ડીએમકે એ INDIA ગઠ બંધનમાંથી પોતાને અલગ કરી લીધું છે. પાર્ટીના પ્રવક્તા ટીકેએસ એલંગોવને ગુરુવારે ANIને આ જાહેરાત કરી. આ નિર્ણય તમિલનાડુ વિધાનસભા ચૂંટણી પછી કોંગ્રેસ સાથેના સંબંધો તૂટવાના પરિણામે આવ્યો છે. DMK હેડક્વાર્ટર્સે પણ પ્રેસ વિવરણ જારી કરીને જણાવ્યું કે 8 જૂને દિલ્હીમાં આયોજિત INDIA ગઠબંધનની મીટિંગમાં તેઓ ભાગ લેશે નહીં.
તમિલનાડુમાં ઉખઊંના લાંબા સમયના સહયોગી કોંગ્રેસે ડ્રેવિડિયન પાર્ટી સાથેના સંબંધો તોડીને ઝટઊં (તમિલ વેળા કચ્ચિ) આગેવાન સી. જોસેફ વિજયની આગેવાનીવાળી સરકારને સમર્થન આપ્યું છે. આ કાર્યને DMK એ પીઠમાં છરો ભોંકવો અને વિશ્વાસઘાત તરીકે વર્ણવ્યો છે. પાર્ટીના કાર્યકર્તાઓમાં આનાથી ભારે નારાજગી જોવા મળી છે.
ઉખઊંના વિવરણમાં કહેવામાં આવ્યું છે કે, વિધાનસભા ચૂંટણી પછી કોંગ્રેસે DMK સાથે વિશ્વાસઘાત કર્યો છે. કાર્યકર્તાઓની લાગણીઓને સન્માન આપવા માટે અમે INDIA ગઠબંધનની મીટિંગમાં ભાગ લેશું નહીં. સરળ શબ્દોમાં કહીએ તો જ્યાં કોંગ્રેસ હશે ત્યાં DMK નહીં હોય. જો કે, પાર્ટીના સાંસદો અન્ય મુદ્દાઓ પર સામાન્ય હિત માટે ગઠબંધનના અન્ય પક્ષોને સમર્થન આપતા રહેશે.તાજેતરની વિધાનસભા ચૂંટણીમાં DMK આગેવાનીવાળા ગઠબંધને હારનો સામનો કર્યો. TVK એ 108 બેઠકો જીતીને સરકાર બનાવી. કોંગ્રેસે આ ગઠબંધનને સમર્થન આપતા બે મંત્રીપદ મેળવ્યા. કોંગ્રેસે DMK સાથેના જૂના સંબંધો છોડીને TVK, VCK, IUML, CPI અને CPM સાથે હાથ મિલાવ્યા. VCK અને IUML પણ સરકારમાં સામેલ થયા છે.
આ ઘટનાઓ પછી DMK એ લોકસભામાં પણ પોતાની સ્થિતિ સ્પષ્ટ કરી. ઉખઊંની કનિમોઝી કરુણાનિધિએ લોકસભા સ્પીકર ઓમ બિરલાને પત્ર લખીને સીટિંગ વ્યવસ્થા બદલવાની માંગ કરી. ત્યારબાદ લોકસભા સચિવાલયે DMK સાંસદોને કોંગ્રેસ સભ્યોથી અલગ બેસવાની મંજૂરી આપી છે. હાલમાં DMK સાંસદોને નવી સીટો હજુ સોંપવામાં આવી નથી. નિર્ણયથી વિરોધ પક્ષોના INDIA ગઠબંધનમાં મોટી તિરાડ પડી છે.
તમિલનાડુ જેવા મહત્વના રાજ્યમાં DMK એક મજબૂત શક્તિ છે. આ ઘટના ગઠબંધનની અંદરના અસંતોષ અને વ્યક્તિગત હિતોને પ્રતિબિંબિત કરે છે.
ઉખઊંના કાર્યકર્તાઓ અને નેતાઓએ કોંગ્રેસના વલણને તીવ્ર ટીકા કરી છે. તેઓ કહે છે કે લાંબા સમયના સહયોગ પછી આવું વર્તન અપેક્ષિત નહોતું. જો કે, DMK એ સ્પષ્ટ કર્યું છે કે તેઓ રાષ્ટ્રીય મુદ્દાઓ પર અન્ય પક્ષો સાથે સહયોગ કરતા રહેશે, પરંતુ કોંગ્રેસ સાથે સીધા સંબંધો હવે નહીં હોય.
