પ્રધાનમંત્રી નરેન્દ્ર મોદી આજે(૩૦ ઓગસ્ટ ૨૦૨૫) SCO સમિટમાં હાજરી આપવા માટે ચીન પહોંચ્યા છે. સમિટ ઉપરાંત, તેઓ ચીનના રાષ્ટ્રપતિ શી જિનપિંગ અને રશિયન રાષ્ટ્રપતિ પુતિન સાથે અલગ-અલગ દ્વિપક્ષીય વાટાઘાટો પણ કરશે.
https://x.com/narendramodi/status/1961742435488555196
રેડ કાર્પેટ પર પીએમ મોદીનું ભવ્ય સ્વાગત
જાપાનની મુલાકાત પૂર્ણ કર્યા પછી વડા પ્રધાન મોદી ચીનના તિયાનજિન પહોંચ્યા. ચીન પહોંચતાની સાથે જ તેમનું રેડ કાર્પેટ પર ભવ્ય સ્વાગત કરવામાં આવ્યું. વડા પ્રધાન ૧ સપ્ટેમ્બર સુધી ચીનમાં રહેશે. અહીં બંને દેશો વચ્ચેના સંબંધોને વધુ સામાન્ય બનાવવા અંગે ચીનના રાષ્ટ્રપતિ શી જિનપિંગ અને પીએમ મોદી વચ્ચે વાતચીત થશે.
https://x.com/ANI/status/1961739370026737834
પીએમ મોદી પુતિન અને જિનપિંગ સાથે અલગ-અલગ વાટાઘાટો કરશે
ટ્રમ્પની વેપાર નીતિને કારણે સર્જાયેલી આર્થિક ઉથલપાથલ વચ્ચે પીએમ મોદીની ચીન મુલાકાત થઈ રહી છે. ભારત પર ૫૦ ટકા ટેરિફ લાદ્યા બાદ, વિશ્વ રાજકારણમાં ઝડપી ફેરફારો જોવા મળી રહ્યા છે. રશિયન રાષ્ટ્રપતિ વ્લાદિમીર પુતિન પણ SCO બેઠકમાં ભાગ લેવા માટે ચીન આવશે. પીએમ અહીં બંને દેશોના વડાઓ સાથે અલગ-અલગ દ્વિપક્ષીય વાટાઘાટો કરશે.
પીએમ મોદીની ચીન મુલાકાતને લઈને બેઇજિંગમાં ઉત્સાહનો માહોલ છે. આ ઐતિહાસિક મુલાકાતને લઈને માત્ર ભારતીય સમુદાયમાં જ નહીં પરંતુ સ્થાનિક ચીની નાગરિકો અને ઉદ્યોગપતિઓમાં પણ ઘણી અપેક્ષાઓ છે. આ મુલાકાતને બંને દેશો વચ્ચે દ્વિપક્ષીય સંબંધોને મજબૂત બનાવવા તરફ એક મહત્વપૂર્ણ પગલું માનવામાં આવી રહ્યું છે.
20 થી વધુ દેશોના નેતાઓ SCO બેઠકમાં પહોંચશે
SCO સમિટ 31 ઓગસ્ટથી 1 સપ્ટેમ્બર દરમિયાન ચીનમાં યોજાવાની છે. 20 થી વધુ દેશોના નેતાઓ તેમાં ભાગ લેશે. PM મોદી અને શી જિનપિંગ છેલ્લે ઓક્ટોબર 2024 માં રશિયાના કાઝાનમાં BRICS સમિટ દરમિયાન મળ્યા હતા. આ દરમિયાન બંને વચ્ચે દ્વિપક્ષીય વાટાઘાટો પણ થઈ હતી.
