શ્રીલંકાના પશ્ચિમી દરિયાકાંઠાના શહેર નેગોમ્બોમાં એક જેલમાં હિંસક અશાંતિમાં મૃત્યુઆંક વધીને 19 થઈ ગયો છે, જેમાં ચાર ગાર્ડનો સમાવેશ થાય છે અને 100 થી વધુ લોકો ઘાયલ થયા છે, એમ અધિકારીઓએ સોમવારે જણાવ્યું હતું, બે દિવસની અથડામણ પછી સુરક્ષા દળોએ વ્યવસ્થા પુન:સ્થાપિત કરવા માટે લડત ચલાવી હતી.
અહેવાલ મુજબ રવિવારે ભીડભાડવાળી જેલમાં કેદીઓના હરીફ જૂથો વચ્ચે અથડામણ થતાં સૌપ્રથમ હિંસા ફાટી નીકળી હતી. નેગોમ્બો હોસ્પિટલના ડિરેક્ટર પુષ્પા ગમલાથે જણાવ્યું હતું કે અથડામણ અને ત્યારબાદની હિંસામાં 19 લોકો માર્યા ગયા હતા અને 72 અન્ય ઘાયલ થયા હતા. ઘાયલોમાં જેલ અધિકારીઓ અને સુરક્ષા કર્મચારીઓનો સમાવેશ થાય છે, ગંભીર રીતે ઘાયલ થયેલા પીડિતોને કોલંબોની રાષ્ટ્રીય હોસ્પિટલમાં ખસેડવામાં આવ્યા છે, એમ સમાચાર એજન્સી સિન્હુઆએ અહેવાલ આપ્યો છે.પ્રારંભિક તપાસ સૂચવે છે કે હિંસા જેલની અંદર ડ્રગ હેરફેર પ્રવૃત્તિઓને ટેકો આપતા એક જૂથ અને તે કામગીરીનો વિરોધ કરતા બીજા જૂથ વચ્ચેના અથડામણથી થઈ હતી. પરિસ્થિતિને કાબુમાં લેવા માટે અધિકારીઓએ સુરક્ષા વ્યવસ્થામાં નોંધપાત્ર વધારો કર્યો છે, પોલીસ સ્પેશિયલ ટાસ્ક ફોર્સ (જઝઋ) અને રમખાણ નિયંત્રણ એકમોને તૈનાત કર્યા છે.
