દેશમાં ટ્રાફિક વ્યવસ્થાને સુચારુ રીતે ચલાવવા માટે પરિવહન વિભાગ અને ટ્રાફિક પોલીસ સતત નવા નિયમો અને કાયદાઓ લાગુ કરી રહ્યા છે. લોકો ટ્રાફિક નિયમોનો ભંગ ન કરે તે માટે ટ્રાફિક દંડમાં પણ નોંધપાત્ર વધારો કરવામાં આવ્યો હતો. પરંતુ તાજેતરના એક અહેવાલમાં ખુલાસો થયો છે કે દેશભરમાં લોકો ટ્રાફિક નિયમોનું ઉલ્લંઘન કરે છે અને કાયદાનો અનાદર કરે છે.
કાર્સ24ના તાજેતરના સર્વેક્ષણ રિપોર્ટ અનુસાર, ગયા વર્ષે 2024માં દેશભરમાં ટ્રાફિક ઉલ્લંઘન દંડની રકમ ઘણા નાના દેશોના ૠઉઙ કરતાં વધી ગઈ હતી. આ અહેવાલ મુજબ, ગયા વર્ષે દેશભરમાં લગભગ 8 કરોડ ટ્રાફિક ચલણ જાહેર કરવામાં આવ્યા હતા, જેનો કુલ દંડ લગભગ 12,000 કરોડ રૂૂપિયા હતો. આનો અર્થ એ થયો કે રસ્તા પર ચાલતા લગભગ દરેક બીજા વાહનને ટ્રાફિક નિયમોનું ઉલ્લંઘન કરવા બદલ ઓછામાં ઓછો એક વાર દંડ ફટકારવામાં આવ્યો છે. સૌથી મહત્વની વાત એ છે કે આટલી મોટી દંડની રકમમાંથી આશરે 9,000 કરોડ રૂૂપિયા હજુ બાકી છે.
આ અહેવાલ મુજબ, 140 કરોડ લોકોની વસ્તી ધરાવતા આ દેશમાં આશરે 22 કરોડ લોકો પાસે કાર છે. આવી સ્થિતિમાં તમે પોતે જ કલ્પના કરી શકો છો કે વસ્તીનો ખૂબ જ નાનો ભાગ આટલી મોટી બાકી રકમ માટે જવાબદાર છે. આ રિપોર્ટ સ્પષ્ટપણે દર્શાવે છે કે ડ્રાઇવરો રસ્તા પર કેટલી જવાબદારીપૂર્વક વાહન ચલાવે છે.
આ રિપોર્ટ સમજાવે છે કે, ભારતમાં ડ્રાઇવરો માર્ગ સલામતી અને ચલણ વિશે શું વિચારે છે? આ માટે આ સર્વેમાં 1,000 લોકોને સામેલ કરવામાં આવ્યા હતા. આ સર્વેમાં એ સ્પષ્ટ થયું કે મોટાભાગના લોકો રસ્તા પર સલામતીને ધ્યાનમાં રાખીને નહીં પણ જરૂૂરી હોય ત્યારે જ નિયમોનું પાલન કરે છે. આ સર્વેમાં લોકોએ આપેલા જવાબો જાણીને તમને આશ્ચર્ય થશે.
43.9% લોકો કહે છે કે તેઓ ટ્રાફિક પોલીસની હાજરીમાં જ નિયમોનું પાલન કરે છે. 31.2% લોકોએ કહ્યું કે તેઓ ક્યારેક તેમના ડ્રાઇવિંગમાં ફેરફાર કરતા પહેલા પોલીસની હાજરી તપાસે છે. 17.6% લોકોએ સ્વીકાર્યું કે તેઓ દંડથી બચવા માટે તેમની આસપાસની પ્રવૃત્તિઓ પર સક્રિયપણે નજર રાખે છે. આ દર્શાવે છે કે ઘણા ડ્રાઇવરો રસ્તા પર ટ્રાફિક પોલીસકર્મીને ન જુએ ત્યાં સુધી રસ્તાના નિયમોને વૈકલ્પિક માને છે.
