હોર્મુઝ સ્ટ્રેઇટ બાદ હવે બાબ-અલ-મંદાબ સ્ટ્રેઇટ રૂટ બ્લોક કરવામાં આવે તો ગ્લોબલ સપ્લાય ચેન બંધ થવાની ભીતિ
ઇરાન યુધ્ધના પગલે ક્રુડના ભાવમાં આગ લાગી ગઇ છે. હોર્મુઝ સ્ટ્રેઇટમાંથી હજુ પણ જહાજો અટવાયા છે. તેને કારણે અનેક દેશમાં ગેસ, પેટ્રોલ ડીઝલના જથ્થા પહોંચી નથી રહ્યા ત્યારે વિશ્વભરમાં તેના પડઘા પડી રહ્યા છે. માર્ચ મહીનામાં જ ક્રુડના ભાવમાં 59 ટકા નો વાધરો નોંધાતા અનેક દેશોને પ્રેટ્રોલ ડીઝલના ભાવમાં વધારો કરવાની ફરજ પડી છે.
ગઇકાલે પણ બ્રેન્ટ હુડનો ભાવ 115 ડોલરને પાર થયો હતો. આ મહીનામાં બ્રેન્ટ હુડ 59 ટકા તો ડબલ્યુટીઆઇ ક્રુડમાં 58 ટકાનો વધારો નોંધાયો છે. મે 2020 પછી કોઇ એક મહીનામાં નોંધાયેલો આ સૌથી મોટો વધારો છે. આનુ મુખ્ય કારણ હોર્મુઝ સ્ટ્રેઇટ બ્લોક થતા ગ્લોબલ સપ્લાઇ ચેનને મોટી અસર પડી છે. યુધ્ધ શરૂ થયા તેન એક મહીનો થઇ ગયો છે અને હજુ કયારે પુરૂ થશે તે નક્કી નથી ત્યારે નિષ્ણાંતો તો ક્રુડનો ભાવ 150 ડોલર સુધી ભાવ પહોંચે તેવી સંભાવના વ્યક્ત કરી રહ્યા છે.
તેમાં પણ કુવૈત પેટ્રોલીયમ કોર્પના અલ સાલ્મી નામના ટેંકર ઉપર દુબઇ નજીક ઇરાન દ્વારા હુમલો કરાતા ક્રુડના ભાવમાં વધારો થયો હતો. આ ટેંકર બે મીલીયન બેરલ ક્રુડ લઇ જવાની ક્ષમતા રાખતુ હતું. આ ઉપરાંત હોથીઝ દ્વારા પણ ઇઝરાયેલ પર હુમલા કરાતા વાતાવરણ વધુ બગડયું છે. આ હુમલાથી બીજા રૂટને પણ અસર પહોંચી શકે છે. જો હોથીઝ દ્વારા બાબ-અલ- મંદાબ સ્ટ્રેઇટ રૂટ પણ બ્લોક કરવામાં આવે તો વિશ્વભરમાં એનર્જી સેકટરને ભારે સર પહોંચી શકે તેમ છે.
