ગુજરાત
માતાએ દારૂ પી ડખા કરવાની ના પાડતા પુત્રએ કર્યો આપઘાત
હલેન્ડામાં શ્રમિક યુવાનનો ઝેર પી આપઘાતનો પ્રયાસ
શહેરમાં સ્વામિનારાયણ ચોકમાં આવેલા કૃષ્ણનગરમાં રહેતા યુવકને જનેતાએ દારૂૂ પી ઝઘડા નહીં કરવા ઠપકો આપતા યુવકને લાગી આવતા ભક્તિનગર સર્કલ પાસે ઝેરી દવા પી જીવન ટૂંકાવી લીધું હતું યુવકના મોતથી પરિવારમાં ગમગીની છવાઈ જવા પામી છે.
આ બનાવ અંગે પોલીસમાંથી જાણવા મળતી વિગત મુજબ સ્વામિનારાયણ ચોક પાસે આવેલા કૃષ્ણનગરમાં રહેતા વિજય હસમુખભાઈ કોટક નામનો 40 વર્ષનો યુવાન સવારના સાડા નવેક વાગ્યાના અરસામાં ભક્તિનગર સર્કલ પાસે હતો ત્યારે ઝેરી દવા પી લીધી હતી. યુવકને ઝેરી અસર થતા સારવાર માટે સિવિલ હોસ્પિટલમાં દાખલ કરવામાં આવ્યો હતો જ્યાં યુવકનું સારવાર દરમિયાન મોત નિપજતા પરિવારમાં ગમગીની છવાઈ જવા પામી છે. પ્રાથમિક પૂછપરછમાં મૃતક વિજય કોટક બે ભાઈ બે બહેનમાં વચ્ચેટ હતો અને તેને સંતાનમાં બે પુત્ર છે.
વિજય કોટક દારૂૂ પી ઘરમાં ઝઘડા કરતો હોવાથી માતાએ ઠપકો આપ્યો હતો જેથી માતાના ઠપકાથી માઠું લાગતા વિજય કોટકે ઝેરી દવા પી જીવન ટૂંકાવ્યું હોવાનું જાણવા મળ્યું છે.આ ઉપરાંત અન્ય બીજા બનાવમાં શહેરની ભાગોળે ભાવનગર રોડ ઉપર આવેલા હલેન્ડા ગામે ખેત મજૂરી અર્થે આવેલા વિશાલ ભીમજીભાઈ નાયક નામના 24 વર્ષના યુવાને કોઈ અગમ્ય કારણસર અજય પરમારની વાડીએ ઝેરી દવા પી લીધી હતી યુવકને ઝેરી અસર થતા સારવાર માટે સિવિલ હોસ્પિટલમાં દાખલ કરવામાં આવ્યો હતો. ઉપરોક્ત બંને બનાવ અંગે પોલીસે નોંધ કરી વધુ તપાસ હાથ ધરી છે.