACB) દ્વારા નોંધવામાં આવેલી FIRના આધારે શરૂૂ કરી છે. દરોડા દરમિયાન એજન્સીએ નીચે મુજબના પુરાવા મેળવ્યા છે: સ્થાવર મિલકતોના ખરીદ-વેચાણના કરારો ડિજિટલ પુરાવા અને નાણાકીય વ્યવહારોની વિગતો, ઈડીએ પુરાવારૂપે જપ્ત કરી હતી. આ કેસમાં બેંકના ઉચ્ચ અધિકારીઓ સહિત મ્યુનિસિપલ કોર્પોરેશનના પૂર્વ સિનિયર એકાઉન્ટ ઓફિસર વિકાસ કૌશિકની સંડોવણી પણ સામે આવી છે.
સગેવગે કરાયેલા નાણાં રિયલ એસ્ટેટ ફર્મ્સ અને ફાયનાન્સર્સ દ્વારા રૂૂટ કરીને મુખ્ય આરોપીઓ સુધી પહોંચાડવામાં આવ્યા હોવાનું તપાસમાં ખુલ્યું છે. ઇડી હવે એ તપાસ કરી રહી છે કે આ કૌભાંડમાં અન્ય કયા મોટા માથાઓની સંડોવણી છે. જપ્ત કરાયેલા દસ્તાવેજોના આધારે આગામી દિવસોમાં વધુ ધરપકડ થવાની શક્યતા છે”
