સુપ્રીમ કોર્ટે દેશભરમાં રહેણાંક વિસ્તારોમાં ચાલી રહેલા વ્યાપક અનધિકૃત બાંધકામો અને વાણિજ્યિક પ્રવૃત્તિઓ અંગે કડક વલણ અપનાવ્યું છે – જે ઉલ્લંઘનો વર્ષોથી ચાલુ છે. સુપ્રીમ કોર્ટે દિલ્હી, પટના અને લખનૌ જેવા શહેરોમાં આવા કેસોમાં યુદ્ધના ધોરણે કાર્યવાહી કરવાનો આદેશ આપ્યો છે. આ આદેશ બાદ, આ શહેરોમાં મોટા પાયે તોડી પાડવા અને સીલિંગ ઝુંબેશ ચલાવવાની શક્યતા છે.
જસ્ટિસ અહસાનુદ્દીન અમાનુલ્લાહ અને જસ્ટિસ આર. મહાદેવનની બનેલી બેન્ચે નોંધ્યું હતું કે દિલ્હીની એક હોટલ અને લખનૌના કોચિંગ સેન્ટરમાં લાગેલી આગમાં નોંધપાત્ર જાનહાનિ થઈ હતી.
લાજપત નગર અને સરોજિની નગર જેવા બજારોમાં નિયમ ઉલ્લંઘન અને સંભવિત જોખમોનું મૂલ્યાંકન કરવા માટે અગાઉના આદેશો છતાં સર્વેક્ષણ શરૂૂ કરવામાં નિષ્ફળ રહેવા બદલ સુપ્રીમ કોર્ટે દિલ્હી મ્યુનિસિપલ કોર્પોરેશન (MCD) અને નવી દિલ્હી મ્યુનિસિપલ કાઉન્સિલ (NDMC) ને ઠપકો આપ્યો.
સુપ્રીમ કોર્ટે લખનૌ ડેવલપમેન્ટ ઓથોરિટી (LDA) ને દિલ્હીમાં થયેલા સર્વેક્ષણની જેમ જ શહેરમાં રહેણાંક વિસ્તારો અથવા મિલકતોમાં ચાલતા નિયમો અને વાણિજ્યિક પ્રવૃત્તિઓનું ઉલ્લંઘન કરતા અનધિકૃત બાંધકામોને ઓળખવા માટે નિર્દેશ આપ્યો છે.
