શંકાસ્પદ ચૂંટણીકાર્ડ શોધવા તપાસ
રાજકોટ શહેર અને જિલ્લાના વહીવટી તંત્રએ ડુપ્લીકેટ ચૂંટણી કાર્ડ ધરાવતા લોકો સામે સખત પગલાં ભર્યા છે. વિશ્વસનીય સૂત્રો પાસેથી મળતી માહિતી મુજબ, આ કાર્યવાહીના પરિણામે શહેર અને જિલ્લાની મતદાર યાદીમાંથી આશરે 250 થી 300 જેટલા લોકોના નામ દૂર કરવામાં આવ્યા છે.
તાજેતરમાં જ રાજ્ય ચૂંટણી પંચે વિવિધ શહેરોમાં શંકાસ્પદ ચૂંટણી કાર્ડ અંગે તપાસ હાથ ધરવા માટે આદેશ જાહેર કર્યો હતો. આ આદેશના અનુસંધાનમાં રાજકોટ જિલ્લા ચૂંટણી તંત્ર પણ તાત્કાલિક ધોરણે કાર્યરત થયું હતું. તંત્ર દ્વારા હાથ ધરવામાં આવેલી સઘન તપાસના પરિણામે માત્ર 15 દિવસના ટૂંકા સમયગાળામાં જ આટલી મોટી સંખ્યામાં ડુપ્લીકેટ ચૂંટણી કાર્ડ શોધી કાઢવામાં સફળતા મળી છે.ઉલ્લેખનીય છે કે, રાજકોટ શહેર-જિલ્લામાં મતદાર યાદીમાં ડબલ નામો અને ડુપ્લીકેટ ચૂંટણીકાર્ડનો મુદો વિવાદસ્પદ રહ્યો છે.