આવી સિધ્ધિ મેળવનાર પ્રથમ ભારતીય ક્રિકેટર બન્યા
ઓકલેન્ડના ઈડન પાર્કમાં રમાયેલી મેચ દરમિયાન અક્ષરે ન્યૂઝીલેન્ડના ઓપનર ફિન એલનને આઉટ કરીને તેની T20 કારકિર્દીની 300મી વિકેટ ઝડપી હતી. આ સાથે, તેણે આ ફોર્મેટમાં બેટ અને બોલ બંને વડે 3,000 રન અને 300 વિકેટનો ડબલ પૂર્ણ કરનાર પસંદગીના આંતરરાષ્ટ્રીય ખેલાડીઓની યાદીમાં સ્થાન મેળવ્યું છે. T20 ક્રિકેટમાં આ ખાસ સિદ્ધિ મેળવનારા ખેલાડીઓમાં આન્દ્રે રસેલ, શાકિબ અલ હસન, મોહમ્મદ નબી, શાદાબ ખાન, જેસન હોલ્ડર, ડેવિડ વિલી, ઇમાદ વસીમ, સમિત પટેલ, ડેવિડ વીઝ, રોલોફ વાન ડેર મર્વે, શાહિદ આફ્રિદી, કિરોન પોલાર્ડ, સેમ કુરાન અને લિયામ ડોસનનો સમાવેશ થાય છે. અત્યાર સુધી રમાયેલી 345 T20 મેચોમાં તેણે 21.94ની એવરેજ અને 134.43ની સ્ટ્રાઈક રેટથી 3,818 રન બનાવ્યા છે. તેના નામે નવ અડધી સદી પણ નોંધાયેલી છે. આ સાથે જ બોલિંગમાં તેણે 300 વિકેટ લેવાનો માઈલસ્ટોન હાંસલ કર્યો છે.