ચક્રવાત ફેંગલના કારણે સતત વરસાદને કારણે તિરુવન્નામલાઈમાં એક મોટો ખડક તેમના ઘર પર તૂટી પડતાં પાંચ બાળકો સહિત સાત લોકોએ જીવ ગુમાવ્યો હતો. ચાર મૃતદેહોને બહાર કાઢીને હોસ્પિટલમાં મોકલવામાં આવ્યા છે. નાયબ મુખ્ય પ્રધાન ઉધયનિધિ સ્ટાલિને શોકગ્રસ્ત પરિવાર માટે રૂ. 5 લાખની ઉચ્ચક સહાયની જાહેરાત કરી છે.
ચેન્નાઈમાં ઈન્ડિયન ઈન્સ્ટિટ્યૂટ ઓફ ટેક્નોલોજીના નિષ્ણાતો દ્વારા સમર્થિત બચાવ કામગીરી ચાલુ છે પરંતુ સતત વરસાદ અને ટેકરી ઉપર અન્ય અસ્થિર પથ્થરના ભયને કારણે તેમાં વિલંબ થયો છે.
અસરગ્રસ્ત વિસ્તારોમાં સ્થાપિત રાહત શિબિરો વિશે બોલતા, સીએમ સ્ટાલિને કહ્યું કે હાલમાં 7,000 થી વધુ લોકો 147 શિબિરોમાં રોકાયા છે. તેમણે કહ્યું, કુલ 147 રાહત શિબિરો કાર્યરત છે, જેમાં 7,776 લોકોને સમાવી શકાય છે. તેમના માટે પાણી, ખોરાક અને તબીબી પુરવઠા સહિતની તમામ જરૂૂરી વ્યવસ્થા કરવામાં આવી છે. તિરુવન્નામલાઈ ભૂસ્ખલન સ્થળ પર બચાવ કામગીરી ચાલી રહી છે. અસરગ્રસ્ત સ્થળે મદદ માટે ઈંઈંઝ એન્જિનિયરોને બોલાવવામાં આવ્યા છે.
પીટીઆઈના અહેવાલ મુજબ, તેનપેન્નાઈ નદી છલકાઈ ગઈ હતી, અનેક વિસ્તારોમાં વૃક્ષો ધરાશાયી થઈ ગયા હતા અને ભારે વરસાદને કારણે વીજળીના થાંભલા નમેલા હતા. અરગંડાનાલ્લુર, વિલ્લુપુરમમાં, ઘણા ઘરો, ખાસ કરીને ટાઇલ્સવાળા, લગભગ 4 ફૂટથી વધુ પાણીના સ્તરમાં ડૂબી ગયા હતા. પશ્ચિમ તમિલનાડુના કૃષ્ણાગિરી અને ધર્મપુરી જિલ્લાના ભાગોએ પણ ગંભીર પૂરનો અનુભવ કર્યો, જે બે દાયકામાં સૌથી ખરાબ છે. કૃષ્ણાગિરીના ઉથાંગરાઈમાં 50 સેમી, વિલ્લુપુરમમાં 42 સેમી અને ધર્મપુરીમાં હારુરમાં 33 સેમી વરસાદ નોંધાયો હતો. કુડ્ડલોર અને તિરુવન્નામલાઈએ 16 સેમી વરસાદ જોયો હતો, આ બધું 1 ડિસેમ્બરના રોજ સવારે 8:30 થી 2 ડિસેમ્બરના રોજ સવારે 8:30 વાગ્યા સુધીના 24 કલાકના સમયગાળામાં નોંધાયો હતો.
એકલા વિલ્લુપુરમમાં 65 રાહત શિબિરોમાં 3,617 લોકોને આશ્રય આપવામાં આવ્યો હતો અને 15 ડિઝાસ્ટર રિસ્પોન્સ ટીમો તૈનાત કરવામાં આવી હતી.
