જેતપુરમાં એક અત્યંત સંવેદનશીલ કિસ્સો સામે આવ્યો છે, જેમાં 8 મહિનાની ગર્ભવતી મહિલાને તેના જ સાસરિયા પક્ષ દ્વારા શારીરિક અને માનસિક ત્રાસ આપવામાં આવતો હોવાની ચોંકાવનારી ઘટના બની છે. આ મામલે પીડિતા નિરૂૂબેન ધર્મેશભાઈ કુડેચાએ જેતપુર સીટી પોલીસ મથકે પોતાના પતિ, સાસુ, સસરા અને નણંદ વિરુદ્ધ ફરિયાદ નોંધાવી છે. ફરિયાદમાં જણાવાયું છે કે, લગ્નના શરૂૂઆતના સમયમાં બધું સામાન્ય હતું, પરંતુ ત્યારબાદ ઘરકામ કે ચા બનાવવામાં નાની ભૂલ થતાં જ સાસુ-સસરા અને નણંદ તેને સતત અપશબ્દો બોલીને માનસિક ત્રાસ આપતા હતા. આ ત્રણેય સભ્યોની ઉશ્કેરણીના કારણે પતિ પણ અવારનવાર પરિણીતા સાથે ઝઘડો કરતો અને શારીરિક ઈજાઓ પહોંચાડતો હતો. પરિસ્થિતિ એટલી હદે વણસી હતી કે ત્રણ મહિના પહેલા જ આરોપીઓએ પીડિતાને ઘરમાંથી કાઢી મૂકી હતી.
પીડિતાએ પોતાની ફરિયાદમાં વધુ વિગતો આપતા જણાવ્યું છે કે 24 જુલાઈ 2023ના રોજ તેણે ધર્મેશભાઈ મગનભાઈ કુડેચા સાથે લગ્ન કર્યા હતા. હાલ તે આઠ મહિનાની ગર્ભવતી છે, જે તેના જીવનનો સૌથી મહત્વપૂર્ણ તબક્કો છે. આટલી ગંભીર સ્થિતિમાં પણ તેના પર થતા શારીરિક અને માનસિક અત્યાચારો અટક્યા ન હતા. સાસરિયા પક્ષનું વલણ ક્રૂર બની ગયું હતું અને તે સતત શારીરિક ત્રાસ અનુભવતી હતી. એક તરફ માતૃત્વની ખુશી અને બીજી તરફ સાસરિયાનો ત્રાસ, પીડિતા માટે આ સમયગાળો ખૂબ જ પીડાદાયક રહ્યો છે. પતિ પણ પરિવારના અન્ય સભ્યોના દબાણમાં આવીને પોતાની ગર્ભવતી પત્નીને માર મારતો હોવાની ચોંકાવનારી વિગત ફરિયાદમાં બહાર આવી છે.
પોલીસ ફરિયાદમાં કરવામાં આવેલા ઉલ્લેખ મુજબ, પીડિતાએ આટલા દિવસો સુધી કાયદાનો આશરો કેમ ન લીધો તેનું મુખ્ય કારણ તેના લગ્નજીવનને બચાવવાની ઈચ્છા હતી. તે સતત રાહ જોતી હતી કે કદાચ એક દિવસ તેના સાસરિયા પક્ષ દ્વારા તેને ફરીથી તેડી જવામાં આવશે અને તેનું લગ્ન જીવન પહેલાની જેમ વ્યવસ્થિત થઈ જશે. પોતાનું ઘર ન તૂટે તે માટે તેણે અસહ્ય ત્રાસ સહન કરીને પણ ફરિયાદ કરવાનું ટાળ્યું હતું. જોકે, ત્રાસની તમામ હદ વટાવી જતાં અને લગ્નજીવન ટકવાની કોઈ આશા ન જણાતા અંતે તેણે પોલીસનું શરણું લેવું પડ્યું છે. જેતપુર સીટી પોલીસે પીડિતાની ફરિયાદના આધારે ભારતીય ન્યાય સંહિતાની વિવિધ કલમો હેઠળ ગુનો નોંધીને પતિ ધર્મેશભાઈ, સસરા મગનભાઈ, સાસુ દિવાળીબેન અને નણંદ માનશીબેન સામે કાયદેસરની તપાસ હાથ ધરી છે.