હિન્દીમાં રિલીઝ થઈને બોક્સ ઓફિસ પર મોટી સફળતા મેળવનારી ફિલ્મ ધુરંધર હવે વધુ મોટા રૂૂપમાં પાછી આવી રહી છે. ફિલ્મને ખાસ કરીને સાઉથ ઈન્ડિયામાં દર્શકોનો જબરદસ્ત પ્રેમ મળ્યો, જેના કારણે નિર્માતાઓએ તેના સીક્વલની સત્તાવાર જાહેરાત કરી છે.
ધુરંધર-2 ઈદ 2026 પર, એટલે કે 19 માર્ચ 2026ના રોજ રિલીઝ થશે. આ ફિલ્મ એક સાથે હિન્દી, તેલુગુ, તમિલ, કન્નડ અને મલયાલમ – પાંચ ભાષાઓમાં રિલીઝ કરવામાં આવશે. આ રીતે ફિલ્મ સંપૂર્ણ પેન-ઈન્ડિયા ફિલ્મ બની જશે.
જોકે, ધુરંધર માત્ર હિન્દીમાં જ રિલીઝ થઈ હતી, તેમ છતાં સાઉથ ઈન્ડિયામાં તેને ખૂબ જ સારો પ્રતિસાદ મળ્યો. સોશિયલ મીડિયા પર ચર્ચા, લોકોની ભલામણ અને વારંવાર ફિલ્મ જોવાને કારણે ત્યાં દર્શકોમાં ભારે ઉત્સાહ જોવા મળ્યો. સાઉથના ડિસ્ટ્રિબ્યુટર્સ અને થિયેટર માલિકોએ પણ ડબ વર્ઝનની માગ કરી હતી. દર્શકોની આ માગને ધ્યાનમાં રાખીને અને ભારત સાથે સાથે વિદેશમાં રહેલા સાઉથ ઈન્ડિયન દર્શકોને પણ ધ્યાનમાં રાખીને, નિર્માતાઓએ નક્કી કર્યું છે કે ધુરંધર-2ને શરૂૂઆતથી જ તમામ મુખ્ય ભાષાઓમાં રિલીઝ કરવામાં આવશે. ફિલ્મનું દિગ્દર્શન નેશનલ એવોર્ડ વિજેતા આદિત્ય ધર કરી રહ્યા છે અને ફિલ્મને જિયો સ્ટુડિયોઝ સહિત ઇ62 સ્ટુડિયોઝ દ્વારા પ્રોડ્યૂસ કરવામાં આવી રહી છે.
ધુરંધર-2માં વાર્તા અને એક્શન બંનેને પહેલાં કરતાં વધુ મોટા અને ભવ્ય સ્તરે બતાવવામાં આવશે. ફિલ્મ હાલમાં પોસ્ટ-પ્રોડક્શન સ્ટેજમાં છે અને તેને 2026ની સૌથી વધુ ચર્ચિત અને રાહ જોવાતી ભારતીય ફિલ્મોમાંથી એક માનવામાં આવી રહી છે. નિર્માતાઓ કેટલાક વિદેશી માર્કેટ્સમાં પણ ફિલ્મની મોટી રિલીઝની યોજના બનાવી રહ્યા છે.
