નેટફ્લિક્સ 20 મિનિટનો એક્સક્લુઝિવ એક્સટેન્ડેડ કટ રિલીઝ કરશે તેવી પણ ચર્ચા
અલ્લૂ અર્જૂનની ફિલ્મ પુષ્પા 2: ધ રૂૂલ 5 ડિસેમ્બરે સિનેમાઘરોમાં રિલીઝ થઈ. આ ફિલ્મ રિલીઝ થયાના 53 દિવસ પછી પણ દેશ અને દુનિયાભરમાં ધૂમ મચાવી રહી છે. આ ફિલ્મના નામે ઘણા રેકોર્ડ છે અને રિલીઝ થયાના લગભગ બે મહિના પછી પણ તે બોક્સ ઓફિસ પર કમાણી કરી રહી છે. પુષ્પા 2: ધ રૂૂલના ઓટીટી રિલીઝની રાહ જોઈ રહેલા લોકો માટે સારા સમાચાર છે.
મીડિયા રિપોર્ટ્સ અનુસાર, પુષ્પા-2 30 થી 31 જાન્યુઆરી, 2025 ની વચ્ચે ઓટીટી પ્લેટફોર્મ નેટફ્લિક્સ પર રિલીઝ થવાની સંભાવના છે. ફિલ્મના થિયેટર પછીના ડિજિટલ અધિકારો નેટફ્લિક્સે ભારે કિંમતે ખરીદ્યા છે. નિર્માતાઓએ થોડા દિવસો પહેલા જાહેરાત કરી હતી કે પુષ્પા 2 થિયેટરોમાં 56 દિવસની વિન્ડો પૂર્ણ કર્યા પછી રિલીઝ થશે. આવી સ્થિતિમાં હવે જ્યારે ફિલ્મે આ વિન્ડો પૂર્ણ કરી લીધી છે, ત્યારે ઓટીટી પર તેની રિલીઝ થવાની શક્યતા વધી ગઈ છે.
એવા પણ અહેવાલો છે કે નેટફ્લિક્સ પુષ્પા-2 નો એક એક્સક્લૂઝિવ એક્સટેન્ડેડ કટ રિલીઝ કરવા જઈ રહ્યું છે, જેનો અર્થ એ છે કે તેમાં 20 મિનિટના અનદેખી ફૂટેજ પણ શામેલ હશે. જોકે, નિર્માતાઓએ આ વિશે સત્તાવાર રીતે કંઈ જાહેર કર્યું નથી.
