ગુજરાત
લીંબડી-રાજકોટ હાઇવે પર પીકઅપ વાન પલટી ખાઇ જતાં રસ્તા પર દારૂની રેલમછેલ
વાહન ચાલકોએ દારૂની બોટલોની લૂંટ ચલાવી, કલાકો સુધી ટ્રાફિકજામ રહ્યો
લીંબડી-રાજકોટ નેશનલ હાઈવે પર વસ્તડી ગામ પાસે દારૂૂ ભરેલ પીકઅપ વાનના ચાલકે સ્ટેરીંગ પરનો કાબુ ગુમાવતા અકસ્માત સર્જાયો હતો જેમાં અકસ્માત બાદ દારૂૂની બોટલો રસ્તા પર વેરવિખેર હાલતમાં નજરે પડતા લોકો લેવા માટે પડાપડી કરતા નજરે પડ્યા હતા અને અન્ય વાહનચાલકોમાં પણ આ દ્રશ્યો જોઈ કુતુહુલ સર્જાયું હતું. આ અંગે મળતી માહિતી મુજબ લીંબડી-રાજકોટ હાઈવે પરથી પીકઅપ વાન પસાર થઈ રહી હતી તે વસ્તડી ગામ પાસે ચાલકે સ્ટેરીંગ પરનો કાબુ ગુમાવતા પીકઅપ વાન રસ્તા વચ્ચે પલટી મારી જતા પીકઅપમાં ભરેલ ઈંગ્લીશ દારૂૂનો પર્દાફાશ થયો હતો.તેમજ દારૂૂની પેટીઓ રસ્તા પર રેલમછેલ થઈ હતી.
જેને જોતા જ રસ્તા પરથી પસાર થતા વાહનચાલકો સહિત આસપાસના લોકો સ્થળ પર પહોંચી દારૂૂની છુટક બોટલો સહિત પેટીની લુંટ ચલાવી પડાપડી કરતા અકસ્માતને કારણે દારૂૂની પેટીઓ રસ્તા તેમજ પોલીસના હાથે ઝડપાઈ ન જાય માટે લોકો ત્યાંથી ભાગી ગયા હતા.આ ઘટનાની જાણ થતાં પોલીસ ઘટના સ્થળે પહોંચી હતી અને દારૂૂ અંગે તપાસ શરૂૂ કરી છે.આ ઘટનાને લઈ અમુક કલાકો માટે ટ્રાફિક જામ થયો હતો.