લોકસભાની કાર્યવાહી આજેથી શરૂ થઈ છે. બંધારણ પર ચર્ચાનો આજે બીજો દિવસ છે, ત્યારે વડાપ્રધાન નરેન્દ્ર મોદી લોકસભામાં વિપક્ષના આરોપોનો જવાબ આપ્યો PM મોદી સંસદમાં પહોંચ્યા હતા. જ્યાં સદસ્યોએ તેમનું જોરદાર સ્વાગત કર્યું. સદનમાં PM મોદીનું ‘ભારત માતા કી જય’ના નારા સાથે સ્વાગત કરવામાં આવ્યું. જેનાથી સમગ્ર સંસદ પરિસર ગૂંજી ઉઠ્યું.

પીએમએ કહ્યું કે આપણા બંધારણમાં એકતાની જરૂર છે. માતૃભાષાને દબાવી દેશની પ્રજા સંસ્કારી ન બની શકે. નવી શિક્ષણ નીતિમાં માતૃભાષાને સ્થાન આપવામાં આવ્યું છે. કાશી-તમિલ સંગમ આજે એક મોટી સંસ્થા બની ગઈ છે. સમાજને મજબૂત કરવાનો આ પ્રયાસ છે.

આજે બંધારણને 75 વર્ષ પૂરા થઈ રહ્યા છે, પરંતુ અહીં પણ 25 વર્ષ, 50 વર્ષનું મહત્વ છે, પરંતુ શું થયું તે યાદ કરો. આપણા દેશમાં ઈમરજન્સી લાવવામાં આવી હતી. બંધારણ છીનવાઈ ગયું. બંધારણીય વ્યવસ્થાઓ નાબૂદ કરવામાં આવી હતી. નાગરિકોના અધિકારો છીનવાઈ ગયા. કોંગ્રેસના માથા પરનો આ પાપ ક્યારેય ભૂંસાશે નહીં.

આ દરમિયાન લોકસભામાં ભારતની એકતા અને અખંડિતતા પર ભાર મૂકતા વડાપ્રધાન નરેન્દ્ર મોદીએ કહ્યું કે સંકલ્પથી સિદ્ધિ સુધી પહોંચવાની સૌથી મોટી જરૂરિયાત ભારતની એકતા છે. તેમણે કહ્યું કે આઝાદી બાદ વિકૃત માનસિકતા અને સ્વાર્થી રાજનીતિના કારણે દેશની એકતા પર ગંભીર હુમલા કરવામાં આવ્યા. પીએમ મોદીએ કહ્યું, “આપણી સંસ્કૃતિ અને પરંપરામાં વિવિધતાની ઉજવણી કરવાની પરંપરા છે, પરંતુ ગુલામીની માનસિકતામાં ઉછરેલા લોકોએ હંમેશા વિવિધતામાં વિરોધાભાસ શોધવાનો પ્રયાસ કર્યો.”

વડાપ્રધાને કહ્યું, “આઝાદી પછી વિકૃત માનસિકતા કે સ્વાર્થના કારણે સૌથી મોટો હુમલો દેશની એકતા અને અખંડિતતા પર થયો હતો.” તેમણે એમ પણ કહ્યું હતું કે દેશે આ પડકારોને પાર કરીને એકજૂટ રહેવાની જરૂર છે. વડાપ્રધાને સ્પષ્ટ કર્યું કે દેશની પ્રગતિ અને વિકાસની ચાવી તેની એકતામાં રહેલી છે. તેમણે કહ્યું કે જ્યારે દેશ એક થઈને કામ કરશે તો દરેક પડકારને તકમાં બદલી શકાય છે.

દેશની ઝડપી આર્થિક પ્રગતિ પર ભાર મૂકતા વડાપ્રધાને કહ્યું કે, “આજે ભારત ઝડપી ગતિએ વિકાસ કરી રહ્યું છે અને ટૂંક સમયમાં વિશ્વની ત્રીજી સૌથી મોટી અર્થવ્યવસ્થા બની જશે.” તેમણે કહ્યું કે આ સિદ્ધિ દરેક ભારતીયની સખત મહેનત અને સંકલ્પનું પરિણામ છે. વડાપ્રધાને કહ્યું, “મહિલાઓની ભાગીદારીને પ્રોત્સાહન આપવું એ અમારી પ્રાથમિકતા છે. જ્યારે મહિલા શક્તિ આગળ વધશે, ત્યારે દેશ દરેક ક્ષેત્રમાં નવી ઊંચાઈઓને સ્પર્શશે.” પીએમ મોદીએ કહ્યું, “આપણી લોકશાહી અને આપણી અર્થવ્યવસ્થા વિશ્વ માટે પ્રેરણા બની રહી છે. ભારતનું ભવિષ્ય ઉજ્જવળ છે, અને વિકાસની આ યાત્રા અવિરત ચાલુ રહેશે.”

વડાપ્રધાન નરેન્દ્ર મોદીએ લોકસભામાં તેમના સંબોધન દરમિયાન નારી શક્તિ વંદન અધિનિયમનો ઉલ્લેખ કર્યો હતો અને તેને મહિલાઓના સશક્તિકરણ પ્રત્યે સરકારની પ્રતિબદ્ધતાનું પ્રતીક ગણાવ્યું હતું. તેમણે કહ્યું કે આ કાયદો મહિલાઓને રાજકીય ભાગીદારીમાં વધુ તક આપવા માટે એક સીમાચિહ્નરૂપ સાબિત થશે. પીએમ મોદીએ કહ્યું, “ભારતે મહિલાઓને શરૂઆતથી જ મતદાનનો અધિકાર આપ્યો છે. આજે સંસદમાં મહિલા સાંસદોની સંખ્યા સતત વધી રહી છે. નારી શક્તિ વંદન કાયદો આ દિશામાં એક ઐતિહાસિક પગલું છે.”

ભારતના લોકશાહી માળખાને તેની સંસ્કૃતિનો એક ભાગ ગણાવતા પીએમ મોદીએ કહ્યું, “ભારતની લોકશાહી ખૂબ જ સમૃદ્ધ રહી છે. તે આપણી સંસ્કૃતિ અને પરંપરામાં ઊંડે ઊંડે જડેલી છે.” તેમણે કહ્યું કે ભારતની લોકશાહીએ સમગ્ર વિશ્વને પ્રેરણા આપી છે. વડાપ્રધાને કહ્યું, “ભારતે 75 વર્ષમાં અસાધારણ સિદ્ધિઓ હાંસલ કરી છે. લોકશાહીએ આપણને દરેક પડકારને પાર કરીને આગળ વધવાની તાકાત આપી છે.”

વડાપ્રધાન નરેન્દ્ર મોદીએ બંધારણની 75મી વર્ષગાંઠના અવસર પર લોકસભામાં પોતાના સંબોધનમાં રાજર્ષિ પુરુષોત્તમ દાસ ટંડન અને બાબા સાહેબ ભીમરાવ આંબેડકરના યોગદાનને યાદ કર્યા. PMએ ભારતની લોકશાહી યાત્રા અને તેની સિદ્ધિઓને અસાધારણ ગણાવી. પીએમ મોદીએ કહ્યું, “રાજર્ષિ ટંડન અને બાબા સાહેબ આંબેડકર જેવી મહાન હસ્તીઓએ ભારતના લોકતાંત્રિક પાયાને મજબૂત કરવામાં મહત્વની ભૂમિકા ભજવી હતી. તેમનું યોગદાન અમૂલ્ય છે.” 75 વર્ષની લોકતાંત્રિક યાત્રાને દેશના નાગરિકોની એક મહાન ઉપલબ્ધિ ગણાવતા વડાપ્રધાને કહ્યું કે, આ મહાન સિદ્ધિ માટે હું દેશના નાગરિકોને સલામ કરું છું.

વડાપ્રધાન નરેન્દ્ર મોદીએ બંધારણની 75મી વર્ષગાંઠ પર લોકસભામાં પોતાના સંબોધનમાં કહ્યું હતું કે ભારત લોકશાહીની માતા છે અને આપણું ગણતંત્ર સમગ્ર વિશ્વ માટે પ્રેરણા સ્ત્રોત છે. તેમણે કહ્યું, “આ આપણી લોકશાહીની ઉજવણી કરવાનો અવસર છે. ભારતનો નાગરિક દરેક કસોટી પર ખરા ઉતર્યો છે અને આપણી લોકશાહીની સફળતાનો આધાર રહ્યો છે.”

આંધ્રપ્રદેશના વતનીએ કામ પૂરું કર્યા બાદ કુવૈતથી યુટયુબ પર ગુનાની કબુલાત કરતો વીડિકયો અપલોડ કર્યો

હત્યાનો એક સનસનીખેજ મામલો સામે આવ્યો છે. વિદેશમાં રહેતા પિતાએ પુત્રીના બળાત્કારીની હત્યા કરવા માટે ભારત આવે છે અને બળાત્કારીની હત્યા કરી પાછા વિદેશ પરત ફરે છે. પુત્રીના બળાત્કારીની હત્યા કરી ખૌફનાખ બદલો લેવામાં આવ્યો હતો. આ વ્યક્તિ હત્યા કરવા કુવૈતથી ભારત આવ્યો હતો અને પછી પાછો ગયો અને વીડિયો પોસ્ટ કર્યો છે.

આંધ્રપ્રદેશમાંથી હત્યાનો એક ભયાનક કિસ્સો પ્રકાશમાં આવ્યો છે. આ હત્યા એક એનઆરઆઇ વ્યક્તિ દ્વારા કરવામાં આવી હતી, જે તેની 12 વર્ષની માસૂમ પુત્રી પર બળાત્કાર કરનાર વ્યક્તિ પાસેથી બદલો લેવા કુવૈતથી ભારત આવ્યો હતો. આ પછી તેની નિર્દયતાથી હત્યા કરવામાં આવી અને તે કુવૈત પરત ફર્યો. બાદમાં તેણે પોતે જ તેની યુટ્યુબ ચેનલ પર ગુનો કબૂલી લીધો હતો.

આંધ્રપ્રદેશના અન્નમય જિલ્લાનો રહેવાસી આ વ્યક્તિ 15 વર્ષથી કુવૈતમાં કામ કરતો હતો. તે પોતાની યુટ્યુબ ચેનલ પણ ચલાવે છે. પોલીસે કહ્યું કે આરોપી પિતા વીડિયો દ્વારા લોકોને ભ્રમિત કરવાનો પ્રયાસ કરી રહ્યો છે. જો તે આત્મસમર્પણ કરવા માંગતો હતો તો હત્યા કરીને કુવૈત પરત કેમ ફર્યો? વ્યક્તિએ જણાવ્યું કે આ પછી તેણે કાયદો પોતાના હાથમાં લેવાનું નક્કી કર્યું અને કુવૈતથી ભારત આવ્યો.

આ વ્યક્તિએ વીડિયોમાં સમગ્ર ઘટના વર્ણવી છે. આ વ્યક્તિ લાંબા સમયથી કુવૈતમાં રહે છે. તેની પુત્રી અને પત્ની પણ તેની સાથે રહેતી હતી પરંતુ બાદમાં તેણે તેની પુત્રીને આંધ્રપ્રદેશમાં તેની માસી પાસે મોકલી દીધી હતી. તે તેની પુત્રીના ઉછેર માટે તેના સંબંધીઓને પૈસા પણ આપતો હતો.
વ્યક્તિનો આરોપ છે કે તેની પત્નીની બહેન (સંબંધમાં સાળી) અને તેના પતિએ શરૂૂઆતમાં બાળકની સારી સંભાળ લીધી હતી. બાદમાં તાજેતરમાં જ જ્યારે બાળકીની માતા તેની પુત્રીને મળવા આવી ત્યારે પુત્રીએ જણાવ્યું કે તેની માસીના સસરાએ તેનું યૌન શોષણ કર્યું હતું.
આ પછી જ્યારે માતા-પુત્રીએ સ્થાનિક પોલીસ સ્ટેશનમાં એફઆઈઆર દાખલ કરવાનો પ્રયાસ કર્યો, તો પોલીસે તેમ કર્યું નહીં અને ચેતવણી આપીને જ આરોપીઓને છોડી દીધા. વ્યક્તિએ જણાવ્યું કે આ પછી તેણે કાયદો પોતાના હાથમાં લેવાનું નક્કી કર્યું અને કુવૈતથી ભારત આવ્યો. અહીં તેણે પોતાની પુત્રીના બળાત્કારીને લોખંડના સળિયાથી મારી નાખ્યો અને પછી કુવૈત પાછો ફર્યો. પછી ત્યાં જઈને કબૂલાતનો વીડિયો બહાર પાડ્યો.

બીજી તરફ પોલીસે ફરિયાદ નોંધાઈ ન હોવાનો ઈન્કાર કર્યો છે. તેના બદલે તેમણે કહ્યું કે છોકરીની માતા અને તેની બહેન વચ્ચે પારિવારિક વિવાદ હતો. હવે આરોપી પિતા અલગ જ વાત કહી રહ્યા છે.
આ હત્યામાં યુવતીના પિતા ઉપરાંત અન્ય સંબંધીઓ પણ સામેલ છે. તપાસ બાદ ટૂંક સમયમાં સત્ય બહાર આવશે. તેમજ પોલીસે કહ્યું કે આરોપી પિતા વીડિયો દ્વારા લોકોને ભ્રમિત કરવાનો પ્રયાસ કરી રહ્યો છે. જો તે આત્મસમર્પણ કરવા માંગતો હતો તો હત્યા કરીને કુવૈત પરત કેમ ફર્યો? હવે અમે તેને કુવૈતથી પરત લાવવાનો પ્રયાસ કરી રહ્યા છીએ.

જયપુર. ડિરેક્ટોરેટ જનરલ ઓફ ગુડ્સ એન્ડ સર્વિસ ટેક્સ ઈન્ટેલિજન્સ (DGGIA)એ શુક્રવારે જયપુર શહેરની ઘણી કંપનીઓ પર સર્ચ કાર્યવાહી હાથ ધરી હતી. DGGIAએ શહેરમાં એક સાથે 5 લ્યુબ્રિકેટિંગ ઓઈલ પેઢીઓ પર દરોડા પાડ્યા હતા.

ઓઇલ સપ્લાય વિના તેમના સ્થળોએ છૂપી રીતે નકલી બિલો બનાવવામાં આવતા હતા. આ છેતરપિંડી દ્વારા 10 કરોડ રૂૂપિયાની કરચોરી બહાર આવી છે.

સર્ચ ઓપરેશન દરમિયાન એક રિફાઈનરના પરિસરમાંથી 4 કરોડ રૂૂપિયાની રોકડ મળી આવી હતી. જ્યારે અન્ય રૂૂ. 1.5 કરોડ કબ્જે કરવામાં આવ્યા હતા. હાલ આ મામલે DGGIAની તપાસ ચાલી રહી છે.

ગુપ્ત માહિતીના આધારે, DGGIA જયપુરના ઝોનલ યુનિટે અંદાજે રૂૂ. 10 કરોડની કરચોરી શોધી કાઢી છે. કેટલાક વિસ્તારોમાં કાર્યવાહી કરીને, ડીજીજીઆઈએ લુબ્રિક્ધટ ઓઈલ ટ્રેડર્સ મેસર્સ દીપક એન્ટરપ્રાઈઝ અને મેસર્સ રેક્સી લુબર્સ તેમજ લુબ્રિકેટિંગ ઓઈલ રિફાઈનર્સ મેસર્સ મહાવીર કેમિકલ ઈન્ડસ્ટ્રીઝ, મેસર્સ મહેશ્વરી પેટ્રોકેમિકલ્સ અને મેસર્સ ઓમ ઇન્ડસ્ટ્રીઝના પરિસરમાં સર્ચ કર્યું હતું.