ઝારખંડના દેવઘર જિલ્લાના મોહનપુર બ્લોક વિસ્તારમાં સ્થિત ઘોરમારામાં કડકડતી ઠંડી વચ્ચે એક યુવકને લગ્ન કરવા મોંઘા પડ્યા. ઠંડીને કારણે, લગ્ન થાય તે પહેલા જ તૂટી ગયા. વરરાજાનો પક્ષ ઘોરમારાના સ્થાનિક રહેવાસી હતા. અર્ણવ નામના છોકરાના લગ્ન અંકિતા નામની છોકરી સાથે થવાના હતા. બંને પક્ષની સંમતિથી લગ્ન એક ખાનગી ગાર્ડન કેમ્પસમાં થઈ રહ્યા હતા. બધું બરાબરથી ચાલતું હતું. સમયની સાથે તમામ વિધિઓ પૂર્ણ થઈ રહી હતી.

સૌપ્રથમ તો બંને પક્ષે બેઠકનો કાર્યક્રમ હતો. ત્યારબાદ ખુલ્લા આકાશ નીચે સ્ટેજ વરમાળાનો કાર્યક્રમ યોજાયો હતો. પછી બધા લગ્નમંડપમાં પહોંચ્યા. લગ્નમંડપ પણ ખુલ્લા આકાશ નીચે બનાવવામાં આવ્યો હતો.
વરમાળા અને ભોજન બાદ વર પણ મંડપમાં બેઠો હતો. પંડિતે લગ્નની વિધિ શરૂૂ કરી. દરમિયાન વર ધ્રુજતા-ધ્રુજતા અચનાક બેભાન થઈ ગયો હતો. તેનું શરીર ઠંડુ પડી ગયું. પરિવારના સભ્યો તેને રૂૂમમાં લઈ ગયા અને તેના હાથ-પગ ઘસવા લાગ્યા.

આ દરમિયાન સ્થાનિક ડોક્ટરને પણ બોલાવવામાં આવ્યા હતા. વરને ઠંડીથી રાહત આપવા માટે સલાઈન અને ઈન્જેક્શન આપવામાં આવ્યા હતા. લગભગ એકથી દોઢ કલાક બાદ તેની હાલત સામાન્ય થઈ ગઈ હતી. તે ફરીથી મંડપમાં બેસવા તૈયાર હતો, પરંતુ ક્ધયાએ ફેરા ફરવાની સ્પષ્ટ ના પાડી દીધી. વિશ્વ પ્રસિદ્ધ દ્વાદશ જ્યોતિર્લિંગ બાબા બૈદ્યનાથ ધામમાં અનેક લગ્નો થાય છે જે ચર્ચાનો વિષય બને છે. તાજેતરમાં જ બિહારના એક વર અને સાત સમંદર પાર ઈંગ્લેન્ડથી આવેલી ક્ધયાએ બાબા નગરીમાં લગ્ન કર્યા હતા, જ્યારે વિદેશથી આવેલા વર અને ભારતની ક્ધયાએ પણ અહીં લગ્ન કર્યા છે.

ક્ધયાએ કહ્યું કે છોકરાને કોઈ બીમારી છે, તેથી તે તેની સાથે લગ્ન નહીં કરે. ક્ધયાની શંકા વધી કારણ કે સામાન્ય રીતે વર જાન લઈને ક્ધયાના ઘરે લઈ જાય છે, પરંતુ આ લગ્નમાં ક્ધયા પક્ષને વરના ઘરે બોલાવવામાં આવ્યો હતો અને લગ્ન ખાનગી બગીચામાં કરવામાં આવી રહ્યા હતા. બંને પક્ષો વચ્ચે વિવાદ વધી ગયો હતો અને તેમાં જ સવારના 5 વાગી ગયા હતા.

આ અંગે મોહનપુર પોલીસ સ્ટેશનને જાણ કરવામાં આવી હતી. આ અંગેની માહિતી મળતાં જ મોહનપુર પોલીસ સ્ટેશનના ઈન્ચાર્જ પ્રિયરંજન કુમાર પોતાની ટીમ સાથે ત્યાં પહોંચ્યા હતા. પોલીસે બંને પક્ષોને સમજાવ્યા, પરંતુ સમજૂતી ન થઈ. સવારે 8 વાગ્યા સુધી સમજુતી ન થતાં આખરે વર પક્ષની જાન સાથે પરત ફર્યો હતો. ક્ધયા પક્ષ ભાગલપુર (બિહાર) માં તેમના ઘરે પરત ફર્યો.

પોલીસ સ્ટેશનના પ્રભારી પ્રિયરંજન કુમારે જણાવ્યું કે લગ્ન એક ખાનગી ગાર્ડન કેમ્પસમાં થઈ રહ્યા હતા. ખુલ્લા આકાશમાં તોરણો અને મંડપ બાંધવામાં આવ્યા હતા. લગ્નમંડપમાં જ વર બેહોશ થઈ ગયો હતો. કેમ્પસમાં જ એક રૂૂમમાં સારવાર બાદ વર સામાન્ય થઈ ગયો હતો. વર ફરીથી લગ્નમંડપમાં બેઠો કે તરત જ ક્ધયાએ લગ્ન કરવાની ના પાડી દીધી. બંને પક્ષોની સંમતિથી લગ્ન રદ્દ કરવામાં આવ્યા હતા. બંને પક્ષ પોતપોતાના ઘરે પરત ફર્યા હતા.

ભારતીય સેના અને આસામ રાઇફલ્સે ઉત્તર-પૂર્વ ભારતના મણિપુરના સંઘર્ષ પ્રભાવિત વિસ્તારોમાંથી ઇલોન મસ્કની કંપની સ્પેસએક્સના સ્ટારલિંક ઇન્ટરનેટનો ઉપયોગ કરતાં હોવાનું સામે આવ્યું છે. આ ડિવાઇસ ચુરાચંદ્રપુર, ચંદેલ, ઇમ્ફાલ પૂર્વ અને કાંગપોકપી જેવા જિલ્લાઓમાં મળી આવ્યા છે. આ ઘટસ્ફોટ પછી, સુરક્ષા એજન્સીઓ અને સેના સતર્ક થઈ ગઈ છે, કારણ કે આ હાઇ ટેક્નોલોજિકલ ડિવાઇસ ઘુસણખોરોની કોમ્યુનિકેશન સ્કિલ્સમાં નોંધપાત્ર સુધારો કરી શકે છે. જ્યારે સુરક્ષા દળોએ આ વિસ્તારોમાં ઘૂસણખોરો સામે દરોડા પાડ્યા, ત્યારે શસ્ત્રો અને દારૂૂગોળા સાથે સ્ટારલિંક ડિવાઇસ પણ મળી આવ્યું હતું. સામાન્ય રીતે આવા ઓપરેશનમાં માત્ર હથિયારો જ મળી આવતા હતા, પરંતુ આ વખતે હાઇટેક સેટેલાઇટ ઇન્ટરનેટ ડિવાઇસની રિકવરી ગંભીર ચિંતાનો વિષય બની ગઈ છે.

સ્ટારલિંક ડિવાઇસ કોઈપણ વાયર અથવા ટાવર વિના ઇન્ટરનેટ સુવિધા આપે છે. તે સેટેલાઇટ સાથે સીધું જ જોડાય છે અને ગમે ત્યાંથી ઘૂસણખોરો દ્વારા તેનો ઉપયોગ કરી શકાય છે. તેના એન્ડ ટુ એન્ડ એન્ક્રિપ્શનને લીધે, તેને ટ્રેક કરવું અથવા હેક કરવું ખૂબ મુશ્કેલ છે. ડિફેન્સ એક્સપર્ટનું માનવું છે કે આ ડિવાઇસ ઘુસણખોરોની કોમ્યુનિકેશ સિસ્ટમને મજબૂત બનાવશે. જેના કારણે તેઓ રીઅલ-ટાઇમ ઇન્ટેલિજન્સ શેર કરી શકે છે, હુમલાની યોજના બનાવી શકે છે અને તેમના જૂથો વચ્ચે વધુ સારી રીતે સંકલન કરી શકે છે.ડિફેન્સ એજન્સીઓના જણાવ્યા અનુસાર, આ ડિવાઇસ કાં તો દાણચોરી દ્વારા ભારતમાં લાવવામાં આવ્યા છે અથવા નકલી જિયોટેગિંગ દ્વારા એક્ટિવ કરવામાં આવ્યા છે.

એક રીકવર થયેલ ડિવાઇસ પર રિવોલ્યુશનરી પીપલ્સ ફ્રન્ટ (આરપીએફ)ના માર્કિંગ મળ્યા હતા, જે ચીન સમર્થિત પીપલ્સ લિબરેશન આર્મી (પીએલએ) સાથે જોડાયેલા આતંકવાદી જૂથ છે. સંરક્ષણ નિષ્ણાતોનું માનવું છે કે સેટેલાઇટ ઇન્ટરનેટ સાથે કામ કરવા માટે ભારતે પોતાની ટેકનિકલ ક્ષમતા વધારવી પડશે.

સુરક્ષા એજન્સીઓ હવે આ ઉપકરણોની સપ્લાય ચેઇનને શોધવા અને તેને ટ્રેક કરવા માટે ટેકનિકલ કાઉન્ટરમેઝર્સ વિકસાવવા પર કામ કરી રહી છે.

આંબેડકરનું નામ જપવાના બદલે ભગવાનનું નામ લીધું હોત તો સાત જન્મ સુધી સ્વર્ગ મળત

બંધારણ પરની ચર્ચાના જવાબમાં વિપક્ષોને આવો જવાબ આપીને ગૃહપ્રધાન સલવાયા: કોંગ્રેસ દ્વારા માફીની માગણી

બાબા સાહેબ ભીમરાવ આંબેડકર પર કેન્દ્રીય ગૃહમંત્રી અમિત શાહના નિવેદનને લઈને મોટો રાજકીય ખળભળાટ મચી ગયો છે. રાજ્યસભામાં પોતાના ભાષણ દરમિયાન અમિત શાહે આંબેડકરના નામના ઉપયોગને ફેશન ગણાવ્યો હતો. આના પર કોંગ્રેસે શાહ પર બંધારણના નિર્માતાનું અપમાન કરવાનો આરોપ લગાવ્યો છે, જ્યારે ભાજપે કોંગ્રેસ પર ક્લિપ્ડ વીડિયો શેર કરીને સસ્તી રાજનીતિ કરવાનો આરોપ લગાવ્યો છે. વિપક્ષના સાંસદોએ સંસદમાં આંબેડકરની તસવીરો લઈને શાહની માફીની માંગ કરી હતી. આ સમગ્ર મામલાએ જોર પકડ્યું છે. આજે આ મામલે સંસદમાં હોબાળો થયો હતો. કોંગ્રેસ અધ્યક્ષ મલ્લિકાર્જુન ખડગેએ શાહનું રાજીનામું માંગ્યું છે. સંસદમાં આ મામલે ધમાલ ચાલુ રહેતા બન્ને ગૃહોની બેઠક સ્થગીત કરાઇ હતી. અગાઉ કોંગ્રેસ સાંસદ મણિકમ ટાગોરે આ મામલે લોકસભામાં ચર્ચા માટે સ્થગન પ્રસ્તાવની નોટીસ આપી હતી.

બંધારણના 75 વર્ષ પૂર્ણ થવા પર રાજ્યસભામાં ચર્ચા દરમિયાન અમિત શાહે કહ્યું કે આંબેડકરનું નામ લેવું એ આજકાલ એક ફેશન બની ગઈ છે. તેમણે કહ્યું, હવે તે એક ફેશન બની ગઈ છે – આંબેડકર, આંબેડકર, આંબેડકર, આંબેડકર, આંબેડકર, આંબેડકર. જો તમે આટલું જ ભગવાનનું નામ લીધું હોત, તો તમે સાત જન્મો માટે સ્વર્ગમાં ગયા હોત. શાહે વધુમાં કહ્યું હતું કે, સો વખત તેમનું નામ લો, પણ મારે જાણવું છે કે તમને તેમના પ્રત્યે શું લાગણી છે?

તેમણે કહ્યું કે જવાહરલાલ નેહરુની સરકાર સાથે મતભેદને કારણે આંબેડકરને પહેલા કેબિનેટમાંથી રાજીનામું આપવું પડ્યું હતું.

શાહે કહ્યું, આંબેડકરજીએ ઘણી વખત કહ્યું હતું કે તેઓ અનુસૂચિત જાતિ અને જનજાતિને આપવામાં આવતી સારવારથી સંતુષ્ટ નથી. તેમણે એમ પણ કહ્યું કે આંબેડકર સરકારની નીતિઓ અને કલમ 370 પરના તેના વલણથી ખુશ નથી. શાહે કહ્યું, તેઓ (કેબિનેટમાંથી) રાજીનામું આપવા માગતા હતા, તેમને આશ્વાસન આપવામાં આવ્યું હતું, અને જ્યારે ખાતરી પૂરી ન થઈ ત્યારે તેઓએ રાજીનામું આપ્યું.

ગૃહમંત્રીના આ નિવેદન પર કોંગ્રેસે તીખી પ્રતિક્રિયા આપી છે. લોકસભામાં વિપક્ષના નેતા રાહુલ ગાંધીએ ટોણો મારતા કહ્યું, મનુસ્મૃતિનું પાલન કરનારાઓને સ્વાભાવિક રીતે જ આંબેડકર સાથે સમસ્યા હશે.
કોંગ્રેસ અધ્યક્ષ મલ્લિકાર્જુન ખડગેએ પણ શાહ પર નિશાન સાધતા કહ્યું કે, ગૃહમંત્રી દ્વારા આજે ગૃહમાં બાબાસાહેબના અપમાનથી ફરી એકવાર સાબિત થઈ ગયું છે કે ભાજપ-આરએસએસ તિરંગાની વિરુદ્ધ હતા.

શાહે રજુ કરેલા તથ્યોથી ડરેલી કોંગ્રેસ હવે ડોળ કરે છે: મોદીનું હલ્લાબોલ
બીઆર આંબેડકર પર ગૃહમંત્રી અમિત શાહે આપેલા નિવેદનને લઈને દેશમાં રાજકારણ ગરમાયું છે. કોંગ્રેસ સહિત તમામ વિપક્ષી પાર્ટીઓ આ મુદ્દે ભાજપ પાસેથી માફી માંગે તેવી માંગ કરી રહ્યા છે. આ દરમિયાન વડાપ્રધાન નરેન્દ્ર મોદીએ આંબેડકરના મુદ્દે કોંગ્રેસ પર નિશાન સાધ્યું હતું. પીએમ મોદીએ કહ્યું, કોંગ્રેસે આંબેડકરનું જે અપમાન કર્યું છે તેને છુપાવી શકતું નથી. એક વંશના નેતૃત્વમાં પાર્ટીએ આંબેડકરના વારસાને ભૂંસી નાખવાની ચાલ કરી છે. સોશિયલ મીડિયા પ્લેટફોર્મ પર પોસ્ટ કરીને કોંગ્રેસે ચૂંટણીમાં પંડિત નેહરુને હરાવવા માટે ગંદી યુક્તિ રમી હતી અને તેમની હારને સંસદની પ્રતિષ્ઠાનો મુદ્દો બનાવી દીધો હતો. પીએમ મોદીએ કહ્યું, સંસદમાં, અમિત શાહે ડો. આંબેડકરનું અપમાન કરવા અને એસસી/એસટી સમુદાયોની અવગણના કરવાના કોંગ્રેસના કાળા ઈતિહાસનો પર્દાફાશ કર્યો. તેમના દ્વારા રજૂ કરાયેલા તથ્યોથી કોંગ્રેસ ડરી ગઈ છે અને તેથી હવે તે ડોળ કરી રહી છે. ઉલ્લેખનીય છે કે શાહની આંબેડકર વિશે ટિપ્પણીઓ મામલે આજે સંસદમાં ધમાલ થઇ હતી એ પછી શાહ મોદી ઉપરાંત ભાજપ અધ્યક્ષ જે.પી. નડ્ડા અને પિયુષ ગોયેલને મળ્યા હતા.