’કોકરોચ જનતા પાર્ટી’ (CJP) એ જણાવ્યું હતું કે જો કેન્દ્ર સરકાર મંગળવાર સુધીમાં વિરોધીઓ સામે FIR પાછી ખેંચવા અને દંડાત્મક કાર્યવાહી બંધ કરવા માટે લેખિત ખાતરી નહીં આપે, તો તે રાષ્ટ્રવ્યાપી શાંતિપૂર્ણ વિરોધ ફરી શરૂૂ કરશે. થોડા કલાકો પછી, સોમવારે, બિહાર અને આસામની સરકારોએ પેપર લીક સામેના તાજેતરના વિરોધ સંદર્ભે નોંધાયેલા તમામ કેસ પાછા ખેંચવાની અને ધરપકડ કરાયેલા લોકોને મુક્ત કરવાની જાહેરાત કરી. જોકે, પશ્ચિમ બંગાળમાં ભાજપ સરકારે હજુ સુધી આવું કોઈ પગલું ભર્યું નથી. ઉલ્લેખનીય છે કે એનડીએના ઘટકપક્ષ જનશકિત પાર્ટી (રામવિલાસ)ના સાંસદ સમ્રાટ ચૌધરીએ બિહારમાં લાઠીચાર્જ, એકે-47 રાઇફલના ઉપયોગ સામે વિરોધ કર્યો હતો.
સીજેપીના પ્રવક્તા સૌરવ દાસે જણાવ્યું હતું કે, “અમારી પ્રેસ કોન્ફરન્સના થોડા કલાકો પછી સરકારી પ્રતિનિધિઓ અમને મળ્યા હતા. આ બેઠક 2-3 કલાક ચાલી હતી. તેમણે બિહાર અને આસામના સૂચનાઓની નકલો શેર કરી હતી જેમાં એફઆઈઆર પાછી ખેંચવાની, ભવિષ્યમાં કોઈ કાર્યવાહી ન કરવાની અને અટકાયતીઓ અને ધરપકડ કરાયેલા તમામ વ્યક્તિઓને મુક્ત કરવાની ખાતરી આપવામાં આવી હતી. તેમણે તેમના વચનને પુનરાવર્તિત કર્યું હતું કે કેન્દ્ર સરકાર અને અન્ય ભાજપ-એનડીએ રાજ્યો આવતીકાલ સુધીમાં સમાન ગેરંટી સૂચનાઓ જારી કરશે.
એક નિવેદનમાં, બિહાર સરકારે જણાવ્યું હતું કે 26 જુલાઈના રોજ સાંજે 6 વાગ્યા પહેલા રાજ્યમાં વિરોધ પ્રદર્શનોમાં ભાગ લેનારાઓ સામે કોઈ દંડાત્મક કે પ્રતિકૂળ કાનૂની કાર્યવાહી કરવામાં આવશે નહીં.
જે લોકોની ધરપકડ કરવામાં આવી છે અથવા અટકાયતમાં લેવામાં આવી છે તેમને ટૂંક સમયમાં મુક્ત કરવામાં આવશે, અને 26 જુલાઈના રોજ સાંજે 6 વાગ્યા પહેલા નોંધાયેલા કેસોમાં નામ આપવામાં આવેલા વ્યક્તિઓ સામે કોઈ પ્રત્યક્ષ કે પરોક્ષ કાર્યવાહી કરવામાં આવશે નહીં. 25 જુલાઈના રોજ ’બિહાર બંધ’ દરમિયાન રાજ્યભરમાં કુલ 694 લોકોની અટકાયત કરવામાં આવી હતી.
તેમાંથી 339 સગીરો અને વિદ્યાર્થીઓને ચકાસણી બાદ મુક્ત કરવામાં આવ્યા હતા. બિહારની આગેવાની હેઠળ, આસામ સરકારે પણ વિરોધીઓ સામેના કેસ પાછા ખેંચવા અને અટકાયતમાં લેવાયેલા લોકોની ધરપકડ અને મુક્તિની સમીક્ષા કરવા માટે સમયરેખા જાહેર કરી. પેપર લીક સામેના વિરોધ પ્રદર્શનના સંદર્ભમાં તેર લોકોની ધરપકડ કરવામાં આવી હતી અને પાંચ કેસ નોંધવામાં આવ્યા હતા.
