મોરબીના પીપળી ગામ નજીક જેટકોના સબ સ્ટેશનના ટ્રાન્સફોર્મરમાં અચાનક બ્લાસ્ટ થતા આગ લાગવાનો બનાવ સામે આવ્યો છે તો ધટનાની જાણ થતા જ મોરબી ફાયરની ટીમે દોડી જઈને કામગીરી હાથ ધરી હોવાની માહિતી મળી છે.
મોરબીના પીપળી ગામ નજીક જેટકોના સબ સ્ટેશનના ટ્રાન્સફોર્મરમાં અચાનક બ્લાસ્ટ થયો હોવાનો બનાવ સામે આવ્યો છે ટ્રાન્સફોર્મરમાં અચાનક બ્લાસ્ટ થતા જ આગ લાગી હતી આગની જ્વાળાઓ દુર દુર સુધી પ્રસરી છે તો ટ્રાન્સફોર્મરમાં બ્લાસ્ટને પગલે કર્મચારીઓમાં પણ ભયનો માહોલ ફેલાયો છે તો ધટના અંગે મોરબી ફાયરની ટીમને જાણ કરવામાં આવતા ફાયરની ટીમે દોડી જઈને પાણીનો મારો ચલાવ્યો છે તો ધટનામાં કોઈ જાનહાની થઇ નહિ હોવાની માહિતી જેટકોના અધિકારી કિરણભાઈ કારોલિયા પાસેથી મળી છે.
પીપળી સબ સ્ટેશનમાં બ્લાસ્ટ થતા જ મોરબી અને આસપાસના તમામ સબ સ્ટેશન બંધ કરી દેવામાં આવ્યા છે જેથી મોરબી શહેરમાં વીજ પુરવઠો ખોરવાયો છે અને અંધકાર છવાયો છે.